(Saki su Allah) idsapa ku su langit andu su bitun.
Dili nengka katawan (Muhammad) i at-tariq.
Uman i sakataw na aden malaa-ikat a pambantay salakanin.
Ilay nu su manusya u ngin i asal nin.
Nakabpun sa ig a padtubpa.
Nakabpun kanu sulbu nu mama andu lalab na babay.
Su Allah na magaga nin mapambalingan su taw kanu nabpunan nin.
Gay a mapayag su masulan.
Dala bagalu a taw andu dala makadtabang.
Ibet kanu langit a aden ulan nin.
Andu su lupa a aden utan nin.
Benal su kadtalu (Qur’an) na bantang na ungangan.
Dikana angiyas atawka ipan-damangyas.
Benal a bagitung silan sa kabinasan.
(Allah)na binasan kubun silan.
Lanati ka (Muhammad) su mga kafeer,ka balanatan ku bun silan.
