Surah Al-Mursalat ( Those sent forth )

Saki (Allah) idsapa ku su sambal a padtundug-tundug.

Saki (Allah) idsapa ku su sambal a sangat i kabagal nin.

Saki(Allah) idsapa ku su sambal a padtayak kanu dadtam.

Saki (Allah)idsapa ku su Qur’an a napadsanggaya sa halal-haram.

Saki(Allah) idsapa ku su mga malaa-ikat a bananggit sa wahi a pabpayag.

Sa mga uzur nu mga taw,atawka ipapagkagilak.

Saben-sabenal sui nib-pasad salakanu na mawma (gay a mawli).

Amayka agkanan su bitun (dala sigay nin).

Andu amayka magubal den su mga langit.

Andu amayka makabayug den su mga palaw.

Andu amayka mabulig den su mga sinugu kanu waktu nin.

Kanu gay a masla a natalay sa paydu.

Su gay a kagkukum.

Dili nengka gatawan i pidtalu a gay a kagkukum.

Su bogan sa naraka kanu namba a gay i kandalapan nu papandalabut (kanu mga ayatan).

Saben-sabenal a bininasa nami su nangawna a mga taw.

Mawli na itundug nami su mawli sakanilan.

Mamba i pakaydan nami kanu mga darwaka.

Su bogan sa naraka kanu namba a gay i kandalapa nu papandalbut (kanu mga ayatan).

Saben-sabenal a binaluy nami sekanu sa ig a malubay.

Binaluyan nami sa kadtakanan nin sya kanu Rahim nu babay.

Sa taman a dili gawma i kalyu nin (kambata lun).

Langun antu na mapya gayd i kina-ukulan.

Su bogan sa naraka kanu namba a gay i kandalapan nu papandalabut (kanu mga ayatan).

Banal a binaluy nami su lupa sa mindadalapisa.

Sa mga bibiyag andu mga namamatay.

Andu binaluy nami sya kanu lupa i mga palaw a mapulu andu pina-inum nami sekanu sa ig a tabang.

Su bogan sa naraka kanu namba a gay i kandalapan nu papandalabut (kanu mga ayatan).

Angay kanu sa naraka a dinu bangimbanalan.

Lu kanu ka aden balin.amayka nakapulu na talu ka biyas i palas nin.

Dili kasilungan andu dili kadalungan ka mayaw.

Saben-sabenal a pakasabulakan nin i apuy a sangat i kangasla nin.

Mana den su mga unta a binaning a mga masla.

Su bogan sa naraka kanu namba a gay i kandalapa nu papandalbut (kanu mga ayatan).

Namba su gay a dala kanilan i kadtalu.

Andu dala den kanilan i makadawa pan silan.

Su bogan sa naraka kanu namba a gay i kandalapa nu papandalbut (kanu mga ayatan).

Namba su gay a kagkukum,binulig nami sekanu andu su nangawna.

Na amayka aden pamun akkal nu,na pagakkal kanu bun.

Su bogan sa naraka kanu namba a gay i kandalapa nu papandalbut (kanu mga ayatan).

Saben-sabenal su mga taw a magilak na sys a kasilungan andu mga buwal.

Andu unga na kayu andaw i kyug nilan.

Kan kanu andu inum kanu sa mapya kanu lalaw nu galabakan nu (a mapya).

Saben-sabenal a mamba i kabalas nami kanu mga mapya-piya.

Su bogan sa naraka kanu namba a gay i kandalapa nu papandalbut (kanu mga ayatan).

(su mga dupang)na kan kanu,andu agkalilini kanu sya sa dunya ka mga dupang kanu.

Su bogan sa naraka kanu namba a gay i kandalapa nu papandalbut (kanu mga ayatan).

Amayka pidtalu sakanilan i ruku kanu na dilisila rumuku.

Su bogan sa naraka kanu namba a gay i kandalapa nu papandalbut (kanu mga ayatan).

Na ngin pan i kadtalu a mawli (sa Qur’an) a palityayan nilan.