سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Inshiqaq (The Splitting Asunder)

Surah Al-Inshiqaq (The Splitting Asunder) - Yaw Aya count 25

إِذَا ٱلسَّمَآءُ ٱنشَقَّتْ ﴿١﴾
Pandema jalichipapuka liwunde.
وَأَذِنَتْ لِرَبِّهَا وَحُقَّتْ ﴿٢﴾
Ni kwisa kunda lilamusi lya M’mbujeegwe, soni liichiŵajilwa (kuti likunde).
وَإِذَا ٱلْأَرْضُ مُدَّتْ ﴿٣﴾
Ni ndema jalichijasyisyidwa litaka (pakusyaga matumbi ni ikwesya).
وَأَلْقَتْ مَا فِيهَا وَتَخَلَّتْ ﴿٤﴾
Ni kwisa kuponya kusa (litakalyo) yayaliji nkati mwakwe nikuŵa mwangali chachipali.
وَأَذِنَتْ لِرَبِّهَا وَحُقَّتْ ﴿٥﴾
Ni kwisa kunda lilamusi lya M’mbujeegwe, soni liichiŵajilwa (kuti likunde).
يَٰٓأَيُّهَا ٱلْإِنسَٰنُ إِنَّكَ كَادِحٌ إِلَىٰ رَبِّكَ كَدْحًۭا فَمُلَٰقِيهِ ﴿٦﴾
E mmwe amundu! Chisimutu mmwe nkukangamala wa kwa Ambuje ŵenu (Allah) nchilimbichilaga (kutenda itendo yambone kapena yakusakala), basi ni tinchisimangana nayo (pa lisiku lya Kiyamalyo).
فَأَمَّا مَنْ أُوتِىَ كِتَٰبَهُۥ بِيَمِينِهِۦ ﴿٧﴾
Sano mundu jwatachipedwa chitabu chakwe ku nkono wakwe wan'dyo.
فَسَوْفَ يُحَاسَبُ حِسَابًۭا يَسِيرًۭا ﴿٨﴾
Basi jwalakwe tachiŵalanjidwa kuŵalanjidwa kwakwepepala.
وَيَنقَلِبُ إِلَىٰٓ أَهْلِهِۦ مَسْرُورًۭا ﴿٩﴾
Soni ni tachiujila kwa achalongo achin'jakwe ali jwakusengwa.
وَأَمَّا مَنْ أُوتِىَ كِتَٰبَهُۥ وَرَآءَ ظَهْرِهِۦ ﴿١٠﴾
Nambo mundu jwatachipedwa chitabu chakwe cha kunyuma kwa n'gongo wakwe.
فَسَوْفَ يَدْعُوا۟ ثُبُورًۭا ﴿١١﴾
Basi jwalakwe, tachichiŵilanga chonasiko (kuti bola agambe kuwa, nambo ngasiyikomboleka).
وَيَصْلَىٰ سَعِيرًا ﴿١٢﴾
Ni tachijinjila ku Moto Wakulapuka.
إِنَّهُۥ كَانَ فِىٓ أَهْلِهِۦ مَسْرُورًا ﴿١٣﴾
Chisimu jwalakwe jwaliji jwakusengwa (pajwaliji) ni achalongo achin'jakwe (ku duniya).
إِنَّهُۥ ظَنَّ أَن لَّن يَحُورَ ﴿١٤﴾
Chisimu jwalakwe jwasimichisyaga kuti ngasaujila (kwa Allah).
بَلَىٰٓ إِنَّ رَبَّهُۥ كَانَ بِهِۦ بَصِيرًۭا ﴿١٥﴾
Elo! Chisimu Ambujegwe ŵaliji ali nkunnolechesya.
فَلَآ أُقْسِمُ بِٱلشَّفَقِ ﴿١٦﴾
Basi ngukulumbila kuchejela kwegulo.
وَٱلَّيْلِ وَمَا وَسَقَ ﴿١٧﴾
Kwisa soni chilo ni yachikusonganganyaga.
وَٱلْقَمَرِ إِذَا ٱتَّسَقَ ﴿١٨﴾
Ni mwesi ndema jaukwanila lilanguka (lyakwe).
لَتَرْكَبُنَّ طَبَقًا عَن طَبَقٍۢ ﴿١٩﴾
Chisimu ŵanganyammwe chinsimanganeje nako kaŵe kane kutyochela pa kaŵe kane (paumi wa duniya uno mpaka kwa Akhera).
فَمَا لَهُمْ لَا يُؤْمِنُونَ ﴿٢٠﴾
Ana akwete chichi ŵanganyao chikwatendekasya kuti akakulupilila?
وَإِذَا قُرِئَ عَلَيْهِمُ ٱلْقُرْءَانُ لَا يَسْجُدُونَ ۩ ﴿٢١﴾
Soni pati jichisoomedwaga kukwao Qur’an ŵangasujudu!
بَلِ ٱلَّذِينَ كَفَرُوا۟ يُكَذِّبُونَ ﴿٢٢﴾
Nambo kuti achimakafili agamba kanila basi.
وَٱللَّهُ أَعْلَمُ بِمَا يُوعُونَ ﴿٢٣﴾
Sano Allah ni jwaakuyimanya chenene yaakusonganganya ŵanganyao.
فَبَشِّرْهُم بِعَذَابٍ أَلِيمٍ ﴿٢٤﴾
Basi mwatagulilani ya ilagasyo yakupoteka nnope.
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ أَجْرٌ غَيْرُ مَمْنُونٍۭ ﴿٢٥﴾
Ikaŵeje aŵala ŵaakulupilile ni kutendaga yambone, akwete kupata ŵanganyao malipilo gangamala.
Share