سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Haaqqah ( The Inevitable )

Surah Al-Haaqqah ( The Inevitable ) - Maguindanaon Aya count 52

ٱلْحَآقَّةُ ﴿١﴾
Su gay a mawli.
مَا ٱلْحَآقَّةُ ﴿٢﴾
Ngin i pidtalu a gay a mawli?
وَمَآ أَدْرَىٰكَ مَا ٱلْحَآقَّةُ ﴿٣﴾
Na dili nengka gatawan (Muhammad) u ngin a pidtalu a gay a mawli.
كَذَّبَتْ ثَمُودُ وَعَادٌۢ بِٱلْقَارِعَةِ ﴿٤﴾
Pinandalbut ni thamud andu si Aa’d su gay a mawli.
فَأَمَّا ثَمُودُ فَأُهْلِكُوا۟ بِٱلطَّاغِيَةِ ﴿٥﴾
Nya inibinasa kanu thamud na kilat i mapasang i swara nin.
وَأَمَّا عَادٌۭ فَأُهْلِكُوا۟ بِرِيحٍۢ صَرْصَرٍ عَاتِيَةٍۢ ﴿٦﴾
Andu nya manem inibinasa kanuAa’d na sambal a sangati kabagal nin.
سَخَّرَهَا عَلَيْهِمْ سَبْعَ لَيَالٍۢ وَثَمَٰنِيَةَ أَيَّامٍ حُسُومًۭا فَتَرَى ٱلْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍۢ ﴿٧﴾
Na dayun su sambal sa nakapitu i magabi na nakawalu i malmag sa midtundug-tundug,nya nengka kaylay kanu mga taw na nakadampas sa nakailing sa kayu na kulma a nangalundus.
فَهَلْ تَرَىٰ لَهُم مِّنۢ بَاقِيَةٍۢ ﴿٨﴾
Dala maylay nengka (Muhammad) sakanilan a nasama a bibyag.
وَجَآءَ فِرْعَوْنُ وَمَن قَبْلَهُۥ وَٱلْمُؤْتَفِكَٰتُ بِٱلْخَاطِئَةِ ﴿٩﴾
Andu nakatundug manem su fir’awn andu su nawna pan salakanin andu su taw nu dalpa (dalapa nu lut) a galabak a madakal a supak.
فَعَصَوْا۟ رَسُولَ رَبِّهِمْ فَأَخَذَهُمْ أَخْذَةًۭ رَّابِيَةً ﴿١٠﴾
Sinangka nilan su sinugu nu kadnan sakanilan,na bininasa nu Allah silan sa muna pan i kapasang nin kanu nawna.
إِنَّا لَمَّا طَغَا ٱلْمَآءُ حَمَلْنَٰكُمْ فِى ٱلْجَارِيَةِ ﴿١١﴾
Saben-sabenal su kinadagan na pinapagada nami (kanu awing nu nuh) a panggampung.
لِنَجْعَلَهَا لَكُمْ تَذْكِرَةًۭ وَتَعِيَهَآ أُذُنٌۭ وَٰعِيَةٌۭ ﴿١٢﴾
(namba a nanggula) na binaluy nami a indawan salakanu andu dili kalimpangan nu tangila a dili makalimpang.
فَإِذَا نُفِخَ فِى ٱلصُّورِ نَفْخَةٌۭ وَٰحِدَةٌۭ ﴿١٣﴾
Na amayka yupan den su sanggakala a makaisa.
وَحُمِلَتِ ٱلْأَرْضُ وَٱلْجِبَالُ فَدُكَّتَا دَكَّةًۭ وَٰحِدَةًۭ ﴿١٤﴾
Andu makapulu su lupa andu su palaw na malupat tanan sa makakadsalangan pan.
فَيَوْمَئِذٍۢ وَقَعَتِ ٱلْوَاقِعَةُ ﴿١٥﴾
Antu den ba su kabangkit sa dunya.
وَٱنشَقَّتِ ٱلسَّمَآءُ فَهِىَ يَوْمَئِذٍۢ وَاهِيَةٌۭ ﴿١٦﴾
Andu malupat den su langit,antuba i kagkalubay nin.
وَٱلْمَلَكُ عَلَىٰٓ أَرْجَآئِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍۢ ثَمَٰنِيَةٌۭ ﴿١٧﴾
Andu su mga malaa-ikat na sya sa ambala-bala andu su pabpusan kanu arsh kanu pulu nilan na walu.
يَوْمَئِذٍۢ تُعْرَضُونَ لَا تَخْفَىٰ مِنكُمْ خَافِيَةٌۭ ﴿١٨﴾
Antu ba a gay na pagitungan den su mga galabakan nu sa dala makapagana salakanu.
فَأَمَّا مَنْ أُوتِىَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقْرَءُوا۟ كِتَٰبِيَهْ ﴿١٩﴾
Antayn i tampal sa kawanan nin i kakwa nin kanu kitab nin na nya nin madtalu na sya kanu ka batyan tanu su kitab ku.
إِنِّى ظَنَنتُ أَنِّى مُلَٰقٍ حِسَابِيَهْ ﴿٢٠﴾
Ka dili abpalis na mawma ku su kapagitung salaki a malmu.
فَهُوَ فِى عِيشَةٍۢ رَّاضِيَةٍۢ ﴿٢١﴾
Sekanin na dalam uyag-uyag a kasuwatan nin.
فِى جَنَّةٍ عَالِيَةٍۢ ﴿٢٢﴾
Lu sa dalam na surge a mapulu.
قُطُوفُهَا دَانِيَةٌۭ ﴿٢٣﴾
Su mga unga na kayu na masikan kanu pagkwa lun.(mawma kumwa).
كُلُوا۟ وَٱشْرَبُوا۟ هَنِيٓـًٔۢا بِمَآ أَسْلَفْتُمْ فِى ٱلْأَيَّامِ ٱلْخَالِيَةِ ﴿٢٤﴾
(na nya adtalun sakanilan) na kan kanu andu inum kanu sa pya nu i ginawa nu sabap kanu nangawna a galabak ku(lu sa dunya a mapya).
وَأَمَّا مَنْ أُوتِىَ كِتَٰبَهُۥ بِشِمَالِهِۦ فَيَقُولُ يَٰلَيْتَنِى لَمْ أُوتَ كِتَٰبِيَهْ ﴿٢٥﴾
Su taw manem a tampang sa biwang i nasugwan nu kitab nin na nya nin madtalu na,nya b aka dala den inggay salaki i kitab ku.
وَلَمْ أَدْرِ مَا حِسَابِيَهْ ﴿٢٦﴾
Ka andu dala koden katawi i kapagitung sa galabak nu.
يَٰلَيْتَهَا كَانَتِ ٱلْقَاضِيَةَ ﴿٢٧﴾
(nya nin mapanganay) na antuba ka napasad aku den sa kinapatay ku sa dya ku den makambwat.
مَآ أَغْنَىٰ عَنِّى مَالِيَهْ ۜ ﴿٢٨﴾
Dala natagan nin salaki su tamuk ku.
هَلَكَ عَنِّى سُلْطَٰنِيَهْ ﴿٢٩﴾
Na-awa den salaki su bagal ku.
خُذُوهُ فَغُلُّوهُ ﴿٣٠﴾
(Adtalun nu Allah kanu malaa-ikat) i kwa nu anan ka bulikas nu.
ثُمَّ ٱلْجَحِيمَ صَلُّوهُ ﴿٣١﴾
Mawli na iludap nu sa naraka.
ثُمَّ فِى سِلْسِلَةٍۢ ذَرْعُهَا سَبْعُونَ ذِرَاعًۭا فَٱسْلُكُوهُ ﴿٣٢﴾
Mawli na lu manem kanu lantay-lantay a pitu-pulu ka siku i sagkal (bagikatan).
إِنَّهُۥ كَانَ لَا يُؤْمِنُ بِٱللَّهِ ٱلْعَظِيمِ ﴿٣٣﴾
Saben-sabenal ka antu a mga taw na dili bangimbanal kanu Allah a masla.
وَلَا يَحُضُّ عَلَىٰ طَعَامِ ٱلْمِسْكِينِ ﴿٣٤﴾
Andu dili masugu su ginawa nin sa kapakan kanu miskinan.
فَلَيْسَ لَهُ ٱلْيَوْمَ هَٰهُنَا حَمِيمٌۭ ﴿٣٥﴾
Naa dala den salakanin saguna i pagali a makam-brapantag salakanin.
وَلَا طَعَامٌ إِلَّا مِنْ غِسْلِينٍۢ ﴿٣٦﴾
Andu dala pan makanin a salakaw kanu danan nu sa taw sa naraka.
لَّا يَأْكُلُهُۥٓ إِلَّا ٱلْخَٰطِـُٔونَ ﴿٣٧﴾
Dala makakan sa nan nya tabya su baradusa.
فَلَآ أُقْسِمُ بِمَا تُبْصِرُونَ ﴿٣٨﴾
Inidsapa nu Allah su binaluy nin agkaylay.
وَمَا لَا تُبْصِرُونَ ﴿٣٩﴾
Andu su binaluy a masulan.
إِنَّهُۥ لَقَوْلُ رَسُولٍۢ كَرِيمٍۢ ﴿٤٠﴾
Su Qur’an kadtalu nu sinugu a mapulu a malimu.
وَمَا هُوَ بِقَوْلِ شَاعِرٍۢ ۚ قَلِيلًۭا مَّا تُؤْمِنُونَ ﴿٤١﴾
Andu dikana kadtalu nu pababayuk,na paydu i mangimbanal.
وَلَا بِقَوْلِ كَاهِنٍۢ ۚ قَلِيلًۭا مَّا تَذَكَّرُونَ ﴿٤٢﴾
Andu dikana kadtalu na taw a adtaw-taw,na paydu i kaindaw nin.
تَنزِيلٌۭ مِّن رَّبِّ ٱلْعَٰلَمِينَ ﴿٤٣﴾
Nakatulun abpun kanu kadnan nu dunya.
وَلَوْ تَقَوَّلَ عَلَيْنَا بَعْضَ ٱلْأَقَاوِيلِ ﴿٤٤﴾
Umana bu ka midtatabu su (Muhammad) sa adtabu nin salakami.
لَأَخَذْنَا مِنْهُ بِٱلْيَمِينِ ﴿٤٥﴾
Na binasan nami den sekanin sa bagal.
ثُمَّ لَقَطَعْنَا مِنْهُ ٱلْوَتِينَ ﴿٤٦﴾
Mawli na tabpadan nami salaknin sy ugat a papatayan.
فَمَا مِنكُم مِّنْ أَحَدٍ عَنْهُ حَٰجِزِينَ ﴿٤٧﴾
Na dala salakanu apya sakataw i makapangalaw lun.
وَإِنَّهُۥ لَتَذْكِرَةٌۭ لِّلْمُتَّقِينَ ﴿٤٨﴾
Andu saben-sabenal (su Qur’an) na indawan kanu magilak.
وَإِنَّا لَنَعْلَمُ أَنَّ مِنكُم مُّكَذِّبِينَ ﴿٤٩﴾
Andu saben-sabenal a katawan nami i kapad salakanu na pandalbut.
وَإِنَّهُۥ لَحَسْرَةٌ عَلَى ٱلْكَٰفِرِينَ ﴿٥٠﴾
Andu saben-sabenal a ma-antang-antang su mga kafeer.
وَإِنَّهُۥ لَحَقُّ ٱلْيَقِينِ ﴿٥١﴾
Andu saben-sabenal su Qur’an na banal gayd.
فَسَبِّحْ بِٱسْمِ رَبِّكَ ٱلْعَظِيمِ ﴿٥٢﴾
Tasbih kanu ngala nu kadnan nengka a masla.
Share