سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Fajr ( The Dawn )

Surah Al-Fajr ( The Dawn ) - Maguindanaon Aya count 30

وَٱلْفَجْرِ ﴿١﴾
Inidsapa nu Allah su fajr.
وَلَيَالٍ عَشْرٍۢ ﴿٢﴾
Andu su sapulu a magabi (kanu Dhul Hijjah).
وَٱلشَّفْعِ وَٱلْوَتْرِ ﴿٣﴾
Andu su gay a dikana gansal andu gansal.
وَٱلَّيْلِ إِذَا يَسْرِ ﴿٤﴾
Andu su magabi amayka makawma.
هَلْ فِى ذَٰلِكَ قَسَمٌۭ لِّذِى حِجْرٍ ﴿٥﴾
(Su nyaba a pidsapan nu Allah na ngintu dili pan makadayt i nya ba a sapakan nu taw a aden akkal nin?
أَلَمْ تَرَ كَيْفَ فَعَلَ رَبُّكَ بِعَادٍ ﴿٦﴾
Natawan nengka (Muhammad) i kina-pakayd nu Allah kani Aa’d?
إِرَمَ ذَاتِ ٱلْعِمَادِ ﴿٧﴾
(Su hud i nabi nilan) a sangat i kangabagal a mga mapya i kapanda-dalapa nilan.
ٱلَّتِى لَمْ يُخْلَقْ مِثْلُهَا فِى ٱلْبِلَٰدِ ﴿٨﴾
Dala pagidsan nilan i kina-pangadan lun sya sa dalpa.
وَثَمُودَ ٱلَّذِينَ جَابُوا۟ ٱلصَّخْرَ بِٱلْوَادِ ﴿٩﴾
Andu si thamud a pimbalayan nilan su dalam nu lakungan (inumbal nilan a walay).
وَفِرْعَوْنَ ذِى ٱلْأَوْتَادِ ﴿١٠﴾
Andu si fir’awn a pam-buladtakan nin su padsiksan nilan.
ٱلَّذِينَ طَغَوْا۟ فِى ٱلْبِلَٰدِ ﴿١١﴾
(Langun nilan) na sinumagad i kadarwakan nilan sya kanu dalapa.
فَأَكْثَرُوا۟ فِيهَا ٱلْفَسَادَ ﴿١٢﴾
Nya madakal a galabak nilan na pakabinasa.
فَصَبَّ عَلَيْهِمْ رَبُّكَ سَوْطَ عَذَابٍ ﴿١٣﴾
Initulun nu kadnan sakanilan i siksa a makabinasa sakanilan.
إِنَّ رَبَّكَ لَبِٱلْمِرْصَادِ ﴿١٤﴾
Benal su kadnan nengka (Muhammad) na dala pakasagad salakanin kanu galabakan nu ulipan nin.
فَأَمَّا ٱلْإِنسَٰنُ إِذَا مَا ٱبْتَلَىٰهُ رَبُّهُۥ فَأَكْرَمَهُۥ وَنَعَّمَهُۥ فَيَقُولُ رَبِّىٓ أَكْرَمَنِ ﴿١٥﴾
Su manusya na amayka tukawan nu kadnan nin sa ipulu nin andu inanggan nin sa limu na yanin adtalun na kadnan ku inipulu aku nengka andu inikalimu aku nengka.
وَأَمَّآ إِذَا مَا ٱبْتَلَىٰهُ فَقَدَرَ عَلَيْهِ رِزْقَهُۥ فَيَقُولُ رَبِّىٓ أَهَٰنَنِ ﴿١٦﴾
Amayka binatalu manem sekanin sa kasimpit a ridzki na nya nin adtalun na kadnan ku ini-lusak aku nengka.
كَلَّا ۖ بَل لَّا تُكْرِمُونَ ٱلْيَتِيمَ ﴿١٧﴾
Dikana (mana su gapagitung nu) ka sekanu na dili nu i kalimu su mga yateem.
وَلَا تَحَٰٓضُّونَ عَلَىٰ طَعَامِ ٱلْمِسْكِينِ ﴿١٨﴾
Dili nupan isugu su kapakan kanu mga miskinan.
وَتَأْكُلُونَ ٱلتُّرَاثَ أَكْلًۭا لَّمًّۭا ﴿١٩﴾
Pagkan nu bus u kawarisan nilan sa dala matuganul.
وَتُحِبُّونَ ٱلْمَالَ حُبًّۭا جَمًّۭا ﴿٢٠﴾
Kalilinyan nu su tamuk sa dala gugud nin.
كَلَّآ إِذَا دُكَّتِ ٱلْأَرْضُ دَكًّۭا دَكًّۭا ﴿٢١﴾
Benal, amayka madatal den su lupa.
وَجَآءَ رَبُّكَ وَٱلْمَلَكُ صَفًّۭا صَفًّۭا ﴿٢٢﴾
Makawma su nangadan andu su mga malaa-ikat a midsaf silan kanu kapagkukum.
وَجِا۟ىٓءَ يَوْمَئِذٍۭ بِجَهَنَّمَ ۚ يَوْمَئِذٍۢ يَتَذَكَّرُ ٱلْإِنسَٰنُ وَأَنَّىٰ لَهُ ٱلذِّكْرَىٰ ﴿٢٣﴾
Itingguma den su jahannam (naraka) kanu namba a gay, na katadaman nu taw su galabak nin a dala katagan nin salaknin.
يَقُولُ يَٰلَيْتَنِى قَدَّمْتُ لِحَيَاتِى ﴿٢٤﴾
Nya nin madtalu na mandagimbu ka napagadilan ku su nyaba a uyag-uyag.
فَيَوْمَئِذٍۢ لَّا يُعَذِّبُ عَذَابَهُۥٓ أَحَدٌۭ ﴿٢٥﴾
Antu ba a gay na dala lumawan kanu Allah i kapasang a siksa nin kanu mga darwaka.
وَلَا يُوثِقُ وَثَاقَهُۥٓ أَحَدٌۭ ﴿٢٦﴾
Andu dala pan lumawan sa kapasang a kapawak nin.
يَٰٓأَيَّتُهَا ٱلنَّفْسُ ٱلْمُطْمَئِنَّةُ ﴿٢٧﴾
Seka a taw a tumatana.
ٱرْجِعِىٓ إِلَىٰ رَبِّكِ رَاضِيَةًۭ مَّرْضِيَّةًۭ ﴿٢٨﴾
Ambalingan ka kanu kadnan nengka a nasuwat ka andu nasuwatan ka.
فَٱدْخُلِى فِى عِبَٰدِى ﴿٢٩﴾
Ludap ka kanu mga ulipan ku.
وَٱدْخُلِى جَنَّتِى ﴿٣٠﴾
Andu ludap ka kanu surge ku.
Share