میں اس شہر کی قسم کھاتا ہوں
اور تم اسی شہر میں تو رہتے ہو
اور تمہارے باپ آدم علیھ السّلام اور ان کی اولاد کی قسم
ہم نے انسان کو مشقت میں رہنے والا بنایا ہے
کیا اس کا خیال یہ ہے کہ اس پر کوئی قابو نہ پاسکے گا
کہ وہ کہتا ہے کہ میں نے بے تحاشہ صرف کیا ہے
کیا اس کا خیال ہے کہ اس کو کسی نے نہیں دیکھا ہے
کیا ہم نے اس کے لئے دو آنکھیں نہیں قرار دی ہیں
اور ہم نے اسے دونوں راستوں کی ہدایت دی ہے
پھر وہ گھاٹی پر سے کیوں نہیں گزرا
اورتم کیا جانو یہ گھاٹی کیا ہے
یا بھوک کے دن میں کھانا کھلانا
پھر وہ ان لوگوں میں شامل ہوجاتا جو ایمان لائے اور انہوں نے صبر اور مرحمت کی ایک دوسرے کو نصیحت کی
یہی لوگ خو ش نصیبی والے ہیں
اور جن لوگوں نے ہماری آیات سے انکار کیا ہے وہ بد بختی والے ہیں
انہیں آگ میں ڈال کر اسے ہر طرف سے بند کردیا جائے گا
