سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Waqi'ah ( The Event )

Surah Al-Waqi'ah ( The Event ) - Yaw Aya count 96

إِذَا وَقَعَتِ ٱلْوَاقِعَةُ ﴿١﴾
Patichitendekwa chakutendekwa (Kiyama).
لَيْسَ لِوَقْعَتِهَا كَاذِبَةٌ ﴿٢﴾
Pangali jwakanila yakutendekwa kwakwe.
خَافِضَةٌۭ رَّافِعَةٌ ﴿٣﴾
(Chalakwe ni) chakwaatulusya (achimakafili pakwajinjisya ku Moto) ni kwakwesya (Asilamu pakwajinjisya ku Mbepo).
إِذَا رُجَّتِ ٱلْأَرْضُ رَجًّۭا ﴿٤﴾
Ndema jalichitenganyika litaka kutenganyika kwamachili.
وَبُسَّتِ ٱلْجِبَالُ بَسًّۭا ﴿٥﴾
Matumbi ni kusyajidwa-syajidwa.
فَكَانَتْ هَبَآءًۭ مُّنۢبَثًّۭا ﴿٦﴾
Ni kuŵa luwundu lyakuwululusyidwa.
وَكُنتُمْ أَزْوَٰجًۭا ثَلَٰثَةًۭ ﴿٧﴾
Ni tinchiŵa jenumanja (pa Kiyama) mikutula jitatu.
فَأَصْحَٰبُ ٱلْمَيْمَنَةِ مَآ أَصْحَٰبُ ٱلْمَيْمَنَةِ ﴿٨﴾
Basi (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)!
وَأَصْحَٰبُ ٱلْمَشْـَٔمَةِ مَآ أَصْحَٰبُ ٱلْمَشْـَٔمَةِ ﴿٩﴾
Ni (pachiŵa pana soni) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)!
وَٱلسَّٰبِقُونَ ٱلسَّٰبِقُونَ ﴿١٠﴾
Ni (pachiŵa pana soni) ŵaŵalongolele (pakutenda yambone ku duniya) ŵatachiŵa ŵakulongolela (ku Mbepo).
أُو۟لَٰٓئِكَ ٱلْمُقَرَّبُونَ ﴿١١﴾
Ŵanganyao ni ŵatachiŵa ŵakuŵandichisyidwa (kwa Allah).
فِى جَنَّٰتِ ٱلنَّعِيمِ ﴿١٢﴾
Tachiŵa m’Matimbe Gachindimba (ku Mbepo).
ثُلَّةٌۭ مِّنَ ٱلْأَوَّلِينَ ﴿١٣﴾
Likuga lyejinji (lya akulongolela ku yambone) lichiŵa lyakutyochela mu ŵandu ŵandanda.
وَقَلِيلٌۭ مِّنَ ٱلْءَاخِرِينَ ﴿١٤﴾
Sano (likuga) lyannono (lya akulongolela ku yambone) lichiŵa lyakutyochela mu ŵandu ŵakumalichisya.
عَلَىٰ سُرُرٍۢ مَّوْضُونَةٍۢ ﴿١٥﴾
Ali pa itengu yauchimbichimbi yeluche (ni golodi ni mitapo jine).
مُّتَّكِـِٔينَ عَلَيْهَا مُتَقَٰبِلِينَ ﴿١٦﴾
Tachiyijegamaga mwakulolegana.
يَطُوفُ عَلَيْهِمْ وِلْدَٰنٌۭ مُّخَلَّدُونَ ﴿١٧﴾
Tachasyungulaga (pa kwatumichila) achachanda ŵakutamilichika (pa uchanda).
بِأَكْوَابٍۢ وَأَبَارِيقَ وَكَأْسٍۢ مِّن مَّعِينٍۢ ﴿١٨﴾
Ni migao kwisa soni mabilika (ga yakumwa), ni ipanda ya ukana wakuumila mu tutumule jwakujilimaga.
لَّا يُصَدَّعُونَ عَنْهَا وَلَا يُنزِفُونَ ﴿١٩﴾
Ngasalwala nao ntwe namuno kutyoka lunda.
وَفَٰكِهَةٍۢ مِّمَّا يَتَخَيَّرُونَ ﴿٢٠﴾
Ni isogosi iliyose yatakaisaguleje.
وَلَحْمِ طَيْرٍۢ مِّمَّا يَشْتَهُونَ ﴿٢١﴾
Ni nyama ja ijuni jatakajilaluchileje.
وَحُورٌ عِينٌۭ ﴿٢٢﴾
Ni achimmasyeto ŵameso gakulanguka soni gekulungwa mwakusalalila.
كَأَمْثَٰلِ ٱللُّؤْلُؤِ ٱلْمَكْنُونِ ﴿٢٣﴾
(Ŵakuswejela) nti chisawu ngalekale syesunjidwe.
جَزَآءًۢ بِمَا كَانُوا۟ يَعْمَلُونَ ﴿٢٤﴾
Kuŵa malipilo pa yaŵaliji nkupanganya.
لَا يَسْمَعُونَ فِيهَا لَغْوًۭا وَلَا تَأْثِيمًا ﴿٢٥﴾
Ngaaja kupikana mwalakwemo maloŵe gangali mate, namuno gakutendekasya kupata sambi.
إِلَّا قِيلًۭا سَلَٰمًۭا سَلَٰمًۭا ﴿٢٦﴾
Ikaŵeje maloŵe ganti: Ntendele, ntendele.
وَأَصْحَٰبُ ٱلْيَمِينِ مَآ أَصْحَٰبُ ٱلْيَمِينِ ﴿٢٧﴾
Sano (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)!
فِى سِدْرٍۢ مَّخْضُودٍۢ ﴿٢٨﴾
(Tachiŵa) mu itela ya masaawu yetyosye miŵa.
وَطَلْحٍۢ مَّنضُودٍۢ ﴿٢٩﴾
Ni itela ya magombo yesogole magombo gakwe mwakusajikana chenene.
وَظِلٍّۢ مَّمْدُودٍۢ ﴿٣٠﴾
Ni miwulili jakwendelechela.
وَمَآءٍۢ مَّسْكُوبٍۢ ﴿٣١﴾
Ni mesi gakujilima ndaŵi ni katema.
وَفَٰكِهَةٍۢ كَثِيرَةٍۢ ﴿٣٢﴾
Ni isogosi yejinji.
لَّا مَقْطُوعَةٍۢ وَلَا مَمْنُوعَةٍۢ ﴿٣٣﴾
Yangakatichisya kasogole nambo soni yangasiŵiilidwa.
وَفُرُشٍۢ مَّرْفُوعَةٍ ﴿٣٤﴾
Ni yakutandika yenyakulidwe (pa itengu yauchimbichimbi).
إِنَّآ أَنشَأْنَٰهُنَّ إِنشَآءًۭ ﴿٣٥﴾
Chisimu Uwwe chitukaaguumbe ŵanganyao (achakongwe ŵakuumila ku duniya) kagumbidwe kane (kakusalala nnope kulekangana ni muŵaŵelele ku duniya).
فَجَعَلْنَٰهُنَّ أَبْكَارًا ﴿٣٦﴾
Basi chitukatende kuŵa ŵaali.
عُرُبًا أَتْرَابًۭا ﴿٣٧﴾
Ŵakulinonyelesya kwa achalume ŵao, ŵakulandana misingu.
لِّأَصْحَٰبِ ٱلْيَمِينِ ﴿٣٨﴾
(Tachiŵa) ŵa (achalume) ŵa kunkono wan’dyo.
ثُلَّةٌۭ مِّنَ ٱلْأَوَّلِينَ ﴿٣٩﴾
Likuga lyejinji (lya ŵa kunkono wan’dyo) lichityochela mu ŵandu ŵandanda.
وَثُلَّةٌۭ مِّنَ ٱلْءَاخِرِينَ ﴿٤٠﴾
Nambo soni likuga lyejinji (lya ŵa kunkono wan’dyo) lichityochela mu ŵandu ŵakumalichisya.
وَأَصْحَٰبُ ٱلشِّمَالِ مَآ أَصْحَٰبُ ٱلشِّمَالِ ﴿٤١﴾
Ni (pachiŵa pana) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)!
فِى سَمُومٍۢ وَحَمِيمٍۢ ﴿٤٢﴾
(Tachiŵa) mu chimbunga chamoto, ni mesi gamasemule nnope.
وَظِلٍّۢ مِّن يَحْمُومٍۢ ﴿٤٣﴾
Ni m’bulili wa lyosi lyepiliwu nnope.
لَّا بَارِدٍۢ وَلَا كَرِيمٍ ﴿٤٤﴾
Wangapeleka kusisimila namuno kutulalila.
إِنَّهُمْ كَانُوا۟ قَبْلَ ذَٰلِكَ مُتْرَفِينَ ﴿٤٥﴾
Chisimu ŵanganyao nkaniyiŵe yalakweyi (ku duniya) ŵaliji nkutama umi wakusangalala (ni yakanyisyidwa).
وَكَانُوا۟ يُصِرُّونَ عَلَى ٱلْحِنثِ ٱلْعَظِيمِ ﴿٤٦﴾
Ni ŵaliji nkwendelechela (kutenda) sambi syekulungwa.
وَكَانُوا۟ يَقُولُونَ أَئِذَا مِتْنَا وَكُنَّا تُرَابًۭا وَعِظَٰمًا أَءِنَّا لَمَبْعُوثُونَ ﴿٤٧﴾
Ni ŵaliji nkuŵecheta kuti: “Ana patuchiwapo ni kusyuka litaka ni maupa, nambo yakuona uwwe tuchiukulidwa (m’malembe)?”
أَوَءَابَآؤُنَا ٱلْأَوَّلُونَ ﴿٤٨﴾
“Ni achatati ŵetu ŵakwe ŵandanda?”
قُلْ إِنَّ ٱلْأَوَّلِينَ وَٱلْءَاخِرِينَ ﴿٤٩﴾
Jilani (mmwe Muhammadi ﷺ): “Chisimu ŵandanda ni ŵambesi ŵakwe.”
لَمَجْمُوعُونَ إِلَىٰ مِيقَٰتِ يَوْمٍۢ مَّعْلُومٍۢ ﴿٥٠﴾
“Tachisonganganyisyidwa wa kunsongangano wetomechedwe wa lisiku lyakumanyika.”
ثُمَّ إِنَّكُمْ أَيُّهَا ٱلضَّآلُّونَ ٱلْمُكَذِّبُونَ ﴿٥١﴾
“Kaneka chisimu ŵanganyammwe, E jenumanja ŵalupuso, (soni) ŵakanila!”
لَءَاكِلُونَ مِن شَجَرٍۢ مِّن زَقُّومٍۢ ﴿٥٢﴾
“Tinkalye kwene chitela cha Zakkum.”
فَمَالِـُٔونَ مِنْهَا ٱلْبُطُونَ ﴿٥٣﴾
“Ni tinkachigumbasyeje ndumbo (syenu).”
فَشَٰرِبُونَ عَلَيْهِ مِنَ ٱلْحَمِيمِ ﴿٥٤﴾
“Ni tinkachimweleje mesi gamasemule nnope.”
فَشَٰرِبُونَ شُرْبَ ٱلْهِيمِ ﴿٥٥﴾
“Ni tinkamweje mwasikumwelaga ngamiya syanjota nnope.”
هَٰذَا نُزُلُهُمْ يَوْمَ ٱلدِّينِ ﴿٥٦﴾
Aji ni mbiiko jao Lisiku Lyamalipilo.
نَحْنُ خَلَقْنَٰكُمْ فَلَوْلَا تُصَدِّقُونَ ﴿٥٧﴾
Uwwe twan’gumbile jenumanja, nambi ligongo chichi ngankukulupilila (ya kwimuka m’malembe panyuma pakuwa)?
أَفَرَءَيْتُم مَّا تُمْنُونَ ﴿٥٨﴾
Ana nkuliona uli lindondwa lya ulume lyankudondechesyaga (m’chiŵelechelo)?
ءَأَنتُمْ تَخْلُقُونَهُۥٓ أَمْ نَحْنُ ٱلْخَٰلِقُونَ ﴿٥٩﴾
Ana jenumanja niŵankuligumbaga (kuti liŵe mundu), kapena Uwwe niŵatukuligumbaga?
نَحْنُ قَدَّرْنَا بَيْنَكُمُ ٱلْمَوْتَ وَمَا نَحْنُ بِمَسْبُوقِينَ ﴿٦٠﴾
Uwwe tupimiile chilikati chenu chiwa (kuti jwalijose mwa jenumanja tachiwa), ni nganituŵa Uwwe ŵakulepela,
عَلَىٰٓ أَن نُّبَدِّلَ أَمْثَٰلَكُمْ وَنُنشِئَكُمْ فِى مَا لَا تَعْلَمُونَ ﴿٦١﴾
Kuti chitun’galawusye kagumbidwe kenu (lisiku lya Kiyama), nikun’gumba mu kaŵe kangankukamanyilila.
وَلَقَدْ عَلِمْتُمُ ٱلنَّشْأَةَ ٱلْأُولَىٰ فَلَوْلَا تَذَكَّرُونَ ﴿٦٢﴾
Soni chisimu chene pamasile pankumanyi gumba kwandanda (kuti Allah ni juŵagumbile), nambi uli ngankukumbuchila (yanti Jwalakwe mpaka jukombole gumba kwaŵili)?
أَفَرَءَيْتُم مَّا تَحْرُثُونَ ﴿٦٣﴾
Ana nkujiona uli mbeju jankupandaga?
ءَأَنتُمْ تَزْرَعُونَهُۥٓ أَمْ نَحْنُ ٱلزَّٰرِعُونَ ﴿٦٤﴾
Ana jenumanja niŵankujimesyaga, kapena Uwwe niŵatukumesyaga?
لَوْ نَشَآءُ لَجَعَلْنَٰهُ حُطَٰمًۭا فَظَلْتُمْ تَفَكَّهُونَ ﴿٦٥﴾
Tungasache tungajitesile kuŵa jakuteketuka, ni nkaliji ŵakusimonga (chachintendesye kuti jiteketuche).
إِنَّا لَمُغْرَمُونَ ﴿٦٦﴾
(Ni nkatiji): “Chisimu uwwe tugambile kwasa chipanje chetu.”
بَلْ نَحْنُ مَحْرُومُونَ ﴿٦٧﴾
“Nambo uwwe tujimidwe.”
أَفَرَءَيْتُمُ ٱلْمَآءَ ٱلَّذِى تَشْرَبُونَ ﴿٦٨﴾
Ana nkugaona uli mesi gankumwaga?
ءَأَنتُمْ أَنزَلْتُمُوهُ مِنَ ٱلْمُزْنِ أَمْ نَحْنُ ٱلْمُنزِلُونَ ﴿٦٩﴾
Ana jenumanja ni ŵan’gatulwisye kuumila kumawunde gawula, kapena Uwwe ni Akutulsya?
لَوْ نَشَآءُ جَعَلْنَٰهُ أُجَاجًۭا فَلَوْلَا تَشْكُرُونَ ﴿٧٠﴾
Tungasache tungagatesile kuŵa gachijete nnope, nambi ligongo chichi ngankutogolela?
أَفَرَءَيْتُمُ ٱلنَّارَ ٱلَّتِى تُورُونَ ﴿٧١﴾
Ana nkuuwona uli moto wankukolesyaga?
ءَأَنتُمْ أَنشَأْتُمْ شَجَرَتَهَآ أَمْ نَحْنُ ٱلْمُنشِـُٔونَ ﴿٧٢﴾
Ana jenumanja ni ŵamwagumbile itela yakwe, kapena Uwwe ni Akugumba?
نَحْنُ جَعَلْنَٰهَا تَذْكِرَةًۭ وَمَتَٰعًۭا لِّلْمُقْوِينَ ﴿٧٣﴾
Uwwe tuwutesile walakwe (motowo) kuŵa chikumbusyo (cha Moto wa ku Akhera), ni wakwakamuchisya ŵa paulendo.
فَسَبِّحْ بِٱسْمِ رَبِّكَ ٱلْعَظِيمِ ﴿٧٤﴾
Basi liswejesyani lina lya Ambuje ŵenu Ŵakulungwa nnope (Allah).
۞ فَلَآ أُقْسِمُ بِمَوَٰقِعِ ٱلنُّجُومِ ﴿٧٥﴾
Ngumulumbila mwagwila ndondwa (mwakutiŵilila mwakwe kwinani).
وَإِنَّهُۥ لَقَسَمٌۭ لَّوْ تَعْلَمُونَ عَظِيمٌ ﴿٧٦﴾
Soni chisimu chalakwechi ni chilumbilo chekulungwa nnope ingaŵe mwamanyililaga.
إِنَّهُۥ لَقُرْءَانٌۭ كَرِيمٌۭ ﴿٧٧﴾
Chisimu jalakweji ni Qur’an jakuchimbichika.
فِى كِتَٰبٍۢ مَّكْنُونٍۢ ﴿٧٨﴾
Jili m’Chitabu chesunjidwe chenene (Al-Lauh Al- Mahfȗz).
لَّا يَمَسُّهُۥٓ إِلَّا ٱلْمُطَهَّرُونَ ﴿٧٩﴾
Ngakuchikwayaga ikaŵeje ŵaswejesyedwe.
تَنزِيلٌۭ مِّن رَّبِّ ٱلْعَٰلَمِينَ ﴿٨٠﴾
Chakutulusyidwa kuumila kwa M’mbuje jwa iwumbe yosope.
أَفَبِهَٰذَا ٱلْحَدِيثِ أَنتُم مُّدْهِنُونَ ﴿٨١﴾
Ana aji abaliji (Qur’an) jenumanja (achimakafili) nkujikaanila?
وَتَجْعَلُونَ رِزْقَكُمْ أَنَّكُمْ تُكَذِّبُونَ ﴿٨٢﴾
Sano kanila kwenu (lisiki lyampele Allah) nikwankukutenda kuŵa kutogolela kwenu.
فَلَوْلَآ إِذَا بَلَغَتِ ٱلْحُلْقُومَ ﴿٨٣﴾
Nambi uli ntima uli uyiche pekolongo (ndema jakuwa jumo jwenu ngankuuwuchisyaga m’chilu mwakwe)?
وَأَنتُمْ حِينَئِذٍۢ تَنظُرُونَ ﴿٨٤﴾
Kutendaga jenumanja jele ndemajo nkasaŵaga n’di nkulola.
وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ ﴿٨٥﴾
Soni Uwwe (Achimalaika ŵakutyosya ntima) tukuŵaga dusi kwa jwalakwe kumpunda jenumanja, nambo ngankutuonaga.
فَلَوْلَآ إِن كُنتُمْ غَيْرَ مَدِينِينَ ﴿٨٦﴾
Nambi uli naga nganim’ba ŵanti nikuja kulipidwa (itendo yenu, soni ngasin’jimuka m’malembe),
تَرْجِعُونَهَآ إِن كُنتُمْ صَٰدِقِينَ ﴿٨٧﴾
(Uli) ngankuuwuchisyaga (ntimao m’chilu mwakwe kuti akawa mundujo), naga jenumanja nkuŵecheta yakuona (kuti kwangali kwimuka m’malembe, ngati nichiwa chakwe chikapagwa)!
فَأَمَّآ إِن كَانَ مِنَ ٱلْمُقَرَّبِينَ ﴿٨٨﴾
Sano naga juli (nkuwajo) mwa akuŵandichisyidwa (kwa Allah).
فَرَوْحٌۭ وَرَيْحَانٌۭ وَجَنَّتُ نَعِيمٍۢ ﴿٨٩﴾
Basi jukasapata ntendele ni lisiki lyakununjila, kwisa soni Litimbe Lyachindimba lya ku Mbepo.
وَأَمَّآ إِن كَانَ مِنْ أَصْحَٰبِ ٱلْيَمِينِ ﴿٩٠﴾
Sano naga juli (nkuwajo) mwa ŵandu ŵakunkono wan’dyo.
فَسَلَٰمٌۭ لَّكَ مِنْ أَصْحَٰبِ ٱلْيَمِينِ ﴿٩١﴾
Basi (jukasasalilidwaga kuti): “Ntendele uli kukwenu, (ligongo lyakuŵa kwenu) mu ŵandu ŵakunkono wan’dyo.”
وَأَمَّآ إِن كَانَ مِنَ ٱلْمُكَذِّبِينَ ٱلضَّآلِّينَ ﴿٩٢﴾
Nambo naga juli (nkuwajo) mwa akukanila, ŵakupotela.
فَنُزُلٌۭ مِّنْ حَمِيمٍۢ ﴿٩٣﴾
Mbiiko jakwe jikasaŵa mesi gamasemule nnope.
وَتَصْلِيَةُ جَحِيمٍ ﴿٩٤﴾
Ni kupya m’Moto Waukali.
إِنَّ هَٰذَا لَهُوَ حَقُّ ٱلْيَقِينِ ﴿٩٥﴾
Chisimu ayi (yatunsimbile mmwe Muhammadi ﷺ) ni yakuona yakusimichika.
فَسَبِّحْ بِٱسْمِ رَبِّكَ ٱلْعَظِيمِ ﴿٩٦﴾
Basi liswejesyani lina lya Ambuje ŵenu Ŵakulungwa nnope (Allah).
Share