M wẽen ne yʋngã t'a sã n wa lutẽ.
La ne wĩndgã t'a sã n wɑ puki.
La a sẽn naane, rao la paga.
Ad yãmb tʋʋmã yaa toay-toaya.
Rẽnd ned ning sẽn kõ la a zoe Wẽnde.
Tõnd na n yols-a-la ne yol-yole.
La ned ning sẽn maan beed la a sek a menga.
D na n yols-a lame ne tʋʋm-wẽense tɩ sõmɑ yɩ toog ne-ɑ.
La a arzεkã pa tõe n sεk-a, t'a sã n wa halk ye.
La ad Yaoolmã la Rãeenmã yaa Tõnd n so.
Tɩ M bugsda yãmb ne bugum sẽn witi.
Pa kẽed-a , ralla zu-be-neda.
Sẽn yags-a la ɑ gõd kuidga.
La b na n zãag-a-la ne wẽn-zoεt-kɑsengã, (Abuubɑkɑr sidiik, Wẽnd yɑrd be ɑ yĩngɑ ).
Sẽn kõt-a n baood yɩlgre.
La ned ba a yembr pa tar mɑɑn-neer ɑ nengẽ t'ɑ mɑɑnd n nɑ n rol ye.
Rallame tɩ yaa a Soab-zẽkdgã yard baoob bɑlɑ.
La yɩ bilfu, a na wa n yard bũmb ning A sẽn rol-ɑ wã.
