Surah Sad ( The Letter Sad )

1 . Saad, su Allah i mataw kanu ma’ana nin. Saki (Allah) idsapa ku su qur’an sa napayag lun i langun taman.

Dimusyambu i mga kafeer na kabpapulu bu andu kapagukag (kanu mga nabi).

Madakal den i bininasa nami a nawna pan sakanilan a mga taw sa nakapananawag silan kanu kinawma na tyuba sakanilan sa dala den waktu a kapalaguy.

Andu nagayp silan sa nakawma sakanilan i sinugu a bansa nilan bun, andu pidtalu nu mga kafeer na pasisihir a kalbutan.

Ngentu ka pambaluwin nin su mga kadnan sa isa bu ka su Allah bu, na saben-sabenal sa galbak ni (Muhammad) na isa kanu di matalima.

Andu ginumanat su kadakal nilan sa pidtalu nilan ,i lu kanu den andu sabra kanu sa kanu kadnan nu, ka pidtalu nu (Muhammad) na isa kanu di matalima.

Ka dala tanu making inan kanu kaped a agama, na dala bun inan ya tabya na ipandalbutan bu.

Ngentu nakatulun i Qur’an salkanin na dikana sekanin i masla a taw? Dimusyambu i pandwa-dwa silan kagina dala nilan pan kananami su siksa ku (Allah) sakanilan.

Atawka ngentu lu kanilan su gunsi nu limu nu kadnan nengka a sekanin (Allah) i mapulu a banganyan.

Atawka kanilan a gamilikan su mga langit andu su lupa andu su pagaltan nin na mamusug silan sa panikan.

Sundalu a malubay, na makadagadsa kanu lumpukan nilan.

Napandalbut bun su nawna sakanilan su taw nu Nuh andu su a’din andu su fi’awn na aden buladtak nin (kayu a ipambadas).

Andu su thamud, andu su taw nu lut andu su mga tagapada nu aikah (mga taw sa madiyan) silan na midtatagapada.

Dala kanu uman-isa a dikana napandalbut sa sinugu, na wajib su siksa (sakanilan).

Andu dala kapagangapan nilan a salakaw kanu kayup a makaisa, kanu kabangkit sa dunya sa dala kadsunudan nun.

Andu pidtalu nilan i, kadnan nami i sya nengka den salakami su kitab a sinulatan sa galbak nami sa dipan gawma i gay a mawli.

Adsabar ka (Muhammad) kanu kadtalu nilan, nya ka tadami su ulipan nami a si Daud ka sekanin na mabagal i samba nin, ka nya nin bu galbak na kaswatan nu Allah.

Saben-sabenal pinandayan nami salakanin su mga palaw, a bagamung padtasbih salkanin sa magabi-malamag.

Andu su papanuk a pambubulig sa bagamung (kanu daud) uman-isa na bangani sa kaswatan (Allah).

Andu binagal nami su kadatu nin,andu inanggan nami sakanin s aka-nabi andu kapya na kadatu.

Andu nakowma selka (Muhammad) su tudtulan kanu dwa kataw a dili bagayun sa linudapan nilan (Daud) kanu padsambayangan nin sa makagayp.

Kinaludap nilan kanu Daud na natakawan sa kanilan, nya nilan pidtalu na daka kagilak ka dili kami bagayun, pandupangan na isa su kaped nin, na kukum kami sa bantang andu daka lumamig, andu tutulu kami sa bantang a lalan.

Saben-sabenal a nani suled ku anan na aden unta nin a syaw-pulu andu syaw, na aden laki a sawalu, (pidtalu nin) ipatuganul nengka salaki i leka anan, na dala aku makagaga sa kadtalu, na kwa nin su laki a sawalu bu.

Tig nu daud, saben-sabenal a dinupang ka na kaped nengka anan sa kinwa nin su leka a sawalu, ka namba i kadakalan sa padtumpuk na dupangan nin su ped nin, nya tabya su mga bamaginugut andu minggalabak sa mga mapya, na paydu bu i maytu ba (tinid-twanan)andu natawan nu Daud i binatalu sekanin, na nangani sa ampun sa Allah andu linundangan nin i karuku-kasujud andu midtawbat.

Na inampun nami salakanin, andu makasupag pan salakmi andu mapya pan lawliyan nin.

Hee seka daud, binaluy nami seka a khalifa sya sa lupa na kukum ka su mga taw sa bantang,andu dika baginugunuti i hawa-nafsu nengka, ka taadingan ka nin sa lalan sa Allah, ka su mga taw a gatadin kanu agama nu Allah na kanilan i siksa a mapasang, kagina nalimpangan nilan i gay a mawli.

Andu dikana nami binaluy su mga langit andu su lupa andu su pagaltan nin sa batil, antu ba i antapan nu mga kafeer, na su bawgan sa naraka na kanu kafeer a pagkalaw-kalaw.

Atawka binaluy nami su mga bamaginugut a minggalabak sa mga mapya sa mana su mga taw a pakabinasa kanu dalpa, atawka baluyan nami su mga taw a magilak sa Allah sa mana su mga darwaka.

Kitab a initulun nami salkanin (Muhammad) a barakat, ka andu nilan mapanuliman su mga ayat nin, andu ma-indaw su mga taw a aden akal nin.

Andu ininggay nami kani Daud si sulayman a ngin den a kapya na ulipan, ka matagal a banal sumangul sa kadnan nin.

Su kutika na inaadu salakanin sa ulyan na duhur i mga kuda a mga mapya gayd a pagkudan.

Pidtalu ni (Sulayman) i namba i namba kalinyan ku sabap sa jihad sa Allah,taman sa dala makadsambayang sa asar taman sa sinumadap su sanang.

(Tig nu Sulayman) imbalingan nu salaki su kuda, ka tinabpadan su lisan andu lig ni (kuda, sabap sa nasimpang sa samba sa Allah).

Andu saaben-sabenal a binatalu nami su sulayman sa aden initapes nami kanu bagagayananan a lawas (a shaytan), mawli na midtawbat(su sulayman).

Pidtalu nin (Sulayman) kadnan ku ampun ka salaki andu anggayi aku sa kadatu a dili dayt u mawli salaki, ka seka (Allah) i kadnan a bangenggay.

Na pinandayan nami salakanin su sambal a balalaguy sa kyug nin, sa mananaw sa apya andaw i kyug nin.

Andu su mga shaytan i pimbalay andu su kaped na ped-sanab sa lagat.

Andu su kaped na pinamawik sya sa lantay-lantay.

(Pidtalu nu Allah kanu sulayman) nambay inenggay nami,nanggay ka su pagkyugan nengka atawka dika minggay na dibun idsa selaka.

Andu aden lakanin sya salakami a kapyanan a kawliyan nin.

Andu labit ka (Muhammad) su ulipan nami si ayub, a tinawag nin su kadnan nin sa , saki na nasugat aku na nshaytan sa makagkayd andu siksa.

(Pidtalu nu Allah salakanin) ibagkway nengka su ay nengka, ka anan i pab-paigwan a matanggaw andu baginuman.

Andu ininggay nami su kaluma nin andu su mga wata nin a limu abpun salkami, andu indawan kanu aden akkal nin.

Andu kwa ka su sakumpungan ka ibatay nengka kanu kaluma nengka,andu dika kasapalan kagina masabar (Ayub) ngen den i kapya nin a ulipan, ka sekanin na dili gapinda sa kalumping nin sa kadnan nin.

Andu labit ka su ulipan nami a, su Ebrahim andu su Ishaq andu su Yacub a mabagal i samba nilan andu matindaw i kaylay nilan.

Sekami na pinapa-ikhlas nami silan sa tadam sa gay a mawli.

Andu silan na kuyug silan kanu mga pinamili a mga mapya.

Andu labit ka su Ismael andu su Al-yasa andu su jul-fik’l, andu uman isa sakanilan na abpun sa mapya.

Namba i tadaman a mapya,andu saben-sabenal su magilak sa Allah na mapya i kadsunudan nin.

Surga a tatap, inukan sakanilan i mga pintwan nin.

Padsandang silan, andu apya ngen i kyugan nilan a mga unga na kayu na madakal andu baginuman na aden sakanilan.

Andu aden pan mga kaluma nilan a mga laga, a kaluma nin bu i kyugan nin.

Namba su padsinganin nu sya sa gay a mawli.

Saben-sabenal a namba ridzki nami na dla kadtamanan nin.

Nmab i kanu bamaginugut, andu saben-sabenal su mga darwaka na kanilan i sangat i kawag nin a kadtamanan.

Su narakka jahannam i kaludapan nilan, nan gin den i kawag nin a kadtakanan.

Namba i kanilan, na nanami nu pan i mayaw andu mga danaw a madu gayd.

Andu aden pan kapad siksa a mimbyas-byas.

Nanden su tumpuk a kaped nu baludep (tig nu kaunutan nilan) dala kapya nu mga taw a minunut salakmi, makaludap tanan sa naraka.

Madtalu nu namangunut sekanu i dala kapya nin, ka sekanu ba i namagkafeer salkmi, nan gin den i kawag nin i kambatadan tanu.

Nya nilan madtalu na, kadnan nami takap ka su siksa kanu nasabapan a kinaludap nami sa naraka.

Andu madtalu nilan i ngin nya ka dili nami maylay su mga mama a inibilang nami sa mawag a mga taw,(antu bas u mga bamaginugut).

Bagungatan nami bu lu sa dunya, ngentu naawa sakanilan su kaylay ka dili nilan gaylay.

Saben-sabenal na namba na dili abpalis na manggula i kapamagukag nu mga taw sa naraka.

Adtalu ka (Muhammad) sakanilan i saki na papagkagilkan ku sekanu (sa naraka) andu dala kadnan a wajib a simban nya tabya su Allah a pakapagas.

A kadnan nu mga langit andu lupa andu su pagaltan nin a mapulu a bangampun.

Adtalu ka sakanilan (su Qur’an) na masla a bandingan.

Na sekanu na pambalawagan nu su Qur’an.

Na dala salaki i kasabutan ku i kapabpalawan nilan. (Malaa-ikat).

Dla ipawahi salaki nya tabya na, saben-sabenal a saki na mingingg-gilak aku sa mapayag.

(labit ka) su kutika a kinadtalu nu kadnan nengka kanu mga malaa-ikat, sa saben-sabenal a saki (Allah) na bamaluy aku sa manusya abpun sa lupa.

Na amayka napasad ku, andu na yupan ku den sa nyawa na ambaba kanu selkanin a sujud.

Na sinumujud su malaa-ikat sa langun nilan.

Nya tabya na su iblis ka namamasla, na nakuyug kanu mga kafeer.

Pidtalo nu Allah, hey iblis ngen e nakaongen salka sa kasujug nenka kano binaluy ku kano lima ko mimamasla ka atawka na aden ka kano namebpapulo?.

Pidtalu nu iblis, saki pan i mapya salknin, ka nya ku asal na apuy, si adam na binaluy sa lupa.

Tig nu Allah, lyu ka sa surga, ka seka na parajaman ka.

Andu saben-sabenal a nangat salka su mulka ku taman sa gay a mawli.

Pidtalu nu iblis, kadnan ku pakalandu ka i ummur ku taman sa kagubal sa dunya.

Tig nu Allah, kuyug ka kanu malandu i umor nin.

Taman bu kanu waktu a mapayag.

Pidtalu nu iblis, sabap kanu kapulu nengka na tadingan ku silan tanan.

Nya tabya na su ulipan nengka a mga ikhlas.

Tig nu Allah, su bantang na adtalun ku su bantang.

Panun ku su naraka jahannam selaka andu su langun nu minunut salaka sa langun nilan.

Adtalu ka (Muhammad) sakanilan i dikana aku pagkwa salakanu sa sukay, andu dikana aku panggadtab salaki bu a kadtalu.

Saben-sabenal a dala kanu Qur’an nya tabya na indawan kanu taw nu dunya.

Andu dili abpalis na katawan nu bu su kabanalu tudtulan sa dili mawgat.