Surah Al-Ghashiya ( The Overwhelming )

Surah Al-Ghashiya ( The Overwhelming ) - Malagasy Aya count 26

هَلْ أَتَىٰكَ حَدِيثُ ٱلْغَٰشِيَةِ ﴿١﴾

Moa ve tonga taminao ny tantaran'ilay mpandrakotra?

وُجُوهٌۭ يَوْمَئِذٍ خَٰشِعَةٌ ﴿٢﴾

hisy endrika amin'izay fotoana izay ho ao anatin'ny fahatahorana,

عَامِلَةٌۭ نَّاصِبَةٌۭ ﴿٣﴾

sahirana sy torovana,

تَصْلَىٰ نَارًا حَامِيَةًۭ ﴿٤﴾

ka ho dorana ao anaty afo miredareda,

تُسْقَىٰ مِنْ عَيْنٍ ءَانِيَةٍۢ ﴿٥﴾

hampisotroina avy amin'ny loharano mangotraka,

لَّيْسَ لَهُمْ طَعَامٌ إِلَّا مِن ضَرِيعٍۢ ﴿٦﴾

ary tsy hanan-tsakafo afa tsy karazan-tsilo izy ireo.

لَّا يُسْمِنُ وَلَا يُغْنِى مِن جُوعٍۢ ﴿٧﴾

ka tsy hampatavy azy ireo izany no koa tsy hanala ny hanoanana,

وُجُوهٌۭ يَوْمَئِذٍۢ نَّاعِمَةٌۭ ﴿٨﴾

hisy koa ireo endrika amin'izay fotoana izay ho ao anatin'ny fiadanana,

لِّسَعْيِهَا رَاضِيَةٌۭ ﴿٩﴾

faly tamin'ny ezaka vitany,

فِى جَنَّةٍ عَالِيَةٍۢ ﴿١٠﴾

hiditra ny Paradisa mendrika tokoa,

لَّا تَسْمَعُ فِيهَا لَٰغِيَةًۭ ﴿١١﴾

ka tsy haheno ao anatin'izany ireo teny maloto,

فِيهَا عَيْنٌۭ جَارِيَةٌۭ ﴿١٢﴾

hita ao anatin'izany koa ny loharano mikoriana,

فِيهَا سُرُرٌۭ مَّرْفُوعَةٌۭ ﴿١٣﴾

fandriana avo toerana,

وَأَكْوَابٌۭ مَّوْضُوعَةٌۭ ﴿١٤﴾

ary kaopy efa voahomana,

وَنَمَارِقُ مَصْفُوفَةٌۭ ﴿١٥﴾

ireo ondana tsara lahatra,

وَزَرَابِىُّ مَبْثُوثَةٌ ﴿١٦﴾

ireo lamaka mivelatra,

أَفَلَا يَنظُرُونَ إِلَى ٱلْإِبِلِ كَيْفَ خُلِقَتْ ﴿١٧﴾

moa tsy nodinihin'izy ireo ny rameva, ahoana ny fomba nahariana azy?

وَإِلَى ٱلسَّمَآءِ كَيْفَ رُفِعَتْ ﴿١٨﴾

ary ny lanitra, nanao ahoana ny fomba nampiakarana azy?

وَإِلَى ٱلْجِبَالِ كَيْفَ نُصِبَتْ ﴿١٩﴾

Ireo ny tendrombohitra, nanao ahoana ny fomba nametrahana azy?

وَإِلَى ٱلْأَرْضِ كَيْفَ سُطِحَتْ ﴿٢٠﴾

ary ny tany, ahoana ny fomba nampitoviana azy?

فَذَكِّرْ إِنَّمَآ أَنتَ مُذَكِّرٌۭ ﴿٢١﴾

Koa mampahatsiahiva ! Fa raha ny tena marina dia mpampahatsiahy ihany ianao.

لَّسْتَ عَلَيْهِم بِمُصَيْطِرٍ ﴿٢٢﴾

Fa tsy mpifehy azy ireo ianao.

إِلَّا مَن تَوَلَّىٰ وَكَفَرَ ﴿٢٣﴾

afa-tsy izay manome lamosina sy mpikomy.

فَيُعَذِّبُهُ ٱللَّهُ ٱلْعَذَابَ ٱلْأَكْبَرَ ﴿٢٤﴾

Satria Allah dia hanasazy azy amin'ny famaizana mafy tokoa.

إِنَّ إِلَيْنَآ إِيَابَهُمْ ﴿٢٥﴾

Tena marina! Any Amiko no hiverenan'izy ireo indray.

ثُمَّ إِنَّ عَلَيْنَا حِسَابَهُم ﴿٢٦﴾

Ary eo am-pelatanako ny fitsaràna azy ireo.