Dala kinabaluy nami kanu mga langit andu lupa andu su pagalatan nin, nya tabya na bantang,andu mawa bun, andu su mga kafeer kanu inipakagilak sakanilan na pimbalawagan nilan
Adtalu ka (Muhammad) adtalu nu su ped, simban nu a salakaw sa Allah u ngin i nabaluy nin sya sa lupa,atawka ngintu aden nakadtabang kanu Allah lusa langit, i sya nu i kitab a nawna pan (sa Qur’an) atawka basi aden pan nasama kanu kataw a nawna amayka banal i kadtalu nu.
Andu dala den muna i katading nin kanu taw a padsimba sa salakaw sa Allah,sa dala bun katalima nin kanu bangani nin taman sa gay a mawli,namba padsimban nilan na dala bun labut nin.
Atawka adtalun nilan i,inidtabu nu (Muhammad) adtalu ka sakanilan, amayka inidtabu kun a dili aku nu magaga mangon sa naraka, su Allah i mataw kanu padtalun nu (sa Qur’an) nasasangan den a saksi tanu su kadtalu nu, sekanin (Allah) bangampun a malimu.
Adtalu ka sakanilan i dikana aku nakadtabu kanu mga sinugu,andu dili kubun katawan u ngin i pakaydan nu kadnan salaki andu sekanu, ka dala bugunutan ku a lyu sa ipa-wahi salaki, andu dala salaki nya tabya papagkagilakan ku sekanu sa mapayag.
Adtalu nu salaki upama ka nakabpun bun sa Allah na sinangkan nu, na aden bun mid-saksi kanu tupu nu Israel sa banal (i Qur’an) taman sa nangimbanal sekanin,na sekanu na mimamasla kanu, su Allah na dinin tutulun su mga talimbutan.
Andu pidtalu pan nu mga kafeer kanu mga bamaginugut, amayka mapya inan na dili tanu nilan kawnanan sa mapya,na kagina ka dala silan matutulu na nya nilan manem kadtalu na namba na kalbutan a dandan.
Andu nawna pan su kitab nu Musa u bagunutan andu limu, andu nya manemba a kitab (Qur’an) na nagayun bun silan a basa arab,ka andu maka-panggigilak kanu mga dupang, andu makapya kanu mga mapya.
1 Saben-sabenal su mga taw a nya nilan pigkadnan su Allah, mawli na midtidtu silan na dala gilak nilan s aka-naraka andu dala kanilan i malidu i ginawa nilan kanu katagak nilan.
Andu inibpalyugat nami kanu manusya i kapya-pya nin kanu dwa a mimbata salakanin si ina nin a napasangan sa kagingay lun,kinambata lun na napasangan bun, andu talu pulu ulan antu pan a mamitas, taman sa amayka mabagal den sa nakagos den sa pat pulu lagun na yanin adtalun, kadnan ku ilhami aku sa kad-sukur ku salaka sabap kanu limu nengka salaki andu su dwa a lukas ku andu manggalabak ku i mapya a kasuwatan nengka andu makagkapya salaki su muli a taw ku, ka midtawbat aku selaka, andu saki na kuyug aku kanu mga muslim.
Silan a mga taw i taliman nami silan,su mapya a galbak nilan,andu pasagadan nami su kawagan nilan, lu silan sa surga, ituman nu kadnan sakanilan su pasad nin kanu nganin a pagkahandan nilan a bagapasan nilan.
Andu su taw a pidtalu nin kanu dwa a lukas nin i mawag kanu gayd,padtyag kana kanu sa makalyu aku, na madakal den i namamatay na dala bun silan makalyu inunta na bangani bun (sa Allah) sa dwa a lukas nin,nabinasa ka den(a wata) su pasad nu Allah na banal,silan na nya nilan kadtalu na namba (Qur’an) na sulat a nawna.
Andu su gay a panarakan den su mga kafeer, adtalun sakanilan i dala pinatagan nu kanu mga mapya nu lu sa dunya, andu migkalilini kanu bu, na saguna a gay a balasan kanu sa siksa a mapalusak salakanu,sabap kanu kinamamasla nu lusa dunya sa dala kawagib nin,andu sabap kanu kinafaasiq nu.
Labit ka (Muhammad) su suled ni Aa’d a pinanggagilak nin su taw nin kanu bogan, a madakal den i nawna a nalabit a makagilak, magidsan sangulan-taligkudan, sa dala kanu sumimba nya tabya su Allah (pidtalu nin) saki na kagilakan aku salkanu kanu siksa a masla.
Guna nilan maylay i malibutang sa lu padsangul kanu bogan nilan,nya nilan kadtalu na nan su dadtam a pabpagulan salakitanu,dikana ka namba i siksa a padtagadan nu a sambal sa nya nin dalam na siksa a masakit.
Pambinasan nin i langun a gasugat nin sa kahanda nu kadnan nin,na nabaluy silan a dala den maylay sakanilan,a salakaw pan kanu mga walay a mga darwaka.
Andu saben-sabenal a inanggan nami silan sa muna pan salakanu (a Quraish) andu inanggan nami silan sa kakinag andu kaylay andu pusung, na dala natagan nin sakanilan su kakinag, kaylay, andu su pusung sa apya paydu, kagina silan na padsangkan nilan su mga ayatan nami,andu nakatumpalak sakanilan su siksa a bagumpakan nilan.
Namba ka pidtabangan bu silan u kadnan nilan a salakaw sa Allah (kayu-wata) ugayd na nakadtadingay silan,ka antu bas u kalbutan nilan a ipadtabu nilan sa ginawa nilan.
Aden isa a gay a pinatalabuk nami salaka (Muhammad) i jin a makakinag sa Qur’an,guna silan makawma na nya nilan pidtalu na tana kanu,guna makapasad na ginumanat silan. Lu silan mibpawang kanu kadakal nilan,sa banganggat silan (sa agama islam).
Pidtalu nilan i sekanu a mga pagali nami aden nakinag nami a kitab a nakatulun sa ulyan nu Musa a nagayun kanu kitab nin (musa) sa padtutulu sa bantang, andu ipad-tutulu nin i lalan a matidtu.
Sekanu a mga tagapada nami, taliman nu su sinugu nu Allah andu pangimbanal nu, ka ampunan nin su pad kanu kadusan nu, andu lapasan kanu nin kanu siksa a malipadas a masakit.
Andu su taw a dinin taliman su anggatan nu nabi na dala salakanin i makalyu sa dalapa (siksa sya sa lupa) andu dala den salkanin i kasaligan nin, andu namba i mga taw a natadin sa mapayag.
Ngintu dala nilan maylay su Allah i minaluy kanu mga langit andu su lupa, na dala malugat sa kinabaluy nin lun, na magaga nin sa mawyag su minatay, sekanin (Allah) na kagaga nin i langun na anggaga-isa.
Su gay a iludap su mga kafeer lusa naraka, na adtalu nu mga malaa-ikat, i dikana nya ba i banal? Nya nilan madtalu na banal,kadnan nami (saguna) na nanami nu su siksa,sabap sa kinag kafeer nu (lu sa dunya)
35 . Adsabar ka (Muhammad) ka midsabar bun su mga sinugu a nawna salaka, na dika padtagadi silan, ka su gay a maylay nilan su inibpasad kanilan na nya nilan ma antap na nangan bu silan sa dunya (su Qur’an) na ipadsampay nengka bu, na dala mabinasa a salakaw kanu mga faasiq.
