A gãnem a neng n gũd a zãn-kuidga.
La bõe n wilgd foo, sãnd-sãnde a na n yɩlgame?
Ma t'a tẽeg-a tɩ tẽegrã naf-a?
La ned ning sẽn sek a menga.
A pa kãndg pa pak foo ye.
La sã n ya ned ning sẽn yãgd n wat fo nengẽ wã.
Tɩ yẽnda yaa sẽn zoet Wẽnde.
Lɑ fo sẽn tar soagl ne kɩfr-dãmbã n bɑs ɑ sεgbã.
Pa woto ye! Ad a yaa tẽegre.
Rẽnd ned ning sẽn tʋll-a bɩ a tẽeg-A, lɑ ɑ pɑɑm sɑgell ne Alkʋrãɑnã.
N be karaas-waoogds pʋsẽ.
N yaa wagl n yaa sak-n-tũ-rãmba.
B kãaba ninsaal kɩfre, a sõm-zɩɩlmã yĩnga.
Yaa mani la A naan ne-a n kord-a.
Rẽnda poorẽ n yols a sorã t'ɑ yi ɑ mɑ wã pʋgẽ.
Rẽ poorẽ t'A kʋ-a n kẽes a kabrẽ.
Rẽnda poorẽ, A sã n wa tʋlle, A na n yik-a lame.
Pa woto ye! A pa tũ b sẽn sagl-a wã ye.
Bɩ ninsaal ges a rɩɩbã, ɑ sẽn yɩt to-to.
Tɩ Tõnd kiigda koomã ne kiigri.
Rẽ poorẽ n pãrg tẽngã pãrgr tεkẽ
La sibã la yam-maasã (zẽ-biisi).
La Zaeentʋʋn (olɩvɩye) la tamar-tɩɩse.
Tɩ yaa wʋm-noog ne yãmb la y rũmsã.
Raar ned sẽn na n zoe n bas a ma-biiga.
Ned fãa yell sεk-a-la raaren-kãngã.
Raaren-kãngã, nems sẽn pɩnd bee be.
N yaa sẽn laade, n yaa sẽn yolse.
Nems me sẽn yaa puddd bee raarã.
Bãmb rãmbã la kɩfr-dãmbã n yaa nin-wẽnsã.
