سورة Al-Ghashiya ( The Overwhelming )
سورة Al-Ghashiya ( The Overwhelming ) - Urdu Ahmed Raza Khan عدد الآيات 26
بیشک تمہارے پاس اس مصیبت کی خبر آئی جو چھا جائے گی
کتنے ہی منہ اس دن ذلیل ہوں گے،
نہایت جلتے چشمہ کا پانی پلائے جائیں،
ان کے لیے کچھ کھانا نہیں مگر آگ کے کانٹے
کہ نہ فربہی لائیں اور نہ بھوک میں کام دیں
کتنے ہی منہ اس دن چین میں ہیں
کہ اس میں کوئی بیہودہ بات نہ سنیں گے،
اور برابر برابر بچھے ہوئے قالین
تو کیا اونٹ کو نہیں دیکھتے کیسا بنایا گیا،
اور آسمان کو کیسا اونچا کیا گیا
اور پہاڑوں کو، کیسے قائم کیے گئے،
اور زمین کو، کیسے بچھائی گئی،
تو تم نصیحت سناؤ تم تو یہی نصیحت سنانے والے ہو،
تم کچھ ان پر کڑ وڑا (ضامن) نہیں
ہاں جو منہ پھیرے اور کفر کرے
تو اسے اللہ بڑا عذاب دے گا
بیشک ہماری ہی طرف ان کا پھرنا
پھر بیشک ہماری ہی طرف ان کا حساب ہے،
