B sã n wa põd wĩndgã n lobge.
B sã n wa maan yam-kaalg ne yʋgem tʋtsã.
B sã n wa tigim we-rũmsã.
B sã n wa pẽneg yõyã ne b wõns n taabse.
Tɩ kom-pugli b sẽn bus vɩɩsã B sã n wa sokd-bɑ.
Yaa bõe beegr yĩng la b kʋ-ba ?
B sã n wa pʋɩ tʋʋmã karaase.
Lɑ B sã n wa widg Gεhɩɩme.
Lɑ Arzãnã B sã n wa pẽneg-ɑ.
Ãd-kẽnds sẽn menemd tɩ zĩigã sã n yẽegã.
La ne yʋng t'a sã n wa limsi.
La ne yibeoogo, t'a sã n wa vẽnege.
Ad yẽnda (Alkʋrãɑnɑ) yaa Wẽnd goɑm tɩ Tẽn-tʋʋm ɑ Gɩbriil sẽn yaa wagellã tɑɑs-ɑ.
Sẽn yaa pãng-kεgeng soaba, n tɑr ziir al-ʿars-zẽkdgã Soab nengẽ.
N yaa b sẽn tũud-a soaba, n leb n yaa bas-m-yam soaba.
La yãmb tũud-n-taagã pa gãeeng ye.
La hakɩɩka Tẽn-tʋʋmã yãa ɑ Gibriil sɑɑgã ween-n-vɩɩgã pʋgẽ.
La ad a pa yɩ n na maan beed ne yel-soaandɩ wã ye.
La a pa Sʋɩtãan b sẽn rig n zãag yolsgã gomd ye.
A (Alkʋrãanã) pa yɩ ralla tẽegr ne bõn-naandsã.
Ned ning sẽn wa n tʋll-a yãmb pʋgẽ bɩ a tẽeg tɩrga.
La yãmb pa tõe n tʋlla, ralla Wẽnd sã n tʋlla; bõn-naandsã Gʋʋndã.
