سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Adh-Dhariyat ( The Wind that Scatter )

Surah Adh-Dhariyat ( The Wind that Scatter ) - Maguindanaon Aya count 60

وَٱلذَّٰرِيَٰتِ ذَرْوًۭا ﴿١﴾
Saki (Allah) idsapa ku su sambal a pambayug sa libubuk.
فَٱلْحَٰمِلَٰتِ وِقْرًۭا ﴿٢﴾
Andu su dadtam a bananggit sa ulan a mawgat.
فَٱلْجَٰرِيَٰتِ يُسْرًۭا ﴿٣﴾
Andu su mga kapal(barku) a malmu i kabpagisag nin sa lagat.
فَٱلْمُقَسِّمَٰتِ أَمْرًا ﴿٤﴾
Andu su mga malaa-ikat a pambad-bad kanu mga ridzki andu ulan.
إِنَّمَا تُوعَدُونَ لَصَادِقٌۭ ﴿٥﴾
Saben-sabenal su ipabpasad salakanu na banal.
وَإِنَّ ٱلدِّينَ لَوَٰقِعٌۭ ﴿٦﴾
Andu saben-sabenal sub alas a malat-mapya na mawma.
وَٱلسَّمَآءِ ذَاتِ ٱلْحُبُكِ ﴿٧﴾
Andu su langit na aden lalan nin.
إِنَّكُمْ لَفِى قَوْلٍۢ مُّخْتَلِفٍۢ ﴿٨﴾
Saben-sabenal sekanu na mimbida-bida i kanilan, kadtalu nin, galabak nin.
يُؤْفَكُ عَنْهُ مَنْ أُفِكَ ﴿٩﴾
Sumibay den (kanu nabi) ipadsibay.
قُتِلَ ٱلْخَرَّٰصُونَ ﴿١٠﴾
Namulkan su mga budtudan.
ٱلَّذِينَ هُمْ فِى غَمْرَةٍۢ سَاهُونَ ﴿١١﴾
Silan antu a mga taw a napanu na di kataw.
يَسْـَٔلُونَ أَيَّانَ يَوْمُ ٱلدِّينِ ﴿١٢﴾
Nya nilan idsa na kanu i kawma na gay a mawli?
يَوْمَ هُمْ عَلَى ٱلنَّارِ يُفْتَنُونَ ﴿١٣﴾
Gay a mapagyaw silan sa naraka.
ذُوقُوا۟ فِتْنَتَكُمْ هَٰذَا ٱلَّذِى كُنتُم بِهِۦ تَسْتَعْجِلُونَ ﴿١٤﴾
(adtalun sakanilan) i nanami nu su siksa nu, a namba su padtagadan nu lu sa dunya.
إِنَّ ٱلْمُتَّقِينَ فِى جَنَّٰتٍۢ وَعُيُونٍ ﴿١٥﴾
Saben-sabenal su taw a magilak, na lu silan sa surge andu mga buwal.
ءَاخِذِينَ مَآ ءَاتَىٰهُمْ رَبُّهُمْ ۚ إِنَّهُمْ كَانُوا۟ قَبْلَ ذَٰلِكَ مُحْسِنِينَ ﴿١٦﴾
Pagkwan nilan su ibaganggay nu kadnan sakanilan, kagina silan lusa dunya na mga mapya silan.
كَانُوا۟ قَلِيلًۭا مِّنَ ٱلَّيْلِ مَا يَهْجَعُونَ ﴿١٧﴾
Paydu bu kanu magabi i padtulugan nilan.
وَبِٱلْأَسْحَارِ هُمْ يَسْتَغْفِرُونَ ﴿١٨﴾
Andu magan mapita na pag-istighfar silan.
وَفِىٓ أَمْوَٰلِهِمْ حَقٌّۭ لِّلسَّآئِلِ وَٱلْمَحْرُومِ ﴿١٩﴾
Andu ipagawa nilan su haqq nu tamuk nilan, ibaginggay nilan kanu bangani andu su dala. (miskinan).
وَفِى ٱلْأَرْضِ ءَايَٰتٌۭ لِّلْمُوقِنِينَ ﴿٢٠﴾
Andu natagu sa lupa i mga tanda nu Allah kanu mga taw a dili gapinda kanu atay nilan i gay a mawli.
وَفِىٓ أَنفُسِكُمْ ۚ أَفَلَا تُبْصِرُونَ ﴿٢١﴾
Andu san kanu ginawa nu natanda bun, ugayd na dili nu gaylay.
وَفِى ٱلسَّمَآءِ رِزْقُكُمْ وَمَا تُوعَدُونَ ﴿٢٢﴾
Andu san sa langit i ridzki nu, andu inibpasad salakanu.
فَوَرَبِّ ٱلسَّمَآءِ وَٱلْأَرْضِ إِنَّهُۥ لَحَقٌّۭ مِّثْلَ مَآ أَنَّكُمْ تَنطِقُونَ ﴿٢٣﴾
Ibat kanu mga langit andu lupa na banal i ridzki na dili gapitas nu taw, sa mana bun su kadtalu nin.
هَلْ أَتَىٰكَ حَدِيثُ ضَيْفِ إِبْرَٰهِيمَ ٱلْمُكْرَمِينَ ﴿٢٤﴾
Ngintu nakawma selaka su bityala kanu anan bisita nu Ebrahim a mga mapulu?
إِذْ دَخَلُوا۟ عَلَيْهِ فَقَالُوا۟ سَلَٰمًۭا ۖ قَالَ سَلَٰمٌۭ قَوْمٌۭ مُّنكَرُونَ ﴿٢٥﴾
Kutika a kinaludap nilan na nya nilan pidtalu na kalilintad, nya pidtalu nu (Ebrahim) sa kalilintad bun sa mga taw a dili ku katawan.
فَرَاغَ إِلَىٰٓ أَهْلِهِۦ فَجَآءَ بِعِجْلٍۢ سَمِينٍۢ ﴿٢٦﴾
Linu mu kani kaluma nin, nakapananggit sa sapu na sapi a pinagyaw.
فَقَرَّبَهُۥٓ إِلَيْهِمْ قَالَ أَلَا تَأْكُلُونَ ﴿٢٧﴾
Inibatad sakanilan, pidtalu nin (Ebrahim) i kang kanu.
فَأَوْجَسَ مِنْهُمْ خِيفَةًۭ ۖ قَالُوا۟ لَا تَخَفْ ۖ وَبَشَّرُوهُ بِغُلَٰمٍ عَلِيمٍۢ ﴿٢٨﴾
Minggada-gada si (Ebrahim) kagina dili pagkan su mga bisita ni , pidtalu nila i daka kagilak ka aden mambata nu a wata agkataw.
فَأَقْبَلَتِ ٱمْرَأَتُهُۥ فِى صَرَّةٍۢ فَصَكَّتْ وَجْهَهَا وَقَالَتْ عَجُوزٌ عَقِيمٌۭ ﴿٢٩﴾
Na nakasangul su kaluma nin sa nakatakik, nabatay nin i biyas nin andu nadtalu nin i matuwa aku den.
قَالُوا۟ كَذَٰلِكِ قَالَ رَبُّكِ ۖ إِنَّهُۥ هُوَ ٱلْحَكِيمُ ٱلْعَلِيمُ ﴿٣٠﴾
Nya pidtalu nu (malaa-ikat) man denba matuwa kaden, ugayd na pidtalu nu kadnan nengka, ka sekanin i mapandadayta a mataw.
۞ قَالَ فَمَا خَطْبُكُمْ أَيُّهَا ٱلْمُرْسَلُونَ ﴿٣١﴾
Pidtalu nu (Ebrahim) na ngin i kahanda nu a mga sinugu?
قَالُوٓا۟ إِنَّآ أُرْسِلْنَآ إِلَىٰ قَوْمٍۢ مُّجْرِمِينَ ﴿٣٢﴾
Nya nilan pidtalu na, sinugu kami lu sa mga taw anan a mga darwaka.
لِنُرْسِلَ عَلَيْهِمْ حِجَارَةًۭ مِّن طِينٍۢ ﴿٣٣﴾
Pabpapagulanan nami silan sa watu a pinagyaw sa apuy.
مُّسَوَّمَةً عِندَ رَبِّكَ لِلْمُسْرِفِينَ ﴿٣٤﴾
Aden ngala nu uman i gasugat nin abpun kanu kadnan nengka a mga taw a dupang.
فَأَخْرَجْنَا مَن كَانَ فِيهَا مِنَ ٱلْمُؤْمِنِينَ ﴿٣٥﴾
Pinalyu nami kanu dalpa su langun na bamaginugut.
فَمَا وَجَدْنَا فِيهَا غَيْرَ بَيْتٍۢ مِّنَ ٱلْمُسْلِمِينَ ﴿٣٦﴾
Dala nasama kanu dalpa a salakaw kanu walay nu mga muslim.
وَتَرَكْنَا فِيهَآ ءَايَةًۭ لِّلَّذِينَ يَخَافُونَ ٱلْعَذَابَ ٱلْأَلِيمَ ﴿٣٧﴾
Andu inisama nami i tanda nu kinabinasa nu mga taw nin kanu mga taw a kagilakan kan siksa a malipadas.
وَفِى مُوسَىٰٓ إِذْ أَرْسَلْنَٰهُ إِلَىٰ فِرْعَوْنَ بِسُلْطَٰنٍۢ مُّبِينٍۢ ﴿٣٨﴾
Andu su Musa su kinawma nin kani fir’awn sa nakapananggit sa tanda a mapayag.
فَتَوَلَّىٰ بِرُكْنِهِۦ وَقَالَ سَٰحِرٌ أَوْ مَجْنُونٌۭ ﴿٣٩﴾
Dala talima (su fir’awn) kagina aden padsaligan nin a bagal nin, andu pidtalu nin kanu musa sa sihit atawka buneg.
فَأَخَذْنَٰهُ وَجُنُودَهُۥ فَنَبَذْنَٰهُمْ فِى ٱلْيَمِّ وَهُوَ مُلِيمٌۭ ﴿٤٠﴾
Bininasa nami su (Fir’awn) andu su mga tagapada nin. Pinangalad nami (kanu lagat) ka dili mataw dawayan.
وَفِى عَادٍ إِذْ أَرْسَلْنَا عَلَيْهِمُ ٱلرِّيحَ ٱلْعَقِيمَ ﴿٤١﴾
Andu su Aa’d na inipasugat nami silan sa palanan a sambal a mabagal.
مَا تَذَرُ مِن شَىْءٍ أَتَتْ عَلَيْهِ إِلَّا جَعَلَتْهُ كَٱلرَّمِيمِ ﴿٤٢﴾
Dala gasugat antu a sambal kanu langun na anggagaisa a dikana nagunsyal.
وَفِى ثَمُودَ إِذْ قِيلَ لَهُمْ تَمَتَّعُوا۟ حَتَّىٰ حِينٍۢ ﴿٤٣﴾
Andu su thamud, pidtalu sakanilan i pamakut kanu s ataman dikanu matay.
فَعَتَوْا۟ عَنْ أَمْرِ رَبِّهِمْ فَأَخَذَتْهُمُ ٱلصَّٰعِقَةُ وَهُمْ يَنظُرُونَ ﴿٤٤﴾
Sinangka nilan su kadnan nilan, na sinayab na kilat silan sa natakaw sa gaylay nilan bun.
فَمَا ٱسْتَطَٰعُوا۟ مِن قِيَامٍۢ وَمَا كَانُوا۟ مُنتَصِرِينَ ﴿٤٥﴾
Na dala pakagaga sakanilan tumindag andu makadtabang.
وَقَوْمَ نُوحٍۢ مِّن قَبْلُ ۖ إِنَّهُمْ كَانُوا۟ قَوْمًۭا فَٰسِقِينَ ﴿٤٦﴾
Andu su taw nu Nuh a nawna, nasugat a kadalam, ka mga faasiq silan.
وَٱلسَّمَآءَ بَنَيْنَٰهَا بِأَيْي۟دٍۢ وَإِنَّا لَمُوسِعُونَ ﴿٤٧﴾
Andu pimbalay nami su langit sa bagal, magaga nami mapagkawlad.
وَٱلْأَرْضَ فَرَشْنَٰهَا فَنِعْمَ ٱلْمَٰهِدُونَ ﴿٤٨﴾
Andu binalat nami su lupa, na mapya gayd i kinadatal nin.
وَمِن كُلِّ شَىْءٍ خَلَقْنَا زَوْجَيْنِ لَعَلَّكُمْ تَذَكَّرُونَ ﴿٤٩﴾
Andu binaluy nami i langun anggaga-isa sa dwa ka biyas, ka andu malmu lamu i kadsukur nu.
فَفِرُّوٓا۟ إِلَى ٱللَّهِ ۖ إِنِّى لَكُم مِّنْهُ نَذِيرٌۭ مُّبِينٌۭ ﴿٥٠﴾
Idsangul nu su balas nu Allah, ka saki ipagkagilak na mapayag salakanu i kappa-pagkagilak.
وَلَا تَجْعَلُوا۟ مَعَ ٱللَّهِ إِلَٰهًا ءَاخَرَ ۖ إِنِّى لَكُم مِّنْهُ نَذِيرٌۭ مُّبِينٌۭ ﴿٥١﴾
51 . Andu dala kanu bangumbal sa kadnan a kapad, ka saki na mapayag salakanu i kapagkagilak.
كَذَٰلِكَ مَآ أَتَى ٱلَّذِينَ مِن قَبْلِهِم مِّن رَّسُولٍ إِلَّا قَالُوا۟ سَاحِرٌ أَوْ مَجْنُونٌ ﴿٥٢﴾
Saka maytu bun su mga taw a nangawna, a dala nakawma sakanilan a sinugu a dikana nya nilan kadtalu na sihir atawka buneg.
أَتَوَاصَوْا۟ بِهِۦ ۚ بَلْ هُمْ قَوْمٌۭ طَاغُونَ ﴿٥٣﴾
Mana den inidtutuma na isa sa ped nin (bityala a maladsik) ugayd na silan a mga taw na darwaka.
فَتَوَلَّ عَنْهُمْ فَمَآ أَنتَ بِمَلُومٍۢ ﴿٥٤﴾
Pasagadi ka silan (Muhammad) ka dika bun matila u dili silan baginugut.
وَذَكِّرْ فَإِنَّ ٱلذِّكْرَىٰ تَنفَعُ ٱلْمُؤْمِنِينَ ﴿٥٥﴾
Andu pangindaw ka, ka su indawan na makam-barapantag kanu mga bamaginugut.
وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُونِ ﴿٥٦﴾
Andu dala kinabaluy nu (Allah) sa jina andu manusya nya tabya na kasimba sa Allah.
مَآ أُرِيدُ مِنْهُم مِّن رِّزْقٍۢ وَمَآ أُرِيدُ أَن يُطْعِمُونِ ﴿٥٧﴾
Andu dili aku pagkwa sa ridzki sakanilan, andu dikana aku nilan pakanan.
إِنَّ ٱللَّهَ هُوَ ٱلرَّزَّاقُ ذُو ٱلْقُوَّةِ ٱلْمَتِينُ ﴿٥٨﴾
Saben-sabenal su Allah na sekanin iparidzki tigwan sa bagal.
فَإِنَّ لِلَّذِينَ ظَلَمُوا۟ ذَنُوبًۭا مِّثْلَ ذَنُوبِ أَصْحَٰبِهِمْ فَلَا يَسْتَعْجِلُونِ ﴿٥٩﴾
Andu aden kanu mga dupang i umun nilan a kanaraka, a mana bun umun nu mga tagapada nilan, na dili den silan mamagayas (kanu siksa, ka mawma nilan bun).
فَوَيْلٌۭ لِّلَّذِينَ كَفَرُوا۟ مِن يَوْمِهِمُ ٱلَّذِى يُوعَدُونَ ﴿٦٠﴾
Su bogan sa naraka i kanu mga kafeer, kanu gay nilan a pad-tagadan nilan sa lu pan silan sa dunya.
Share