سورة Al-Mutaffifin (Those Who Deal in Fraud)
سورة Al-Mutaffifin (Those Who Deal in Fraud) - Urdu Ahmed Raza Khan عدد الآيات 36
کم تولنے والوں کی خرابی ہے،
وہ کہ جب اوروں سے ناپ لیں پورا لیں،
اور جب انہیں ناپ تول کردی کم کردیں،
کیا ان لوگوں کو گمان نہیں کہ انہیں اٹھنا ہے،
جس دن سب لوگ رب العالمین کے حضور کھڑے ہوں گے،
بیشک کافروں کی لکھت سب سے نیچی جگہ سجین میں ہے
اور تو کیا جانے سجین کیسی ہے
وہ لکھت ایک مہر کیا نوشتہ ہے
اس دن جھٹلانے والوں کی خرابی ہے،
جو انصاف کے دن کو جھٹلاتے ہیں
اور اسے نہ جھٹلائے گا مگر ہر سرکش
جب اس پر ہماری آیتیں پڑھی جائیں کہے اگلوں کی کہانیاں ہیں،
کوئی نہیں بلکہ ان کے دلوں پر زنگ چڑھادیا ہے ان کی کمائیوں نے
ہاں ہاں بیشک وہ اس دن اپنے رب کے دیدار سے محروم ہیں
پھر بیشک انہیں جہنم میں داخل ہونا،
پھر کہا جائے گا، یہ ہے وہ جسے تم جھٹلاتے تھے
ہاں ہاں بیشک نیکوں کی لکھت سب سے اونچا محل علیین میں ہے
اور تو کیا جانے علیین کیسی ہے
وہ لکھت ایک مہر کیا نوشتہ ہے
کہ مقرب جس کی زیارت کرتے ہیں،
بیشک نیکوکار ضرور چین میں ہیں،
تو ان کے چہروں میں چین کی تازگی پہنچانے
نتھری شراب پلائے جائیں گے جو مہُر کی ہوئی رکھی ہے
اس کی مہُر مشک پر ہے، اور اسی پر چاہیے کہ للچائیں للچانے والے
اور اس کی ملونی تسنیم سے ہے
وہ چشمہ جس سے مقربانِ بارگاہ پیتے ہیں
بیشک مجرم لوگ ایمان والوں سے ہنسا کرتے تھے،
اور جب وہ ان پر گزرتے تو یہ آپس میں ان پر آنکھوں سے اشارے کرتے
اور جب (ف۹۳۳ اپنے گھر پلٹتے خوشیاں کرتے پلٹتے
اور جب مسلمانوں کو دیکھتے کہتے بیشک یہ لوگ بہکے ہوئے ہیں
اور یہ کچھ ان پر نگہبان بناکر نہ بھیجے گئے
تو آج ایمان والے کافروں سے ہنستے ہیں
تختوں پر بیٹھے دیکھتے ہیں
کیوں کچھ بدلا ملا کافروں کو اپنے کیے کا
