جب چادر آفتاب کو لپیٹ دیا جائے گا
جب پہاڑ حرکت میں آجائیں گے
جب عنقریب جننے والی اونٹنیاں معطل کردی جائیں گی
جب جانوروں کو اکٹھا کیا جائے گا
جب روحوں کو جسموں سے جوڑ دیا جائے گا
اور جب زندہ درگور لڑکیوں کے بارے میں سوال کیا جائے گا
کہ انہیں کس گناہ میں مارا گیا ہے
اور جب نامہ اعمال منتشر کردیئے جائیں گے
اور جب آسمان کا چھلکا اُتار دیا جائے گا
اور جب جہنمّ کی آگ بھڑکا دی جائے گی
اور جب جنّت قریب تر کردی جائے گی
تب ہر نفس کو معلوم ہوگا کہ اس نے کیا حاضر کیا ہے
تو میں ان ستاروں کی قسم کھاتا ہوں جو پلٹ جانے والے ہیں
چلنے والے اورحُھپ جانے والے ہیں
اور رات کی قسم جب ختم ہونے کو آئے
اور صبح کی قسم جب سانس لینے لگے
بے شک یہ ایک معزز فرشتے کا بیان ہے
وہ صاحبِ قوت ہے اور صاحبِ عرش کی بارگاہ کا مکین ہے
وہ وہاں قابل اطاعت اور پھر امانت دار ہے
اور تمہارا ساتھی پیغمبر دیوانہ نہیں ہے
اور اس نے فرشتہ کو بلند اُفق پر دیکھا ہے
اور وہ غیب کے بارے میں بخیل نہیں ہے
اور یہ قرآن کسی شیطان رجیم کا قول نہیں ہے
یہ صرف عالمین کے لئے ایک نصیحت کا سامان ہے
جو تم میں سے سیدھا ہونا چاہے
اور تم لوگ کچھ نہیں چاہ سکتے مگریہ کہ عالمین کا پروردگار خدا چاہے
