سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Inshiqaq (The Splitting Asunder)

Surah Al-Inshiqaq (The Splitting Asunder) - Maguindanaon Aya count 25

إِذَا ٱلسَّمَآءُ ٱنشَقَّتْ ﴿١﴾
Amayka magubal den su langit.
وَأَذِنَتْ لِرَبِّهَا وَحُقَّتْ ﴿٢﴾
Andu yanin panuliman su kadnan nin a wajib salakanin i kapaginugut sa kadnan nin.
وَإِذَا ٱلْأَرْضُ مُدَّتْ ﴿٣﴾
Andu amayka datal den su lupa.
وَأَلْقَتْ مَا فِيهَا وَتَخَلَّتْ ﴿٤﴾
Andu pagamon nin su namamatay kanu dalam nin ka abpukas.
وَأَذِنَتْ لِرَبِّهَا وَحُقَّتْ ﴿٥﴾
Ka nya nin panuliman su kadnan nin.
يَٰٓأَيُّهَا ٱلْإِنسَٰنُ إِنَّكَ كَادِحٌ إِلَىٰ رَبِّكَ كَدْحًۭا فَمُلَٰقِيهِ ﴿٦﴾
Hee seka a manusya pan-dulugatan ka kanu kadnan nengka, na maparuli nengka bun su malat/mapya a galabak nengka.
فَأَمَّا مَنْ أُوتِىَ كِتَٰبَهُۥ بِيَمِينِهِۦ ﴿٧﴾
Su taw a kawanan (a lima nin) i inikwa nin kanu sinulatan kanu galabak nin.
فَسَوْفَ يُحَاسَبُ حِسَابًۭا يَسِيرًۭا ﴿٨﴾
Pagitungan bun sa kapagitung a malmu.
وَيَنقَلِبُ إِلَىٰٓ أَهْلِهِۦ مَسْرُورًۭا ﴿٩﴾
Makambalingan kanu kaluma nin sa magalaw.
وَأَمَّا مَنْ أُوتِىَ كِتَٰبَهُۥ وَرَآءَ ظَهْرِهِۦ ﴿١٠﴾
Andu su taw manem a tampal sa taligkudan su sinulatan sa galabak nin.
فَسَوْفَ يَدْعُوا۟ ثُبُورًۭا ﴿١١﴾
Dili abpalis na makapananawag sa saki den a taw i nabinasa.
وَيَصْلَىٰ سَعِيرًا ﴿١٢﴾
Mapagyaw sekanin kanu padsindaw a apuy.
إِنَّهُۥ كَانَ فِىٓ أَهْلِهِۦ مَسْرُورًا ﴿١٣﴾
Sabap sa benal a kag-kalilini bu i galabak nin lu kanu kaluma nin.
إِنَّهُۥ ظَنَّ أَن لَّن يَحُورَ ﴿١٤﴾
Nya natagu sa ginawa nin na dili den makambwat kanu ulyan na kapatay nin.
بَلَىٰٓ إِنَّ رَبَّهُۥ كَانَ بِهِۦ بَصِيرًۭا ﴿١٥﴾
Kana, ka su Allah na gaylay nin (I langun a galabakan) sa dala pakapagana salakanin.
فَلَآ أُقْسِمُ بِٱلشَّفَقِ ﴿١٦﴾
Saki su Allah idsapa ku su maliga a sadepan.
وَٱلَّيْلِ وَمَا وَسَقَ ﴿١٧﴾
Andu saki su Allah idsapa ku su magabi a sangat a malibutang.
وَٱلْقَمَرِ إِذَا ٱتَّسَقَ ﴿١٨﴾
Andu saki su Allah idsapa ku su ulan-ulan a mibpasad i kasla andu ka-kinggat nin.
لَتَرْكَبُنَّ طَبَقًا عَن طَبَقٍۢ ﴿١٩﴾
Dili abpalis na manggula nu bun i malipus su salapis na aden bun pila lapis (madsalin-salin su taw andu su timpu).
فَمَا لَهُمْ لَا يُؤْمِنُونَ ﴿٢٠﴾
Su mga kafeer na ngintu ka dili silan mangimbanal?
وَإِذَا قُرِئَ عَلَيْهِمُ ٱلْقُرْءَانُ لَا يَسْجُدُونَ ۩ ﴿٢١﴾
Amayka batyan sakanilan su Qur’an na dili silan sumujud.
بَلِ ٱلَّذِينَ كَفَرُوا۟ يُكَذِّبُونَ ﴿٢٢﴾
Kana ka su mga kafeer i mapandalbut.
وَٱللَّهُ أَعْلَمُ بِمَا يُوعُونَ ﴿٢٣﴾
Su Allah i mataw kanu dalam nu pusung nilan.
فَبَشِّرْهُم بِعَذَابٍ أَلِيمٍ ﴿٢٤﴾
Panudtul ka sakanilan su siksa a malipadas a masakit.
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ أَجْرٌ غَيْرُ مَمْنُونٍۭ ﴿٢٥﴾
Nya tabya na su mga bamaginugut a minggalabak sa mga mapya, ka aden sakanilan i balas a dala kadtamanan nin.
Share