Amayka magubal den su dunya.
Andu amayka mangalubpug den su bitun.
Andu amayka adsimbul su tabang kanu lagat.
Andu amayka ambutakad su mga kubur.
Katawan nu taw su nawna andu nawli a nanggalabak nin.
Hee seka anan a manusya ngin i nakasimpang selaka kanu kadnan nengka a mapulu.
Na minaluy selaka sa pinabpalas kanin sa bantang.
Apya ngin i palas i kyug nin na mabpalas nengka.
Di kanu bangimbanal sa gay a kabalas.
Aden pan bantay salakanu.
Padsulat kanu mga galabakan nu.
Katawan nilan i langun a panggalabakan nu.
Benal su mga mapya a mga taw na dalam na limu silan.
Andu banal su darwaka na dalam na naraka silan.
Silan na paludapan (sa naraka) sa kanu gay a kapamayad.
Dili silan mapinda (sa naraka).
Andu dili nengka katawan i gay a kapamayad.
Mawli na dili nengka katawan i gay a kapamayad.
Gay a dili kamilikan nu taw su kapad nin sa apya paydu, andu kanu Allah bu i langun a kasugwan sa dala kapad nin andu tumpuk nin.
