سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah An-Naba' ( The Great News )

Surah An-Naba' ( The Great News ) - Yaw Aya count 40

عَمَّ يَتَسَآءَلُونَ ﴿١﴾
Ana akuwusyana ya chichi?
عَنِ ٱلنَّبَإِ ٱلْعَظِيمِ ﴿٢﴾
Ya abali jekulungwa (ja Kiyama)!
ٱلَّذِى هُمْ فِيهِ مُخْتَلِفُونَ ﴿٣﴾
Jaakuŵa ŵanganyao pa jalakwejo ali nkutindana!
كَلَّا سَيَعْلَمُونَ ﴿٤﴾
Ngwamba! Sampano chaimanye (isyesyene yakwe).
ثُمَّ كَلَّا سَيَعْلَمُونَ ﴿٥﴾
Soni ngwamba! Sampano chaimanye (isyesyene yakwe).
أَلَمْ نَجْعَلِ ٱلْأَرْضَ مِهَٰدًۭا ﴿٦﴾
Ana nganituliŵika litaka kuŵa chakutandika?
وَٱلْجِبَالَ أَوْتَادًۭا ﴿٧﴾
Matumbi ni kuŵa ichili?
وَخَلَقْنَٰكُمْ أَزْوَٰجًۭا ﴿٨﴾
Ni tun'gumbile ŵanganyammwe mitundu jiŵili (achalume ni achakongwe).
وَجَعَلْنَا نَوْمَكُمْ سُبَاتًۭا ﴿٩﴾
Soni tuluŵisile lugono lwenu kuŵa kupumula (kwa ilu yenu).
وَجَعَلْنَا ٱلَّيْلَ لِبَاسًۭا ﴿١٠﴾
Ni tuchiŵisile chilo kuŵa chiwaalo (pakusiŵilila ilu yenu ni chipi chakwe).
وَجَعَلْنَا ٱلنَّهَارَ مَعَاشًۭا ﴿١١﴾
Ni tuuŵisile muusi kuŵa ndema jakupalila.
وَبَنَيْنَا فَوْقَكُمْ سَبْعًۭا شِدَادًۭا ﴿١٢﴾
Ni tutaŵile pachanya penu (mawunde) nsano nagaŵili gakulimbangana.
وَجَعَلْنَا سِرَاجًۭا وَهَّاجًۭا ﴿١٣﴾
Soni tuŵisile (kwalakweko) nyali jaakolela kusyene (lyuŵa).
وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا ﴿١٤﴾
Ni tutulwisye kuumila m’mawunde gawula mesi gakugwa mwamachili.
لِّنُخْرِجَ بِهِۦ حَبًّۭا وَنَبَاتًۭا ﴿١٥﴾
Kuti tukopochesye mbeju ni mmela.
وَجَنَّٰتٍ أَلْفَافًا ﴿١٦﴾
Kwisa soni migunda jetotekane (nyambi sya itela).
إِنَّ يَوْمَ ٱلْفَصْلِ كَانَ مِيقَٰتًۭا ﴿١٧﴾
Chisimu Lisiku Lyachiilanyo liŵele lyana ndema jakwe jisyesyene.
يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا ﴿١٨﴾
Lisiku lya chiiligombedwa lipenga, mwanti ŵanganyammwe chinchiikanganaga mikutula-mikutula.
وَفُتِحَتِ ٱلسَّمَآءُ فَكَانَتْ أَبْوَٰبًۭا ﴿١٩﴾
Ni lichiugulidwa liwunde, mwanti lichiŵa milango-milango.
وَسُيِّرَتِ ٱلْجِبَالُ فَكَانَتْ سَرَابًا ﴿٢٠﴾
Nombe matumbi gachityosyedwa m’mangwakwe, mwanti gachiŵa lunyisinyisi.
إِنَّ جَهَنَّمَ كَانَتْ مِرْصَادًۭا ﴿٢١﴾
Chisimu Jahannama jikuŵa nkwajembecheya (ŵakulemwa).
لِّلطَّٰغِينَ مَـَٔابًۭا ﴿٢٢﴾
Kwa ŵakusumba mpika gaŵele malo gakuujila.
لَّٰبِثِينَ فِيهَآ أَحْقَابًۭا ﴿٢٣﴾
Tachiŵa nkutama mwalakwemo yaka-yaka.
لَّا يَذُوقُونَ فِيهَا بَرْدًۭا وَلَا شَرَابًا ﴿٢٤﴾
Ngasapasya mwalakwemo kusisimila namuno yakumwa (yakumasya njota).
إِلَّا حَمِيمًۭا وَغَسَّاقًۭا ﴿٢٥﴾
Ikaŵeje mesi gamasemule nnope ni uwowu.
جَزَآءًۭ وِفَاقًا ﴿٢٦﴾
(Kuŵa) malipilo gakulandanila (ni masengo gao).
إِنَّهُمْ كَانُوا۟ لَا يَرْجُونَ حِسَابًۭا ﴿٢٧﴾
Chisimu ŵanganyao ŵaliji ali ngaakwembecheya ya chiŵalanjilo.
وَكَذَّبُوا۟ بِـَٔايَٰتِنَا كِذَّابًۭا ﴿٢٨﴾
Ni ŵaikaaniile imanyilo Yetu naikanilape.
وَكُلَّ شَىْءٍ أَحْصَيْنَٰهُ كِتَٰبًۭا ﴿٢٩﴾
Soni chindu chilichose tuchisunjile paachilemba m’Chitabu.
فَذُوقُوا۟ فَلَن نَّزِيدَكُمْ إِلَّا عَذَابًا ﴿٣٠﴾
Basi pasyani; mwanti ngatun'jonjechesya (inepe) ikaŵeje ilagasyo (pachanya pa ilagasyo).
إِنَّ لِلْمُتَّقِينَ مَفَازًا ﴿٣١﴾
Chisimu ŵaoga (wakun’jogopa Allah) akwete kupata malo ga kupunda (ku Mbepo).
حَدَآئِقَ وَأَعْنَٰبًۭا ﴿٣٢﴾
Matimbe gana uŵigo ni itela ya zabibu.
وَكَوَاعِبَ أَتْرَابًۭا ﴿٣٣﴾
Ni ŵaali ŵangagwa maŵele ŵakulandana misingu.
وَكَأْسًۭا دِهَاقًۭا ﴿٣٤﴾
Kwisa soni ipanda yachigumbalile.
لَّا يَسْمَعُونَ فِيهَا لَغْوًۭا وَلَا كِذَّٰبًۭا ﴿٣٥﴾
Ngasaja kupikana mwalakwemo yangali mate atamuno unami.
جَزَآءًۭ مِّن رَّبِّكَ عَطَآءً حِسَابًۭا ﴿٣٦﴾
(Aga ni) malipilo gakuumila kwa Ambuje ŵenu (Allah), ntuuka wakwana.
رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا ﴿٣٧﴾
M'mbuje jwa kumawunde ni petaka ni yaili chilikati chakwe, Jwaukoto wejinji. Pangali ŵachachikola machili gakuŵecheta Najo.
يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا ﴿٣٨﴾
Lisiku lyatiuchijima Nsimu (Jibulilu) pamo ni Achimalaika m’misela; ngasaŵecheta (jwalijose) ikaŵeje jwatachipedwa lusa ni (Allah) Jwaukoto wejinji, ni tachiŵecheta yakulungamika.
ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿٣٩﴾
Lyele ni Lisiku lyakuonaonape, basi jwaakusaka aliikolochesye chilepe malo gakuujila kwa M'mbujegwe (Allah).
إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا ﴿٤٠﴾
Chisimu Uwwe tukuntetela chilepe ya ilagasyo yakuŵandika. Lisiku lyataachiiwona mundu yagaalongwesye makono gakwe, nitachiŵecheta kafili kuti: “Nkongwene! Bola ningaliji litaka.”
Share