Soakd n soke, naon-yɩtg yelle.
Kɩfr-dãmbã zugu a pa tar tusd ye.
N yaa Wẽnd nengẽ sẽn yaa rʋʋb zĩig Soabã.
Malεgsã la a Gibriila rʋʋda Yẽ nengẽ raar pʋgẽ t'a makr yaa yʋʋm tus pis-nu.
Bɩ f maan sugr sẽn be neere.
Ad bãmb ne-a lame t'a zãra.
Tɩ Tõnd yaool n ne-a t'a pẽ.
Raar ning saagã sẽn na n lebg wala kũud sẽn yẽnege.
Tɩ tãmsã lebg wala kõbdo.
Pa yã-to-kõn-n-gũs pa sokd a noang-n-taag yell ye.
B yãta taaba, nin-wẽng noangame t'a sã n da tõe n rɩk ɑ koɑmbɑ n yao n yi ra-kãngã naongã.
La a rog-pẽtb nins yẽ sẽn ra relldã.
La sẽn be Tẽng zug gilli, rẽ poorẽ tɩ b tɩlg yẽnda.
Pa woto ye! Ad yaa Laẓaa pugum.
N boond ned ning sẽn gõd a kuidg n daeegdẽ.
B naana ninsaalã t'a yaa tibda.
Wẽng sã n paam-a a pɑ tɑr sugr suu.
La sõma sã n paam-a a yaa sẽn gɩdgde.
Neb nins tɩ b pʋʋsgã zugu, b yaa ruumdba.
La neb ninsi, tɩ be bãmb arzεkã pʋgẽ, hakε b sẽn mi.
N kõt bõosɑ, la b sẽn mong-a soabɑ.
La neb nins sẽn kõt-b sɩd ne Samã Rolb Raarã.
La neb nins sẽn yaa yɑeesdbɑ ne b Soabã naongã.
Ad bãmb Soabã naongã pa tar bas-m-yam ye.
Bãmb la sẽn gũusd b taoã ( n yit yoobo).
Ralla b pagbẽ ma b yemb-pogsẽ, ad zĩ-kãngã, b pa sãbs-b ye.
La ned ning sẽn bao woto loogr poorẽ, ad bãmb rãmb la maan-n-zʋʋg rãmba.
La neb nins tɩ bãmb boablã pʋgẽ la b pʋlengã, b yaa gũudba.
La neb nins sẽn yãs tɩrg ne b kaset-rãmba.
La neb nins tɩ b Pʋʋsgã, b gũusdame.
Bãmbã rãmba, b bee Arzãn-rãmb pʋsẽ tɩ b waoogd-ba.
Lɑ yɑɑ bõe n tar sẽn kɩfl-bã tɩ b zoet n gondedg fo wεεngẽ.
Rɩtg wεεngẽ la goabg wεεngẽ sull-sulli.
Ned fãa tẽeda bãmb pʋgẽ t'a na n kẽe arzãn sẽn yaa neema wã.
Pa woto ye! Tõnd naana bãmb ne bũmb ning bãmb sẽn mi wã.
M na wẽen ne wĩntoog sẽn pugsdẽ Soabã, la wĩntoog sẽn lʋɩtẽ Soabã, ad Tõnd yaa Tõogda.
Ne D tedg sõma sẽn yɩɩd bãmbɑ, la Tõnd pa yɩ b sẽn na n põsg-b rãmb ye.
Bɩ f bas-b tɩ b faood la b reemdẽ hal n wa seg raar ning b sẽn pʋlem-bã.
Raar ning bãmb sẽn yit b yaadẽ wã n yãgdẽ tɩ yaa wala bãmb fõodame n dengd tɑɑbɑ n tʋgd kug sẽn tilgi.
B nin yaa sẽn nodge, tɩ yaalg buiid-ba; rẽ la raar ning b sẽn da pʋlem bãmbã.
