سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah An-Nazi'at ( Those who Pull Out )

Surah An-Nazi'at ( Those who Pull Out ) - Maguindanaon Aya count 46

وَٱلنَّٰزِعَٰتِ غَرْقًۭا ﴿١﴾
(Tig nu Allah) idsapa ku su malaa-ikat a panggansing (kanu nyawa nu mga kafeer).
وَٱلنَّٰشِطَٰتِ نَشْطًۭا ﴿٢﴾
Andu idsapa ku sa malaa-ikat a pabpya-pya (kanu mga bamaginugut).
وَٱلسَّٰبِحَٰتِ سَبْحًۭا ﴿٣﴾
Andu idsapa ku su mga malaa-ikat a padtasbih.
فَٱلسَّٰبِقَٰتِ سَبْقًۭا ﴿٤﴾
Andu idsapa ku su kuda a ipambunwa (sya kanu agama islam).
فَٱلْمُدَبِّرَٰتِ أَمْرًۭا ﴿٥﴾
Andu idsapa ku su malaa-ikat a padataldu kanu dunya.
يَوْمَ تَرْجُفُ ٱلرَّاجِفَةُ ﴿٦﴾
Su gay (paganayan) a kayup kanu sanggakala na ibagimatay sa bibyag,ipanggubal sa dunya.
تَتْبَعُهَا ٱلرَّادِفَةُ ﴿٧﴾
Tundugan sa ika-dwa a kayup kanu sanggakala sa ibaguyag sa minatay.
قُلُوبٌۭ يَوْمَئِذٍۢ وَاجِفَةٌ ﴿٨﴾
Su mga pusung na dili gumanggan sa gilak.
أَبْصَٰرُهَا خَٰشِعَةٌۭ ﴿٩﴾
Su mga mata na mibpalas sa galansi.
يَقُولُونَ أَءِنَّا لَمَرْدُودُونَ فِى ٱلْحَافِرَةِ ﴿١٠﴾
Nya nilan madtalu andukan makam-balingan tanu pamun sa liwawaw na lupa.
أَءِذَا كُنَّا عِظَٰمًۭا نَّخِرَةًۭ ﴿١١﴾
Sa apya nalupat den su mga tulan nu.
قَالُوا۟ تِلْكَ إِذًۭا كَرَّةٌ خَاسِرَةٌۭ ﴿١٢﴾
Kadtalu nilan intu na kalugyan.
فَإِنَّمَا هِىَ زَجْرَةٌۭ وَٰحِدَةٌۭ ﴿١٣﴾
Benal na isa-timan bu intu a ipadtakaw sakanilan (su kadwa a kayup).
فَإِذَا هُم بِٱلسَّاهِرَةِ ﴿١٤﴾
Makatukaw bu silan antu den kanu untul na kubur sa bibyag silan.
هَلْ أَتَىٰكَ حَدِيثُ مُوسَىٰٓ ﴿١٥﴾
Nakawma selaka (Muhammad) su tudtulan kanu musa?
إِذْ نَادَىٰهُ رَبُّهُۥ بِٱلْوَادِ ٱلْمُقَدَّسِ طُوًى ﴿١٦﴾
Tinawag nu kadnan nin lu kanu bawgan a sutti.
ٱذْهَبْ إِلَىٰ فِرْعَوْنَ إِنَّهُۥ طَغَىٰ ﴿١٧﴾
(Tig nu Allah) luka kani fir’awn, ka sinumagad i galabak nin kanu kumpasan.
فَقُلْ هَل لَّكَ إِلَىٰٓ أَن تَزَكَّىٰ ﴿١٨﴾
Nya ka adtalu na ngintu aden pamun salaka i kad-sutti?
وَأَهْدِيَكَ إِلَىٰ رَبِّكَ فَتَخْشَىٰ ﴿١٩﴾
Andu tutulun ku seka kanu kadnan nengka,ka andu ka ludepan na gilak.
فَأَرَىٰهُ ٱلْءَايَةَ ٱلْكُبْرَىٰ ﴿٢٠﴾
Inipilay nin (kani fir’awn) i tanda a masla.
فَكَذَّبَ وَعَصَىٰ ﴿٢١﴾
Pinandalbut nin (si musa) andu sinumupak.
ثُمَّ أَدْبَرَ يَسْعَىٰ ﴿٢٢﴾
Mawli na tinumaligkud (si fir’awn) sa dili pagkyug sa bantang.
فَحَشَرَ فَنَادَىٰ ﴿٢٣﴾
Linimud nin su mga taw a nanawag.
فَقَالَ أَنَا۠ رَبُّكُمُ ٱلْأَعْلَىٰ ﴿٢٤﴾
Nya nin pidtalu (si fir’awn) na saki i kadnan nu a mapulu.
فَأَخَذَهُ ٱللَّهُ نَكَالَ ٱلْءَاخِرَةِ وَٱلْأُولَىٰٓ ﴿٢٥﴾
Bininasa nu Allah ka indawan kanu nawna andu mawli.
إِنَّ فِى ذَٰلِكَ لَعِبْرَةًۭ لِّمَن يَخْشَىٰٓ ﴿٢٦﴾
Benal a namba na indawan kanu taw a magilak.
ءَأَنتُمْ أَشَدُّ خَلْقًا أَمِ ٱلسَّمَآءُ ۚ بَنَىٰهَا ﴿٢٧﴾
Ngentu sekanu pan i matagas atawka su langit a pimbalay nu kadnan?
رَفَعَ سَمْكَهَا فَسَوَّىٰهَا ﴿٢٨﴾
(Su Allah) na inipulu nin su langit sa dili malabing,mapya i palas nin sabap kanu mga bitun,ulan-ulan.
وَأَغْطَشَ لَيْلَهَا وَأَخْرَجَ ضُحَىٰهَا ﴿٢٩﴾
Pinagkalibutang nin su magabi,andu pinagkalinawag nin su malamag.
وَٱلْأَرْضَ بَعْدَ ذَٰلِكَ دَحَىٰهَآ ﴿٣٠﴾
Andu su lupa kanu ulyan antu, na inibalat nin sa mawlad.
أَخْرَجَ مِنْهَا مَآءَهَا وَمَرْعَىٰهَا ﴿٣١﴾
Pinambwat nin su mga ig,mga utan.
وَٱلْجِبَالَ أَرْسَىٰهَا ﴿٣٢﴾
Andu su mga palaw na pinad-takana nin.
مَتَٰعًۭا لَّكُمْ وَلِأَنْعَٰمِكُمْ ﴿٣٣﴾
Makan su bagatu (kanu lupa) andu su mga binatang nu.
فَإِذَا جَآءَتِ ٱلطَّآمَّةُ ٱلْكُبْرَىٰ ﴿٣٤﴾
Amayka makawma den su gay a masla (gay a mawli).
يَوْمَ يَتَذَكَّرُ ٱلْإِنسَٰنُ مَا سَعَىٰ ﴿٣٥﴾
Namba a gay nakatadaman nu taw su pinanggalabak nin.
وَبُرِّزَتِ ٱلْجَحِيمُ لِمَن يَرَىٰ ﴿٣٦﴾
Andu mapayag su naraka kanu makaylay lun.
فَأَمَّا مَن طَغَىٰ ﴿٣٧﴾
Su taw a nakasagad i galabak nin (kadupang nin).
وَءَاثَرَ ٱلْحَيَوٰةَ ٱلدُّنْيَا ﴿٣٨﴾
Inilabi nin su kawyag sa dunya.
فَإِنَّ ٱلْجَحِيمَ هِىَ ٱلْمَأْوَىٰ ﴿٣٩﴾
Benal su naraka i walay nin.
وَأَمَّا مَنْ خَافَ مَقَامَ رَبِّهِۦ وَنَهَى ٱلنَّفْسَ عَنِ ٱلْهَوَىٰ ﴿٤٠﴾
Su taw a inikagilak nin su kadnan nin andu sinapalan nin su hawa nafsu nin.
فَإِنَّ ٱلْجَنَّةَ هِىَ ٱلْمَأْوَىٰ ﴿٤١﴾
Benal su surga i kadtakanan nin.
يَسْـَٔلُونَكَ عَنِ ٱلسَّاعَةِ أَيَّانَ مُرْسَىٰهَا ﴿٤٢﴾
Ibagidsa nilan selaka (Muhammad) u kanu i kawma na gay a mawli?
فِيمَ أَنتَ مِن ذِكْرَىٰهَآ ﴿٤٣﴾
Dala selaka (Muhammad) i katawan nengka i gay a kawma nin.
إِلَىٰ رَبِّكَ مُنتَهَىٰهَآ ﴿٤٤﴾
Sekanin bu (Allah) i mataw lun.
إِنَّمَآ أَنتَ مُنذِرُ مَن يَخْشَىٰهَا ﴿٤٥﴾
Nya bu leka (Muhammad) na kapakagilak kanu magilak.
كَأَنَّهُمْ يَوْمَ يَرَوْنَهَا لَمْ يَلْبَثُوٓا۟ إِلَّا عَشِيَّةً أَوْ ضُحَىٰهَا ﴿٤٦﴾
Su gay a katindeg nilan kanu kubur nilan, na nya nilan kagadam kanu dunya na mana mapita bu atawka malulam bu atawka sagad bus a gay.
Share