سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Mutaffifin (Those Who Deal in Fraud)

Surah Al-Mutaffifin (Those Who Deal in Fraud) - Maguindanaon Aya count 36

وَيْلٌۭ لِّلْمُطَفِّفِينَ ﴿١﴾
Su naraka i makwa sa dili kapatidtu sa asadan (timbangan).
ٱلَّذِينَ إِذَا ٱكْتَالُوا۟ عَلَى ٱلنَّاسِ يَسْتَوْفُونَ ﴿٢﴾
Amayka kanilan i asadan na patidtun nilan.
وَإِذَا كَالُوهُمْ أَو وَّزَنُوهُمْ يُخْسِرُونَ ﴿٣﴾
Amayka asadan atawka timbangan su kanu mga taw na dili nilan patidtun
أَلَا يَظُنُّ أُو۟لَٰٓئِكَ أَنَّهُم مَّبْعُوثُونَ ﴿٤﴾
Ngintu dili matagu sa ginawa nilan i makambwat silan sa gay a mawli.
لِيَوْمٍ عَظِيمٍۢ ﴿٥﴾
Namba a gay na sangat i kasla nin (su gay a mawli).
يَوْمَ يَقُومُ ٱلنَّاسُ لِرَبِّ ٱلْعَٰلَمِينَ ﴿٦﴾
Gay a katindag nu mga taw kanu kadnan nu langun na inadan.
كَلَّآ إِنَّ كِتَٰبَ ٱلْفُجَّارِ لَفِى سِجِّينٍۢ ﴿٧﴾
Dikana manem su gapagitung nilan ka benal su kitab nu mga darwaka na lusa luganan (luganan a kabpawangan nilan.
وَمَآ أَدْرَىٰكَ مَا سِجِّينٌۭ ﴿٨﴾
Dili nengka katawan (Muhammad) i luganan.
كِتَٰبٌۭ مَّرْقُومٌۭ ﴿٩﴾
Sinulatan sa bilangan na uman-isa.
وَيْلٌۭ يَوْمَئِذٍۢ لِّلْمُكَذِّبِينَ ﴿١٠﴾
Su naraka i makwa nu taw a pandalabut.
ٱلَّذِينَ يُكَذِّبُونَ بِيَوْمِ ٱلدِّينِ ﴿١١﴾
Silan a mga taw na dili bangimbanal sa gay a mawli.
وَمَا يُكَذِّبُ بِهِۦٓ إِلَّا كُلُّ مُعْتَدٍ أَثِيمٍ ﴿١٢﴾
Dala mapandalbut,nya tabya na darwaka a baradusa.
إِذَا تُتْلَىٰ عَلَيْهِ ءَايَٰتُنَا قَالَ أَسَٰطِيرُ ٱلْأَوَّلِينَ ﴿١٣﴾
Amayka batyan kanilan su ayatan nu Allah na yanin kadtalu na nambumba su nangawna a mga sulat.
كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا۟ يَكْسِبُونَ ﴿١٤﴾
Dikana sa mana gapagitung nilan ka silan na minangad kanu pusung nilan su galabak a kadusan.
كَلَّآ إِنَّهُمْ عَن رَّبِّهِمْ يَوْمَئِذٍۢ لَّمَحْجُوبُونَ ﴿١٥﴾
Dikana mana su kapagitung nilan ka silan a mga taw na dili nilan maylay su Allah.
ثُمَّ إِنَّهُمْ لَصَالُوا۟ ٱلْجَحِيمِ ﴿١٦﴾
Mawli na lu silan malupang sa naraka.
ثُمَّ يُقَالُ هَٰذَا ٱلَّذِى كُنتُم بِهِۦ تُكَذِّبُونَ ﴿١٧﴾
Antu pan adtalun sakanilan i nya bas u papandalbut nu.
كَلَّآ إِنَّ كِتَٰبَ ٱلْأَبْرَارِ لَفِى عِلِّيِّينَ ﴿١٨﴾
Dikana (mana su kapagitung nilan) ka banal su sinulatan kanu mga mapya taw na nakabatad sa mapulu (mapya).
وَمَآ أَدْرَىٰكَ مَا عِلِّيُّونَ ﴿١٩﴾
Dili nengka gatawan (Muhammad) u ngin a mapulu.
كِتَٰبٌۭ مَّرْقُومٌۭ ﴿٢٠﴾
Sinulatan a aden bilangan na uman-isa.
يَشْهَدُهُ ٱلْمُقَرَّبُونَ ﴿٢١﴾
Padsaksyan nu (mga malaa-ikat) a masikan kanu Allah.
إِنَّ ٱلْأَبْرَارَ لَفِى نَعِيمٍ ﴿٢٢﴾
Su mga mapya a taw na dalam silan a limu.
عَلَى ٱلْأَرَآئِكِ يَنظُرُونَ ﴿٢٣﴾
Sya silan sa kantil a mapulu (mapya).
تَعْرِفُ فِى وُجُوهِهِمْ نَضْرَةَ ٱلنَّعِيمِ ﴿٢٤﴾
Gaylay kanu biyas nilan i kapya na gatamanan.
يُسْقَوْنَ مِن رَّحِيقٍۢ مَّخْتُومٍ ﴿٢٥﴾
Pab-paginuman silan sa mapya i nanam nin andu baw nin.
خِتَٰمُهُۥ مِسْكٌۭ ۚ وَفِى ذَٰلِكَ فَلْيَتَنَافَسِ ٱلْمُتَنَٰفِسُونَ ﴿٢٦﴾
Dinapangan sa pinakamamut sa mama-gandagaya silan.
وَمِزَاجُهُۥ مِن تَسْنِيمٍ ﴿٢٧﴾
Sinimbulan sa nya den labi i kapya nin a baginuman sa surge (tasnim).
عَيْنًۭا يَشْرَبُ بِهَا ٱلْمُقَرَّبُونَ ﴿٢٨﴾
Namba i baginuman nu mga taw a masikan sa Allah.
إِنَّ ٱلَّذِينَ أَجْرَمُوا۟ كَانُوا۟ مِنَ ٱلَّذِينَ ءَامَنُوا۟ يَضْحَكُونَ ﴿٢٩﴾
Benal su mga taw a baradusa,na nya nilan galabak na adtatawan nilan su mga bamaginugut.
وَإِذَا مَرُّوا۟ بِهِمْ يَتَغَامَزُونَ ﴿٣٠﴾
Amayka nasagadan nilan su mga bamaginugut na pagungatan nilan.
وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ ﴿٣١﴾
Amayka nakawma silan sa walay nilan na migkalilini silan.
وَإِذَا رَأَوْهُمْ قَالُوٓا۟ إِنَّ هَٰٓؤُلَآءِ لَضَآلُّونَ ﴿٣٢﴾
Upama ka maylay nilan su mga bamaginugut na nya nilan kadtalu na namba i mga taw a nangatadin.
وَمَآ أُرْسِلُوا۟ عَلَيْهِمْ حَٰفِظِينَ ﴿٣٣﴾
Dikana nan i kinapambwat kanu mga darwaka na silan i tumyakap kanu mga bamaginugut.
فَٱلْيَوْمَ ٱلَّذِينَ ءَامَنُوا۟ مِنَ ٱلْكُفَّارِ يَضْحَكُونَ ﴿٣٤﴾
Saguna a gay (gay a mawli) nadtatawan nu mga bamaginugut su mga kafeer.
عَلَى ٱلْأَرَآئِكِ يَنظُرُونَ ﴿٣٥﴾
Sya silan kanu kantil a mapulu (mapya).
هَلْ ثُوِّبَ ٱلْكُفَّارُ مَا كَانُوا۟ يَفْعَلُونَ ﴿٣٦﴾
Dala ini-balas kanu mga kafeer a salakaw kanu lalaw nu galbakan nilan.
Share