Pasha qiellin me pyrgje për yje,
Pasha dëshmitarin dhe çka është dëshmuar,
Qofshin mallkuar hapësit e hendeqeve,
Nxitësit e zjarrit me plot lëndë djegëse,
Dhe që rrijnë ulur rreth tij,
Dhe që janë dëshmitarë se ç’kanë bërë me besimtarët!
Dhe nuk i urrejnë për tjetër përveç përse i besojnë All-llahu, të fortit, të merituarit për respekt,
Pushtet i të cilit shtë në qiej dhe në tokë dhe All-llahu është dëshmitar për çdo send.
Ata të cilët maltretojnë besimtarët dhe besimtaret dhe nuk pendohen, i pret dënim i xhehennemit dhe dënim me djegije,
Kurse ata që besojnë dhe bëjnë vepra të mira, i presin kopshte të xhennetit ku do të rrjedhin lumenj – ai është sukses i madh.
Njëmend hakmarrja e Zotit tënd është shumë e fortë.
Pa dyshim vetëm Ai është që e fillon dhe e rifillon,
Dhe fal shumë dhe ka plot dashuri.
Zot i gjithësisë i Lartëmadhërishëm,
Që punon çka dëshiron vet.
A të ka ardhur ty lajmi për ushtritë
Por ata të cilët mohojnë – përgënjeshtrojnë.
Por All-llahu do t’i përthekojë nga të gjitha anët,
Po, ai është Kur’an madhështor,
Në një pllakatë të ruajtur mirë.
