سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Al-Mujadilah ( She That Disputeth )

Surah Al-Mujadilah ( She That Disputeth ) - Maguindanaon Aya count 22

قَدْ سَمِعَ ٱللَّهُ قَوْلَ ٱلَّتِى تُجَٰدِلُكَ فِى زَوْجِهَا وَتَشْتَكِىٓ إِلَى ٱللَّهِ وَٱللَّهُ يَسْمَعُ تَحَاوُرَكُمَآ ۚ إِنَّ ٱللَّهَ سَمِيعٌۢ بَصِيرٌ ﴿١﴾
Saben-sabenal gakinag nu Allah su kadtalu nu babay a pabpalawa salaka (Muhammad) sa kani kaluma nin, andu pabpanun lu sa Allah, su Allah na gakinag nin su kapan dalawanan nu andu sekanin (Allah) i pakakinag a pakaylay.
ٱلَّذِينَ يُظَٰهِرُونَ مِنكُم مِّن نِّسَآئِهِم مَّا هُنَّ أُمَّهَٰتِهِمْ ۖ إِنْ أُمَّهَٰتُهُمْ إِلَّا ٱلَّٰٓـِٔى وَلَدْنَهُمْ ۚ وَإِنَّهُمْ لَيَقُولُونَ مُنكَرًۭا مِّنَ ٱلْقَوْلِ وَزُورًۭا ۚ وَإِنَّ ٱللَّهَ لَعَفُوٌّ غَفُورٌۭ ﴿٢﴾
Su mga taw a ibalagid nilan si kaluma nilan kani ina nilan na dibun mabaluy a ina nilan, ka dala ina nu taw a dikana su mimbata lun, na antuba a kadtalu na supak andu kadusan, andu saben-sabenal su Allah i malimu a mangampun.
وَٱلَّذِينَ يُظَٰهِرُونَ مِن نِّسَآئِهِمْ ثُمَّ يَعُودُونَ لِمَا قَالُوا۟ فَتَحْرِيرُ رَقَبَةٍۢ مِّن قَبْلِ أَن يَتَمَآسَّا ۚ ذَٰلِكُمْ تُوعَظُونَ بِهِۦ ۚ وَٱللَّهُ بِمَا تَعْمَلُونَ خَبِيرٌۭ ﴿٣﴾
Su mga (mama) a inilagid nin si kaluma nilan (sa mana bigkugung nin ina nin) mawli na nakadsandit kanu nadtalu nin na, mangon sa ulipan a sakataw sa dili pan silan makad-yulan, antuba a indawan salakanu, katawan nu Allah i galabak nu, mapayag-masulan.
فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ مِن قَبْلِ أَن يَتَمَآسَّا ۖ فَمَن لَّمْ يَسْتَطِعْ فَإِطْعَامُ سِتِّينَ مِسْكِينًۭا ۚ ذَٰلِكَ لِتُؤْمِنُوا۟ بِٱللَّهِ وَرَسُولِهِۦ ۚ وَتِلْكَ حُدُودُ ٱللَّهِ ۗ وَلِلْكَٰفِرِينَ عَذَابٌ أَلِيمٌ ﴿٤﴾
Amayka dala ulipan na abpwasa sa dwa-ulan padtundug-tundugan sa dili pan silan makadtidtu upama dili pakagaga na mapakan sa nem-pulu a miskinan,ka andu kanu maka-pangimbanal sa Allah andu su sinugu nin, antu ba i dulunan nu Allah, andu kanu mga kafeer i siksa a masakit.
إِنَّ ٱلَّذِينَ يُحَآدُّونَ ٱللَّهَ وَرَسُولَهُۥ كُبِتُوا۟ كَمَا كُبِتَ ٱلَّذِينَ مِن قَبْلِهِمْ ۚ وَقَدْ أَنزَلْنَآ ءَايَٰتٍۭ بَيِّنَٰتٍۢ ۚ وَلِلْكَٰفِرِينَ عَذَابٌۭ مُّهِينٌۭ ﴿٥﴾
Saben-sabenal su mga taw a salakaw i agama nin kanu Allah andu su sinugu nin sa lusak den silan sa mana su kinalusak nu mga nangawna sakanilan, na initulun nami salaka su mga ayat a mapayag, na kanu mga kafeer su siksa a makabinasa sakanilan.
يَوْمَ يَبْعَثُهُمُ ٱللَّهُ جَمِيعًۭا فَيُنَبِّئُهُم بِمَا عَمِلُوٓا۟ ۚ أَحْصَىٰهُ ٱللَّهُ وَنَسُوهُ ۚ وَٱللَّهُ عَلَىٰ كُلِّ شَىْءٍۢ شَهِيدٌ ﴿٦﴾
Su gay a pambwatan nu Allah silan langun, na inggay sakanilan sub alas nu galabak nilan a tinimu nu Allah a nalimpangan nilan, na su Allah kanu langun nu anggaga-isa na kaatwan nin.
أَلَمْ تَرَ أَنَّ ٱللَّهَ يَعْلَمُ مَا فِى ٱلسَّمَٰوَٰتِ وَمَا فِى ٱلْأَرْضِ ۖ مَا يَكُونُ مِن نَّجْوَىٰ ثَلَٰثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَآ أَدْنَىٰ مِن ذَٰلِكَ وَلَآ أَكْثَرَ إِلَّا هُوَ مَعَهُمْ أَيْنَ مَا كَانُوا۟ ۖ ثُمَّ يُنَبِّئُهُم بِمَا عَمِلُوا۟ يَوْمَ ٱلْقِيَٰمَةِ ۚ إِنَّ ٱللَّهَ بِكُلِّ شَىْءٍ عَلِيمٌ ﴿٧﴾
Andukan dala nengka katawi na saben-sabenal su Allah na katawan nin su dalam nu langit andu su dalam nu lupa, dala magadunga a talu kataw a dikana i kanem bun sakanin, atawka paydu pan sa madakal a dikana salata bun sakanilan sa apya andaw silan, mawli na inggay nin (Allah) sa uman-isa sakanilan sub alas nu galabak nin sa gay a mawli, ka saben-sabenal sa Allah na langun na anggaga-isa na katawan nin.
أَلَمْ تَرَ إِلَى ٱلَّذِينَ نُهُوا۟ عَنِ ٱلنَّجْوَىٰ ثُمَّ يَعُودُونَ لِمَا نُهُوا۟ عَنْهُ وَيَتَنَٰجَوْنَ بِٱلْإِثْمِ وَٱلْعُدْوَٰنِ وَمَعْصِيَتِ ٱلرَّسُولِ وَإِذَا جَآءُوكَ حَيَّوْكَ بِمَا لَمْ يُحَيِّكَ بِهِ ٱللَّهُ وَيَقُولُونَ فِىٓ أَنفُسِهِمْ لَوْلَا يُعَذِّبُنَا ٱللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ ٱلْمَصِيرُ ﴿٨﴾
Ngintu dala nengka katawi su mga taw a sinapalan sa kapagadunga mawli na midsaluman bun silan kanu inisapal sakanilan, na nya nilan pan ipagadunga na kadusan andu dili kapagayun andu supak kanu rasul, amayka nawma sakanilan na salakaw i islam nilan salaka kanu pidtalu nu kadnan nilan a kad-salamay, na nya nilan madtalu sa ginawa nilan na nya ba kasiksan tanu kadnan kanu kadtalu tanu (amayka mawag tanu) na nya bu mataw sakanilan su naraka jahannam a magyaw sakanilan a sangat i kawag nin a kab-pawangan.
يَٰٓأَيُّهَا ٱلَّذِينَ ءَامَنُوٓا۟ إِذَا تَنَٰجَيْتُمْ فَلَا تَتَنَٰجَوْا۟ بِٱلْإِثْمِ وَٱلْعُدْوَٰنِ وَمَعْصِيَتِ ٱلرَّسُولِ وَتَنَٰجَوْا۟ بِٱلْبِرِّ وَٱلتَّقْوَىٰ ۖ وَٱتَّقُوا۟ ٱللَّهَ ٱلَّذِىٓ إِلَيْهِ تُحْشَرُونَ ﴿٩﴾
Hee sekanu anan atagin a bamaginugut amayka magadunga kanu na da kanu magadunga sa kadusan andu kapamagukag andu supak sa sinugu, andu nya nu i pagadunga na langun na mapiya andu gilak sa Allah, ikagilak nu su Allah ka lubun salakanin i kalimudan nu langun.
إِنَّمَا ٱلنَّجْوَىٰ مِنَ ٱلشَّيْطَٰنِ لِيَحْزُنَ ٱلَّذِينَ ءَامَنُوا۟ وَلَيْسَ بِضَآرِّهِمْ شَيْـًٔا إِلَّا بِإِذْنِ ٱللَّهِ ۚ وَعَلَى ٱللَّهِ فَلْيَتَوَكَّلِ ٱلْمُؤْمِنُونَ ﴿١٠﴾
Saben-sabenal su kapagadunga na kana shaytan ka andu malidu, i ginawa nu mga bamaginugut, na dili nilan bun kagkaydan su mga bamaginugut nya tabya na kahanda nu Allah, andu sekanin Allah i pad saligan nu mga bamaginugut.
يَٰٓأَيُّهَا ٱلَّذِينَ ءَامَنُوٓا۟ إِذَا قِيلَ لَكُمْ تَفَسَّحُوا۟ فِى ٱلْمَجَٰلِسِ فَٱفْسَحُوا۟ يَفْسَحِ ٱللَّهُ لَكُمْ ۖ وَإِذَا قِيلَ ٱنشُزُوا۟ فَٱنشُزُوا۟ يَرْفَعِ ٱللَّهُ ٱلَّذِينَ ءَامَنُوا۟ مِنكُمْ وَٱلَّذِينَ أُوتُوا۟ ٱلْعِلْمَ دَرَجَٰتٍۢ ۚ وَٱللَّهُ بِمَا تَعْمَلُونَ خَبِيرٌۭ ﴿١١﴾
Hee sekanu anan atagin a bamaginugut amayka pidtalu salakanu i kalagin nu su kab-pagagayan na kalagkan nu, su Allah na kalagan kanu nin sa katamanan, su Allah na kalagan kanu nin sa katamanan, amayka pidtalu i tindeg kanu na tindeg kanu, ka ipulu nu Allah sa bangakatan su mga bamaginugut andu su mga taw a aden ilmu nin, su Allah na katawan nin i langun na galabak nu.
يَٰٓأَيُّهَا ٱلَّذِينَ ءَامَنُوٓا۟ إِذَا نَٰجَيْتُمُ ٱلرَّسُولَ فَقَدِّمُوا۟ بَيْنَ يَدَىْ نَجْوَىٰكُمْ صَدَقَةًۭ ۚ ذَٰلِكَ خَيْرٌۭ لَّكُمْ وَأَطْهَرُ ۚ فَإِن لَّمْ تَجِدُوا۟ فَإِنَّ ٱللَّهَ غَفُورٌۭ رَّحِيمٌ ﴿١٢﴾
Hee sekanu anan atagin a bamaginugut amayka ipagadunga nu su rasul na anggay nu su kab-pagadunga nu sa sadaqah, ka antu ba i makagkapya salakanu andu makasutti salakanu, amayka dala pakanggay nu na su Allah i bangampun a malimu.
ءَأَشْفَقْتُمْ أَن تُقَدِّمُوا۟ بَيْنَ يَدَىْ نَجْوَىٰكُمْ صَدَقَٰتٍۢ ۚ فَإِذْ لَمْ تَفْعَلُوا۟ وَتَابَ ٱللَّهُ عَلَيْكُمْ فَأَقِيمُوا۟ ٱلصَّلَوٰةَ وَءَاتُوا۟ ٱلزَّكَوٰةَ وَأَطِيعُوا۟ ٱللَّهَ وَرَسُولَهُۥ ۚ وَٱللَّهُ خَبِيرٌۢ بِمَا تَعْمَلُونَ ﴿١٣﴾
Na amayka kalaganan kanu sabap kanu ka-miskinan na dala pakanggay nu a sadaqah na upama dili kanggalabak intu na dili kanu kalipungatan nu Allah, na itindag nu su sambayang andu inggay nu zakat nu, andu paginugunuti nu su Allah andu su sinugu nin, su Allah na katawan nin i panggalabakan nu.
۞ أَلَمْ تَرَ إِلَى ٱلَّذِينَ تَوَلَّوْا۟ قَوْمًا غَضِبَ ٱللَّهُ عَلَيْهِم مَّا هُم مِّنكُمْ وَلَا مِنْهُمْ وَيَحْلِفُونَ عَلَى ٱلْكَذِبِ وَهُمْ يَعْلَمُونَ ﴿١٤﴾
Ngentu dala nengka katawi (Muhammad) su mga taw a binaluy nilan a kaunutan su mga taw a nalipungatan nu Allah? Antu a mga taw na dikana kuyug salakanu na dikana bun kuyug sakanilan andu padsapa silan sa kalbutan, na katawan nilan bun i pandalbut silan.
أَعَدَّ ٱللَّهُ لَهُمْ عَذَابًۭا شَدِيدًا ۖ إِنَّهُمْ سَآءَ مَا كَانُوا۟ يَعْمَلُونَ ﴿١٥﴾
Inidtatalanga nu Allah sakanilan i siksa a mapasang, kagina nakasagad i kawag a panggalabakan nilan.
ٱتَّخَذُوٓا۟ أَيْمَٰنَهُمْ جُنَّةًۭ فَصَدُّوا۟ عَن سَبِيلِ ٱللَّهِ فَلَهُمْ عَذَابٌۭ مُّهِينٌۭ ﴿١٦﴾
Binaluy nilan su sapa nilan a kalbutan sa dalinding nilan sa lawas nilan andu su tamuk nilan,antu ba i dili kapambunu sakanilan, na aden mambu sakanilan i siksa a makapalusak sakanilan.
لَّن تُغْنِىَ عَنْهُمْ أَمْوَٰلُهُمْ وَلَآ أَوْلَٰدُهُم مِّنَ ٱللَّهِ شَيْـًٔا ۚ أُو۟لَٰٓئِكَ أَصْحَٰبُ ٱلنَّارِ ۖ هُمْ فِيهَا خَٰلِدُونَ ﴿١٧﴾
Dili makam-barapantag sakanilan su mga tamuk nilan, andu su mga wata nilan kanu siksa nu Allah sakanilan,antu ba a taw na naraka sa dala den sakanilan i makalyu pan silan.
يَوْمَ يَبْعَثُهُمُ ٱللَّهُ جَمِيعًۭا فَيَحْلِفُونَ لَهُۥ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَىْءٍ ۚ أَلَآ إِنَّهُمْ هُمُ ٱلْكَٰذِبُونَ ﴿١٨﴾
Su gay a pambwatan nu Allah silan,na idsapa pamun silan sa Allah sa mana su kinadsapa nilan salakanu sya sa dunya,ka nya nilan gatagu sa ginawa na aden bun tindeg nilan,na silan i mga taw a mga malbut.
ٱسْتَحْوَذَ عَلَيْهِمُ ٱلشَّيْطَٰنُ فَأَنسَىٰهُمْ ذِكْرَ ٱللَّهِ ۚ أُو۟لَٰٓئِكَ حِزْبُ ٱلشَّيْطَٰنِ ۚ أَلَآ إِنَّ حِزْبَ ٱلشَّيْطَٰنِ هُمُ ٱلْخَٰسِرُونَ ﴿١٩﴾
Pidtampatan silan na shaytan, na nalimpangan nilan su tadem sa Allah, na langun nu taw a makuyug sa shaytan an silan i nalugi.
إِنَّ ٱلَّذِينَ يُحَآدُّونَ ٱللَّهَ وَرَسُولَهُۥٓ أُو۟لَٰٓئِكَ فِى ٱلْأَذَلِّينَ ﴿٢٠﴾
Saben-sabenal su mga taw a butungan nilan su Allah andu su sinugu nin, antu ba i mga taw a nakalusak.
كَتَبَ ٱللَّهُ لَأَغْلِبَنَّ أَنَا۠ وَرُسُلِىٓ ۚ إِنَّ ٱللَّهَ قَوِىٌّ عَزِيزٌۭ ﴿٢١﴾
Inimasad nu Allah lu sa Lawl-Al mahfuz i saki (Allah) i tumalaw andu su mga sinugu ku,su Allah i mabagal a mapulu.
لَّا تَجِدُ قَوْمًۭا يُؤْمِنُونَ بِٱللَّهِ وَٱلْيَوْمِ ٱلْءَاخِرِ يُوَآدُّونَ مَنْ حَآدَّ ٱللَّهَ وَرَسُولَهُۥ وَلَوْ كَانُوٓا۟ ءَابَآءَهُمْ أَوْ أَبْنَآءَهُمْ أَوْ إِخْوَٰنَهُمْ أَوْ عَشِيرَتَهُمْ ۚ أُو۟لَٰٓئِكَ كَتَبَ فِى قُلُوبِهِمُ ٱلْإِيمَٰنَ وَأَيَّدَهُم بِرُوحٍۢ مِّنْهُ ۖ وَيُدْخِلُهُمْ جَنَّٰتٍۢ تَجْرِى مِن تَحْتِهَا ٱلْأَنْهَٰرُ خَٰلِدِينَ فِيهَا ۚ رَضِىَ ٱللَّهُ عَنْهُمْ وَرَضُوا۟ عَنْهُ ۚ أُو۟لَٰٓئِكَ حِزْبُ ٱللَّهِ ۚ أَلَآ إِنَّ حِزْبَ ٱللَّهِ هُمُ ٱلْمُفْلِحُونَ ﴿٢٢﴾
Dala maparuli nengka (Muhammad) a mga taw a bangimbanal sa Allah andu gay a mawli sa igkalimwa nin i taw a supak sa Allah andu su sinugu nin sa apya pa lukes nilan atawka mga wata nilan atawka suled nilan atawka mga pagali nilan, antu ba a mga taw na inisulat kanu mga pusung nilan sui man (pangimbanal) andu binagal nu Allah silan kanu bagal abpun salakanin, andu paludapan nin silan kanu mga surga pilagilay kanu kababan nin i mga ig a madakal i ambalangan nin sa dala den sakanilan i kalyu nilan sa surga, nasuwatan nu Allah silan sabap kanu kapya nilan na nasuwat mambu silan kanu balas a nakwa nilan, saben-sabenal su taw a lu dabpig sa Allah na maka-untung.
Share