Surah Al-Ahzab ( The Combined Forces )

Surah Al-Ahzab ( The Combined Forces ) - Maguindanaon Aya count 73

يَٰٓأَيُّهَا ٱلنَّبِىُّ ٱتَّقِ ٱللَّهَ وَلَا تُطِعِ ٱلْكَٰفِرِينَ وَٱلْمُنَٰفِقِينَ ۗ إِنَّ ٱللَّهَ كَانَ عَلِيمًا حَكِيمًۭا ﴿١﴾

Seka a nabi (Muhammad) ikagilek nengka su Allah, andu dika bagunuti su mga kafeer andu su mga munafiq, su Allah na mataw sa mapayag a masulen.

وَٱتَّبِعْ مَا يُوحَىٰٓ إِلَيْكَ مِن رَّبِّكَ ۚ إِنَّ ٱللَّهَ كَانَ بِمَا تَعْمَلُونَ خَبِيرًۭا ﴿٢﴾

Andu nya ka unuti su wahi selka abpun sa kadnan nengka, su Allah na katawan nin i langun a galbek nu.

وَتَوَكَّلْ عَلَى ٱللَّهِ ۚ وَكَفَىٰ بِٱللَّهِ وَكِيلًۭا ﴿٣﴾

Salig ka sa Allah ka mapya gayd a padsaligan.

مَّا جَعَلَ ٱللَّهُ لِرَجُلٍۢ مِّن قَلْبَيْنِ فِى جَوْفِهِۦ ۚ وَمَا جَعَلَ أَزْوَٰجَكُمُ ٱلَّٰٓـِٔى تُظَٰهِرُونَ مِنْهُنَّ أُمَّهَٰتِكُمْ ۚ وَمَا جَعَلَ أَدْعِيَآءَكُمْ أَبْنَآءَكُمْ ۚ ذَٰلِكُمْ قَوْلُكُم بِأَفْوَٰهِكُمْ ۖ وَٱللَّهُ يَقُولُ ٱلْحَقَّ وَهُوَ يَهْدِى ٱلسَّبِيلَ ﴿٤﴾

Dala baluya nu Allah sa isa kataw a mama i dwa-timan i atay nin sya sa dalem na pusung andu dala baluya nu Allah su mga kaluma nu a ibpalagid nu kani ina nu sa banel a ina nu, andu su pambabatan nu na (apya ngen) na dikna nu bun wata, ka antu na kadtalu nu bus a ngali nu, su Allah na adtalu sa haqq, andu padtutulu sa lalan a matidtu.

ٱدْعُوهُمْ لِءَابَآئِهِمْ هُوَ أَقْسَطُ عِندَ ٱللَّهِ ۚ فَإِن لَّمْ تَعْلَمُوٓا۟ ءَابَآءَهُمْ فَإِخْوَٰنُكُمْ فِى ٱلدِّينِ وَمَوَٰلِيكُمْ ۚ وَلَيْسَ عَلَيْكُمْ جُنَاحٌۭ فِيمَآ أَخْطَأْتُم بِهِۦ وَلَٰكِن مَّا تَعَمَّدَتْ قُلُوبُكُمْ ۚ وَكَانَ ٱللَّهُ غَفُورًۭا رَّحِيمًا ﴿٥﴾

Tawag nu silan sa Ama nilan (ipapagapilidu bun si ama nin) ka antu ba i bamantang sa Allah, o di nu katawan i ama nilan na pagali nu bun silan sa agama andu mga pakiwatan nu bun silan, andu dala dusa nu kanu limban nu ugayd na andusa kanu sa padtibaban nu mga pusung nu, su Allah bangampun a malimu.

ٱلنَّبِىُّ أَوْلَىٰ بِٱلْمُؤْمِنِينَ مِنْ أَنفُسِهِمْ ۖ وَأَزْوَٰجُهُۥٓ أُمَّهَٰتُهُمْ ۗ وَأُو۟لُوا۟ ٱلْأَرْحَامِ بَعْضُهُمْ أَوْلَىٰ بِبَعْضٍۢ فِى كِتَٰبِ ٱللَّهِ مِنَ ٱلْمُؤْمِنِينَ وَٱلْمُهَٰجِرِينَ إِلَّآ أَن تَفْعَلُوٓا۟ إِلَىٰٓ أَوْلِيَآئِكُم مَّعْرُوفًۭا ۚ كَانَ ذَٰلِكَ فِى ٱلْكِتَٰبِ مَسْطُورًۭا ﴿٦﴾

Su mga Nabi na nya wajib a lamigan nu mga bamamaginugut kanu ginawa nilan andu su mga kaluma nilan na ina nu mga bamaginugut andu su adsusuled na makandulunga sya kanu kawaris sya sa kitab nu Allah kanu mga mu’min andu su muhajer, nya tabya nan a manutuma kanu sa kanu dili pakawaris ka namba i nakasulat kanu kitab (Lauh Al-Mahfuz) nya ba ayat na mansukh, kagina nya pakawaris kanu nawna a timpu na su nag-Islam andu su mimbakwit abpun sa Makkah.

وَإِذْ أَخَذْنَا مِنَ ٱلنَّبِيِّۦنَ مِيثَٰقَهُمْ وَمِنكَ وَمِن نُّوحٍۢ وَإِبْرَٰهِيمَ وَمُوسَىٰ وَعِيسَى ٱبْنِ مَرْيَمَ ۖ وَأَخَذْنَا مِنْهُم مِّيثَٰقًا غَلِيظًۭا ﴿٧﴾

Andu minumbal kami sa pasad kanu mga nabi, andu seka Muhammad andu su Nuh andu su Ibrahim andu su Musa andu su Aisha a wata ni Mariam andu kinamwa kami lu sakanilan sa pasad a mawgat.

لِّيَسْـَٔلَ ٱلصَّٰدِقِينَ عَن صِدْقِهِمْ ۚ وَأَعَدَّ لِلْكَٰفِرِينَ عَذَابًا أَلِيمًۭا ﴿٨﴾

Ka andu kaidsan su banal kanu kinambanal nin andu inidtatalanga nu Allah kanu mga kafeer i siksa a masakit.

يَٰٓأَيُّهَا ٱلَّذِينَ ءَامَنُوا۟ ٱذْكُرُوا۟ نِعْمَةَ ٱللَّهِ عَلَيْكُمْ إِذْ جَآءَتْكُمْ جُنُودٌۭ فَأَرْسَلْنَا عَلَيْهِمْ رِيحًۭا وَجُنُودًۭا لَّمْ تَرَوْهَا ۚ وَكَانَ ٱللَّهُ بِمَا تَعْمَلُونَ بَصِيرًا ﴿٩﴾

Hee sekanu atagin a mga bamaginugut tadami nu su limu nu Allah selkanu, kanu kutika a nawma kanu na mga tantara a satru (Ahzab) na pinsugat nami sa sambel andu mga Malaa-ikat a dala nu maylay, su Allah na gaylay nin i langun na galbak nu.

إِذْ جَآءُوكُم مِّن فَوْقِكُمْ وَمِنْ أَسْفَلَ مِنكُمْ وَإِذْ زَاغَتِ ٱلْأَبْصَٰرُ وَبَلَغَتِ ٱلْقُلُوبُ ٱلْحَنَاجِرَ وَتَظُنُّونَ بِٱللَّهِ ٱلظُّنُونَا۠ ﴿١٠﴾

1 Nakawma selkanu abpun tampal sa pulu andu tampal sa kababan, andu naylay nu i nabalibet kanu na mga tantara, andu di kanu gayd makaginawa, andu ga-antap nu su Allah sa ambalang-balanga na antapan.

هُنَالِكَ ٱبْتُلِىَ ٱلْمُؤْمِنُونَ وَزُلْزِلُوا۟ زِلْزَالًۭا شَدِيدًۭا ﴿١١﴾

11 . Lu ba binatalu su mga bamaginugut andu nasugat a linug silan a sangat i kapasang nin.

وَإِذْ يَقُولُ ٱلْمُنَٰفِقُونَ وَٱلَّذِينَ فِى قُلُوبِهِم مَّرَضٌۭ مَّا وَعَدَنَا ٱللَّهُ وَرَسُولُهُۥٓ إِلَّا غُرُورًۭا ﴿١٢﴾

Andu nadtalu nu mga munafiq andu su aden dalu nu pusong nin i dala pasad nu Allah andu su sinugu nin nya tabya a makadulat.

وَإِذْ قَالَت طَّآئِفَةٌۭ مِّنْهُمْ يَٰٓأَهْلَ يَثْرِبَ لَا مُقَامَ لَكُمْ فَٱرْجِعُوا۟ ۚ وَيَسْتَـْٔذِنُ فَرِيقٌۭ مِّنْهُمُ ٱلنَّبِىَّ يَقُولُونَ إِنَّ بُيُوتَنَا عَوْرَةٌۭ وَمَا هِىَ بِعَوْرَةٍ ۖ إِن يُرِيدُونَ إِلَّا فِرَارًۭا ﴿١٣﴾

Andu pidtalu nu ped kanu mga munafiq sekanu a taw (sa Mdinah) dala kadtanganan nu sya sa pambunwan, uli kanu sa walay nu andu bagataw su ped sakanilan kanu nabi sa pidtalu nilan i muli kami ka walay nami na napayangas (dala natabun lun) tig nu Allah dikena napayangas, ka nya nilan kyug na malalaguy silan.

وَلَوْ دُخِلَتْ عَلَيْهِم مِّنْ أَقْطَارِهَا ثُمَّ سُئِلُوا۟ ٱلْفِتْنَةَ لَءَاتَوْهَا وَمَا تَلَبَّثُوا۟ بِهَآ إِلَّا يَسِيرًۭا ﴿١٤﴾

Umana bu ka naludepan (su Madinah) a nabalibet, mawli na anggatan silan sa kasakutu sa Allah na mangagan i katalima nilan,andu dili silan abpatana nya tabya na paydu gayd.

وَلَقَدْ كَانُوا۟ عَٰهَدُوا۟ ٱللَّهَ مِن قَبْلُ لَا يُوَلُّونَ ٱلْأَدْبَٰرَ ۚ وَكَانَ عَهْدُ ٱللَّهِ مَسْـُٔولًۭا ﴿١٥﴾

Andu saben-sabenal a mibpasad silan sa Allah sa dapan manggula i namba, sa dili silan malalaguy ka tabangan nilan su mga bamaginugut, na dili abpalis na idsa sakanilan su pasad nilan salta su naraka.

قُل لَّن يَنفَعَكُمُ ٱلْفِرَارُ إِن فَرَرْتُم مِّنَ ٱلْمَوْتِ أَوِ ٱلْقَتْلِ وَإِذًۭا لَّا تُمَتَّعُونَ إِلَّا قَلِيلًۭا ﴿١٦﴾

1 Adtalu ka i dala katagan nin selkanu su kapalalaguy amayka nalalaguy kanu sa kapatay atawka kabunu, ka paydu bu gayd i kagkalilini nu sa dunya.

قُلْ مَن ذَا ٱلَّذِى يَعْصِمُكُم مِّنَ ٱللَّهِ إِنْ أَرَادَ بِكُمْ سُوٓءًا أَوْ أَرَادَ بِكُمْ رَحْمَةًۭ ۚ وَلَا يَجِدُونَ لَهُم مِّن دُونِ ٱللَّهِ وَلِيًّۭا وَلَا نَصِيرًۭا ﴿١٧﴾

Adtalu u antayn marihala sakanilan amayka ipauman nu Allah silan sa mawag atawka ipauma kanu nin sa mapya? Na dala bun matun nilan a salakaw sa Allah a marihala sakanilan atawka tumabang sakanilan.

۞ قَدْ يَعْلَمُ ٱللَّهُ ٱلْمُعَوِّقِينَ مِنكُمْ وَٱلْقَآئِلِينَ لِإِخْوَٰنِهِمْ هَلُمَّ إِلَيْنَا ۖ وَلَا يَأْتُونَ ٱلْبَأْسَ إِلَّا قَلِيلًا ﴿١٨﴾

Katawan nu Allah su mapok selkanu, andu su padtalu kanu mfa pagali nin sa sya kanu, andu dili silan mamung sa kambunwa nya tabya na paydu.

أَشِحَّةً عَلَيْكُمْ ۖ فَإِذَا جَآءَ ٱلْخَوْفُ رَأَيْتَهُمْ يَنظُرُونَ إِلَيْكَ تَدُورُ أَعْيُنُهُمْ كَٱلَّذِى يُغْشَىٰ عَلَيْهِ مِنَ ٱلْمَوْتِ ۖ فَإِذَا ذَهَبَ ٱلْخَوْفُ سَلَقُوكُم بِأَلْسِنَةٍ حِدَادٍ أَشِحَّةً عَلَى ٱلْخَيْرِ ۚ أُو۟لَٰٓئِكَ لَمْ يُؤْمِنُوا۟ فَأَحْبَطَ ٱللَّهُ أَعْمَٰلَهُمْ ۚ وَكَانَ ذَٰلِكَ عَلَى ٱللَّهِ يَسِيرًۭا ﴿١٩﴾

Ka padsingit selkanu, n amayka makowma i makagilek na maylay nengka idtulik ka sakanilan sa di den mapisak i mata nilan sa mana su pebpaya sa kapatay, amayka dala den su makagilek na mawag i dila nilan selkanu, ka pangaluyan kanu nilan (mamanula) kanu mga tamuk, silan a mga taw na dala pangimbanal, ginugul nu Allah su mga galbek nilan, na paydu bu gayd intu sa Allah.

يَحْسَبُونَ ٱلْأَحْزَابَ لَمْ يَذْهَبُوا۟ ۖ وَإِن يَأْتِ ٱلْأَحْزَابُ يَوَدُّوا۟ لَوْ أَنَّهُم بَادُونَ فِى ٱلْأَعْرَابِ يَسْـَٔلُونَ عَنْ أَنۢبَآئِكُمْ ۖ وَلَوْ كَانُوا۟ فِيكُم مَّا قَٰتَلُوٓا۟ إِلَّا قَلِيلًۭا ﴿٢٠﴾

Bangantapen nilan pamun i dapan makawa su mga satru, andu amayka makawma su mga satru nay a nilan kyug na lu silan sa dalam na mawatan, ipangingidsa nilan bu i tudtulan selkanu, upama manem ka maatabu silan na dili silann mamung ambunwa ya tabya na paydu bu.

لَّقَدْ كَانَ لَكُمْ فِى رَسُولِ ٱللَّهِ أُسْوَةٌ حَسَنَةٌۭ لِّمَن كَانَ يَرْجُوا۟ ٱللَّهَ وَٱلْيَوْمَ ٱلْءَاخِرَ وَذَكَرَ ٱللَّهَ كَثِيرًۭا ﴿٢١﴾

Saben-sabenal a na aden selkanu su Rasul (Muhammad) a bagunutan sa mapya kanu taw a abngingarap sa Allah andu gay a mawli,andu madakal i katadam nin sa Allah.

وَلَمَّا رَءَا ٱلْمُؤْمِنُونَ ٱلْأَحْزَابَ قَالُوا۟ هَٰذَا مَا وَعَدَنَا ٱللَّهُ وَرَسُولُهُۥ وَصَدَقَ ٱللَّهُ وَرَسُولُهُۥ ۚ وَمَا زَادَهُمْ إِلَّآ إِيمَٰنًۭا وَتَسْلِيمًۭا ﴿٢٢﴾

Guna maylay nu mga bamaginugut su mga satru na pidatalu nilan i nya bas u inibpasad tanu sa Allah andu su Rasul andu benal su Allah andu su Rasul, nawmanan silan sa pangimbanal andu kinasangkup.

مِّنَ ٱلْمُؤْمِنِينَ رِجَالٌۭ صَدَقُوا۟ مَا عَٰهَدُوا۟ ٱللَّهَ عَلَيْهِ ۖ فَمِنْهُم مَّن قَضَىٰ نَحْبَهُۥ وَمِنْهُم مَّن يَنتَظِرُ ۖ وَمَا بَدَّلُوا۟ تَبْدِيلًۭا ﴿٢٣﴾

Kaped kanu mga bamaginugut i mga mama a banel su inibpasad nilan sa Allah, aden bun sakanilan i nashaheed, aden bun bangangap sa manggula nin, dala nilan sambyay su pasad nilan apya paydu.

لِّيَجْزِىَ ٱللَّهُ ٱلصَّٰدِقِينَ بِصِدْقِهِمْ وَيُعَذِّبَ ٱلْمُنَٰفِقِينَ إِن شَآءَ أَوْ يَتُوبَ عَلَيْهِمْ ۚ إِنَّ ٱللَّهَ كَانَ غَفُورًۭا رَّحِيمًۭا ﴿٢٤﴾

Ka andu kabalasan nu Allah su mga banel kanu kabanal nilan andu siksan nin su mga munafiq amayka antuba i kyug nin, atawka tawbatan nin silan su Allah na bangampun a malimu.

وَرَدَّ ٱللَّهُ ٱلَّذِينَ كَفَرُوا۟ بِغَيْظِهِمْ لَمْ يَنَالُوا۟ خَيْرًۭا ۚ وَكَفَى ٱللَّهُ ٱلْمُؤْمِنِينَ ٱلْقِتَالَ ۚ وَكَانَ ٱللَّهُ قَوِيًّا عَزِيزًۭا ﴿٢٥﴾

Pinambalingan nu Allah su mga kafeer sabap kanu lipungat nilan, dala nakwa nilan a mapya, andu inalawa nu Allah su mga bamaginugut sa kambunwa, su Allah na mabagel a mapulu.

وَأَنزَلَ ٱلَّذِينَ ظَٰهَرُوهُم مِّنْ أَهْلِ ٱلْكِتَٰبِ مِن صَيَاصِيهِمْ وَقَذَفَ فِى قُلُوبِهِمُ ٱلرُّعْبَ فَرِيقًۭا تَقْتُلُونَ وَتَأْسِرُونَ فَرِيقًۭا ﴿٢٦﴾

Andu pinawa nu Allah su mga taw a aden kitab nin (tupu nu Qurayda) kanu kuta nilan, andu binatadan nu Allah sa kukok su mga pusong nilan, su kaped na pamunun nu.

وَأَوْرَثَكُمْ أَرْضَهُمْ وَدِيَٰرَهُمْ وَأَمْوَٰلَهُمْ وَأَرْضًۭا لَّمْ تَطَـُٔوهَا ۚ وَكَانَ ٱللَّهُ عَلَىٰ كُلِّ شَىْءٍۢ قَدِيرًۭا ﴿٢٧﴾

Andu pinawarisan nu Allah salkanu su lupa nilan (dalpa nilan) mga tamuk nilan,andu lupa a dala nu pan kadampwi, su Allah kanu angagaisa na kagaga nin.

يَٰٓأَيُّهَا ٱلنَّبِىُّ قُل لِّأَزْوَٰجِكَ إِن كُنتُنَّ تُرِدْنَ ٱلْحَيَوٰةَ ٱلدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًۭا جَمِيلًۭا ﴿٢٨﴾

Hee seka anan a nabi adtalu ka kanu mga kaluma nengka i amayka pegkyug kanu sa kawyag sa dunya andu su kapalasan nin na sya kanu ka pakalilini ku sekanu, andu butawanan ku sekanu sa kabutawan a matilak. (ibpitas ku sekanu sa mapya).

وَإِن كُنتُنَّ تُرِدْنَ ٱللَّهَ وَرَسُولَهُۥ وَٱلدَّارَ ٱلْءَاخِرَةَ فَإِنَّ ٱللَّهَ أَعَدَّ لِلْمُحْسِنَٰتِ مِنكُنَّ أَجْرًا عَظِيمًۭا ﴿٢٩﴾

Amayka manem na nya nubun kyugan su Allah andu su sinugu nin andu su gay a mawli na su Allah na pidtatalanganan nin sa mapya andu balas a mapya.

يَٰنِسَآءَ ٱلنَّبِىِّ مَن يَأْتِ مِنكُنَّ بِفَٰحِشَةٍۢ مُّبَيِّنَةٍۢ يُضَٰعَفْ لَهَا ٱلْعَذَابُ ضِعْفَيْنِ ۚ وَكَانَ ذَٰلِكَ عَلَى ٱللَّهِ يَسِيرًۭا ﴿٣٠﴾

Sekanu a mga kaluma nu Rasul (Muhammad) antayn i andupang selakanu sa mapayag na takep salkanin su siksa a maka-dua takep, na paydu bu gayd intu sa Allah.

۞ وَمَن يَقْنُتْ مِنكُنَّ لِلَّهِ وَرَسُولِهِۦ وَتَعْمَلْ صَٰلِحًۭا نُّؤْتِهَآ أَجْرَهَا مَرَّتَيْنِ وَأَعْتَدْنَا لَهَا رِزْقًۭا كَرِيمًۭا ﴿٣١﴾

Andu antayn selkanu i maginugut sa Allah andu su sinugu nin a panggalabak sa mapya na dwa takep i balas nin andu pinagadilan nami sa ridzki a mapulu (sa surga).

يَٰنِسَآءَ ٱلنَّبِىِّ لَسْتُنَّ كَأَحَدٍۢ مِّنَ ٱلنِّسَآءِ ۚ إِنِ ٱتَّقَيْتُنَّ فَلَا تَخْضَعْنَ بِٱلْقَوْلِ فَيَطْمَعَ ٱلَّذِى فِى قَلْبِهِۦ مَرَضٌۭ وَقُلْنَ قَوْلًۭا مَّعْرُوفًۭا ﴿٣٢﴾

Sekanu a mga kaluma nu nabi-dikna kanu pagidsan nu mga babay, amayka nagilkan kanu (sa Allah) na dakanu adtalu sa kadsaldan ( kanu mga mama) ka maka-ungit kanu sa kadtalu a bantang.

وَقَرْنَ فِى بُيُوتِكُنَّ وَلَا تَبَرَّجْنَ تَبَرُّجَ ٱلْجَٰهِلِيَّةِ ٱلْأُولَىٰ ۖ وَأَقِمْنَ ٱلصَّلَوٰةَ وَءَاتِينَ ٱلزَّكَوٰةَ وَأَطِعْنَ ٱللَّهَ وَرَسُولَهُۥٓ ۚ إِنَّمَا يُرِيدُ ٱللَّهُ لِيُذْهِبَ عَنكُمُ ٱلرِّجْسَ أَهْلَ ٱلْبَيْتِ وَيُطَهِّرَكُمْ تَطْهِيرًۭا ﴿٣٣﴾

San kanu adtangan nu, da kanu samugud sa kasuguda jahil (dala sabut nin0 andu itunay nu su sambayang, andu inggay nu su zakat nu, andu paginugut kanu sa Allah andu su sinugu nin, ka nya kyug nu Allah na pansan nin selkanu su mga kadusan nu a kadekal na sinugu nin, andu sutti kanu nin sa talutup.

وَٱذْكُرْنَ مَا يُتْلَىٰ فِى بُيُوتِكُنَّ مِنْ ءَايَٰتِ ٱللَّهِ وَٱلْحِكْمَةِ ۚ إِنَّ ٱللَّهَ كَانَ لَطِيفًا خَبِيرًا ﴿٣٤﴾

Andu yanu tadami na su pembatyan sa walay nu a mga ayat nu Allah andu su sunnat, su Allah na padtulik a mataw sa mapayag-masulen.

إِنَّ ٱلْمُسْلِمِينَ وَٱلْمُسْلِمَٰتِ وَٱلْمُؤْمِنِينَ وَٱلْمُؤْمِنَٰتِ وَٱلْقَٰنِتِينَ وَٱلْقَٰنِتَٰتِ وَٱلصَّٰدِقِينَ وَٱلصَّٰدِقَٰتِ وَٱلصَّٰبِرِينَ وَٱلصَّٰبِرَٰتِ وَٱلْخَٰشِعِينَ وَٱلْخَٰشِعَٰتِ وَٱلْمُتَصَدِّقِينَ وَٱلْمُتَصَدِّقَٰتِ وَٱلصَّٰٓئِمِينَ وَٱلصَّٰٓئِمَٰتِ وَٱلْحَٰفِظِينَ فُرُوجَهُمْ وَٱلْحَٰفِظَٰتِ وَٱلذَّٰكِرِينَ ٱللَّهَ كَثِيرًۭا وَٱلذَّٰكِرَٰتِ أَعَدَّ ٱللَّهُ لَهُم مَّغْفِرَةًۭ وَأَجْرًا عَظِيمًۭا ﴿٣٥﴾

Saben-sabenal i su mga mama a Muslim andu su mga babay a Muslim andu su mga mama a bamaginugut andu su mga babay a bamaginugut andu su mga mama a eb pamaginuntulan andu su mga babay a abpamaginuntulan andu su mga mama a pabebenala andu su mga babay a pabebenala andu su mga mama a mangatigkel andu su mga babay a mangatigkel andu su mga luntana a mga mama andu su mga babay a mga luntana andu su mga mama a abpamanadeka andu su mga babay a abpamanadeka andu su mga babay a abpamanadeka andu su mga mama a talipwasa andu su mga babay a mga talipwasa endu su mga mama abpamamed-tiyakapan nilan su mga sangulan nilan andu su mga babay a abpamamedtya- kap andu su mga mama a pamametabit kanu ALLAH, sa madaket andu su mga babay a abpamamelabit, na inadil nu ALLAH sakanilan i ampun andu balas a tagena.

وَمَا كَانَ لِمُؤْمِنٍۢ وَلَا مُؤْمِنَةٍ إِذَا قَضَى ٱللَّهُ وَرَسُولُهُۥٓ أَمْرًا أَن يَكُونَ لَهُمُ ٱلْخِيَرَةُ مِنْ أَمْرِهِمْ ۗ وَمَن يَعْصِ ٱللَّهَ وَرَسُولَهُۥ فَقَدْ ضَلَّ ضَلَٰلًۭا مُّبِينًۭا ﴿٣٦﴾

Dala sa bamaginugut a mama atawka babay amayka kinumukum su Allah atawka su Rasul nin sa hukuman na abpalaw silan atawka mamili silan sa kyugan nilan, su taw a sangkan nin su Allah andu su Rasul nin na saben-sabenal a natadin sa mapayag.

وَإِذْ تَقُولُ لِلَّذِىٓ أَنْعَمَ ٱللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَٱتَّقِ ٱللَّهَ وَتُخْفِى فِى نَفْسِكَ مَا ٱللَّهُ مُبْدِيهِ وَتَخْشَى ٱلنَّاسَ وَٱللَّهُ أَحَقُّ أَن تَخْشَىٰهُ ۖ فَلَمَّا قَضَىٰ زَيْدٌۭ مِّنْهَا وَطَرًۭا زَوَّجْنَٰكَهَا لِكَىْ لَا يَكُونَ عَلَى ٱلْمُؤْمِنِينَ حَرَجٌۭ فِىٓ أَزْوَٰجِ أَدْعِيَآئِهِمْ إِذَا قَضَوْا۟ مِنْهُنَّ وَطَرًۭا ۚ وَكَانَ أَمْرُ ٱللَّهِ مَفْعُولًۭا ﴿٣٧﴾

Andu su kinadtalu nengka (Muhammad) sa isa a taw (Zaid ibn Harith0 a inikalimu nu Allah andu inikalimu nengka bun sa kamalika su kaluma nengka ( Zainab) andu ikagilek nengka su Allah na ibegana nengka ka bun kanu ginawa nengka su mapayag sa Allah, bangandaman nengka i mga btaw (kanu adtalun nilan salka) su Allah i wajib a bangandaman , guna maypus si Zaid kanu babay su kahanda nin(napupus su iddah) na inipag kaluma nami selka, ka andu di maaden kanu mga bamaginugut a makapasang kanu mga kaluma nu a pedsugun nilan amayka masampay nilan i kahanda nilan, su hukuman nu Allah na yabun kawkitan.

مَّا كَانَ عَلَى ٱلنَّبِىِّ مِنْ حَرَجٍۢ فِيمَا فَرَضَ ٱللَّهُ لَهُۥ ۖ سُنَّةَ ٱللَّهِ فِى ٱلَّذِينَ خَلَوْا۟ مِن قَبْلُ ۚ وَكَانَ أَمْرُ ٱللَّهِ قَدَرًۭا مَّقْدُورًا ﴿٣٨﴾

Dala kanu nabi i kadusan kanu ini-halal salkanin, ka hukuman nu Allah inan kanu mga nangawna den, andu su hukuman nu Allah na naukul sa yabun matuntul.

ٱلَّذِينَ يُبَلِّغُونَ رِسَٰلَٰتِ ٱللَّهِ وَيَخْشَوْنَهُۥ وَلَا يَخْشَوْنَ أَحَدًا إِلَّا ٱللَّهَ ۗ وَكَفَىٰ بِٱللَّهِ حَسِيبًۭا ﴿٣٩﴾

Su mga taw a ipedsampay nilan su agama nu Allah andu ipegkagilek nilan, na dala ikagilak nilan a salakaw sa Allah,andu su Allah i nasasangan a magitung kanu mga ulipen.

مَّا كَانَ مُحَمَّدٌ أَبَآ أَحَدٍۢ مِّن رِّجَالِكُمْ وَلَٰكِن رَّسُولَ ٱللَّهِ وَخَاتَمَ ٱلنَّبِيِّۦنَ ۗ وَكَانَ ٱللَّهُ بِكُلِّ شَىْءٍ عَلِيمًۭا ﴿٤٠﴾

Dala maaden su Muhammad a ama nu isa a mama salkanu, ugayd na sinugu nu Allah, andu sekanin i pamupusan a mga nabi, andu su Allah kanu langu nu anggaga-isa na katawan nin.

يَٰٓأَيُّهَا ٱلَّذِينَ ءَامَنُوا۟ ٱذْكُرُوا۟ ٱللَّهَ ذِكْرًۭا كَثِيرًۭا ﴿٤١﴾

Sekanu a mga bamaginugut tadami nu su Allah sa katadem a madakal.

وَسَبِّحُوهُ بُكْرَةًۭ وَأَصِيلًا ﴿٤٢﴾

Andu tasbih kanu salkanin sa magabi-mapita.

هُوَ ٱلَّذِى يُصَلِّى عَلَيْكُمْ وَمَلَٰٓئِكَتُهُۥ لِيُخْرِجَكُم مِّنَ ٱلظُّلُمَٰتِ إِلَى ٱلنُّورِ ۚ وَكَانَ بِٱلْمُؤْمِنِينَ رَحِيمًۭا ﴿٤٣﴾

Sekanin a (Allah) ikalimu selkanu andu su mga malaa-ikat nin, ipabpagampun salakanu ka andu matatap salkanu su kinalyu nu sa kalibutangan na sya kanu nakagamaw sa maliwanag, su Allah na malimu kanu mga bamaginugut.

تَحِيَّتُهُمْ يَوْمَ يَلْقَوْنَهُۥ سَلَٰمٌۭ ۚ وَأَعَدَّ لَهُمْ أَجْرًۭا كَرِيمًۭا ﴿٤٤﴾

Salaman silan nu (Malaa-ikat) kanu gay a mabaratamu nilan su kadnan nilan andu pinagadilan silan sa baras a mapulu.

يَٰٓأَيُّهَا ٱلنَّبِىُّ إِنَّآ أَرْسَلْنَٰكَ شَٰهِدًۭا وَمُبَشِّرًۭا وَنَذِيرًۭا ﴿٤٥﴾

Hee seka a nabi (Muhammad) sinugu nami seka a makadsaksi andu mapakalilini andu mapakagilek.

وَدَاعِيًا إِلَى ٱللَّهِ بِإِذْنِهِۦ وَسِرَاجًۭا مُّنِيرًۭا ﴿٤٦﴾

Andu panganggat ka sa Agama nu Allah sa kahanda nin andu t(timbang) a palitan ka a sigay.

وَبَشِّرِ ٱلْمُؤْمِنِينَ بِأَنَّ لَهُم مِّنَ ٱللَّهِ فَضْلًۭا كَبِيرًۭا ﴿٤٧﴾

Andu panudtul ka kanu mga bamaginugut i aden sakanilan abpun sa Allah i kalbihan atawka limu a masla.

وَلَا تُطِعِ ٱلْكَٰفِرِينَ وَٱلْمُنَٰفِقِينَ وَدَعْ أَذَىٰهُمْ وَتَوَكَّلْ عَلَى ٱللَّهِ ۚ وَكَفَىٰ بِٱللَّهِ وَكِيلًۭا ﴿٤٨﴾

Andu dika paginugunuti su mga kafeer andu su mga munafiq andu pasagadi ka i kalat nilan andu salig ka sa Allah, ka sekanin i padtyakap sa binaluy nin andu bagitung sakanilan.

يَٰٓأَيُّهَا ٱلَّذِينَ ءَامَنُوٓا۟ إِذَا نَكَحْتُمُ ٱلْمُؤْمِنَٰتِ ثُمَّ طَلَّقْتُمُوهُنَّ مِن قَبْلِ أَن تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍۢ تَعْتَدُّونَهَا ۖ فَمَتِّعُوهُنَّ وَسَرِّحُوهُنَّ سَرَاحًۭا جَمِيلًۭا ﴿٤٩﴾

Hee sekanu atagin a bamaginugut amayka nagkaluma nu su bamaginugut a mga babey, mawli na binalag nu sa dala nu pan silan magkudi na dala selkanu ikapagiddah nilan a pananagadan nu sakanilan sa di pan mapupus, na anggay nu silan andu balag nu silan sa kambalag a matilak.

يَٰٓأَيُّهَا ٱلنَّبِىُّ إِنَّآ أَحْلَلْنَا لَكَ أَزْوَٰجَكَ ٱلَّٰتِىٓ ءَاتَيْتَ أُجُورَهُنَّ وَمَا مَلَكَتْ يَمِينُكَ مِمَّآ أَفَآءَ ٱللَّهُ عَلَيْكَ وَبَنَاتِ عَمِّكَ وَبَنَاتِ عَمَّٰتِكَ وَبَنَاتِ خَالِكَ وَبَنَاتِ خَٰلَٰتِكَ ٱلَّٰتِى هَاجَرْنَ مَعَكَ وَٱمْرَأَةًۭ مُّؤْمِنَةً إِن وَهَبَتْ نَفْسَهَا لِلنَّبِىِّ إِنْ أَرَادَ ٱلنَّبِىُّ أَن يَسْتَنكِحَهَا خَالِصَةًۭ لَّكَ مِن دُونِ ٱلْمُؤْمِنِينَ ۗ قَدْ عَلِمْنَا مَا فَرَضْنَا عَلَيْهِمْ فِىٓ أَزْوَٰجِهِمْ وَمَا مَلَكَتْ أَيْمَٰنُهُمْ لِكَيْلَا يَكُونَ عَلَيْكَ حَرَجٌۭ ۗ وَكَانَ ٱللَّهُ غَفُورًۭا رَّحِيمًۭا ﴿٥٠﴾

Hee! Sekanin a Nabi (Muhammaad), Saben- sabenal i sekami na ini-halal kami sa leka su mga kaluma nengka a naka talingguma nengka su mga sunggudan nilan andu su nganin a nag kibilan mi kawanan nengka, abpun kanu pinabiyag nuu ALLAH sa laka andu su mga babay a wata ni bapa nengka siya kani ama nengka andu su mga wata a babay nu mga babu nengka siya kani ama nengka andu su mga wata a babay nu mga bapa nengka kani ina nengka andu su mga wata a babay nu pakinan nengka na mamem babakwit a tagapeda nengka endu su babay a bamaginugut inidtawakim nin su ginawa nin sa nanget sa leka, u kiniygan nu nabi i kag kaluma nin lun sa pagelin bu sa leka sa lakaw ku mga bamaginugut, ka natawan nami den I nganin a inib paliygat nami sakanilan, (a mga Mu’min) pantag kanu mga kaluma nilan andu kanu nagkibilan nu mga kawanan nilan, ka anggu dili agka baluy sa leka i kasusan, sa andang den nu Allahi bala ampun a pinakamalimu.

۞ تُرْجِى مَن تَشَآءُ مِنْهُنَّ وَتُـْٔوِىٓ إِلَيْكَ مَن تَشَآءُ ۖ وَمَنِ ٱبْتَغَيْتَ مِمَّنْ عَزَلْتَ فَلَا جُنَاحَ عَلَيْكَ ۚ ذَٰلِكَ أَدْنَىٰٓ أَن تَقَرَّ أَعْيُنُهُنَّ وَلَا يَحْزَنَّ وَيَرْضَيْنَ بِمَآ ءَاتَيْتَهُنَّ كُلُّهُنَّ ۚ وَٱللَّهُ يَعْلَمُ مَا فِى قُلُوبِكُمْ ۚ وَكَانَ ٱللَّهُ عَلِيمًا حَلِيمًۭا ﴿٥١﴾

Inggawli nengka sa gilil i pagkyugan nengka andu dulug ka i pagkyugan nengka, andu sus kaluma nengka kanu pinasagadan nengka na dala dusa nengka lun, andu maswat silan sabap kanu ininggay nengka sakanilan, andu su Allah na katawan nin i dalem nu pusung nu andu su Allah na mataw a matigkal.

لَّا يَحِلُّ لَكَ ٱلنِّسَآءُ مِنۢ بَعْدُ وَلَآ أَن تَبَدَّلَ بِهِنَّ مِنْ أَزْوَٰجٍۢ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ ٱللَّهُ عَلَىٰ كُلِّ شَىْءٍۢ رَّقِيبًۭا ﴿٥٢﴾

Dili den mahalal selka i kawmanan pan (siyaw kataw) andu su kadsambi nengka sa balegan su kapad apya nagayp ka sa kapya na palas nin nya tabya na su kamilikan nengka, su Allah na langun nu anggaga-isa na padtaaldun nin.

يَٰٓأَيُّهَا ٱلَّذِينَ ءَامَنُوا۟ لَا تَدْخُلُوا۟ بُيُوتَ ٱلنَّبِىِّ إِلَّآ أَن يُؤْذَنَ لَكُمْ إِلَىٰ طَعَامٍ غَيْرَ نَٰظِرِينَ إِنَىٰهُ وَلَٰكِنْ إِذَا دُعِيتُمْ فَٱدْخُلُوا۟ فَإِذَا طَعِمْتُمْ فَٱنتَشِرُوا۟ وَلَا مُسْتَـْٔنِسِينَ لِحَدِيثٍ ۚ إِنَّ ذَٰلِكُمْ كَانَ يُؤْذِى ٱلنَّبِىَّ فَيَسْتَحْىِۦ مِنكُمْ ۖ وَٱللَّهُ لَا يَسْتَحْىِۦ مِنَ ٱلْحَقِّ ۚ وَإِذَا سَأَلْتُمُوهُنَّ مَتَٰعًۭا فَسْـَٔلُوهُنَّ مِن وَرَآءِ حِجَابٍۢ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ وَمَا كَانَ لَكُمْ أَن تُؤْذُوا۟ رَسُولَ ٱللَّهِ وَلَآ أَن تَنكِحُوٓا۟ أَزْوَٰجَهُۥ مِنۢ بَعْدِهِۦٓ أَبَدًا ۚ إِنَّ ذَٰلِكُمْ كَانَ عِندَ ٱللَّهِ عَظِيمًا ﴿٥٣﴾

Hee sekanu anan atagin a bamamaginugut, di nu baludapi su mga walay nu nabi ya tabya na inanggat kanu nin sa kapegkan, na dili nu den padtuliki su dalam nu walay nin, ugayd na amayka inanggat kanu na ludep kanu, u nakakan kanu den na lyu kanu den, dikna ambibityala kanu pan, kagina makalingasa intu kanu nabi na mamamala selkanu, su Allah a dili kayan sa kawajib, andu amayka idsan nu su mga kaluma nin na lu kanu agkalaban sa lyu na landing, ka antuba i makasutti kanu mga pusung nu andu su mga pusung nilan, andu dala selkanu i sekatan nu su rasul andu dili a banal mapakay i kagkaluma nu kanu mga kaluma nin sa ulyan ( kapatay nin) ka masla gayd a kanarakkan nu lu sa Allah.

إِن تُبْدُوا۟ شَيْـًٔا أَوْ تُخْفُوهُ فَإِنَّ ٱللَّهَ كَانَ بِكُلِّ شَىْءٍ عَلِيمًۭا ﴿٥٤﴾

Amayka aden ipabpayag nu atawka ipedsulan nu na su Allah na langun anggaga-isa na katawan nin.

لَّا جُنَاحَ عَلَيْهِنَّ فِىٓ ءَابَآئِهِنَّ وَلَآ أَبْنَآئِهِنَّ وَلَآ إِخْوَٰنِهِنَّ وَلَآ أَبْنَآءِ إِخْوَٰنِهِنَّ وَلَآ أَبْنَآءِ أَخَوَٰتِهِنَّ وَلَا نِسَآئِهِنَّ وَلَا مَا مَلَكَتْ أَيْمَٰنُهُنَّ ۗ وَٱتَّقِينَ ٱللَّهَ ۚ إِنَّ ٱللَّهَ كَانَ عَلَىٰ كُلِّ شَىْءٍۢ شَهِيدًا ﴿٥٥﴾

Dala dusa nu mga kaluma nu nabi amayka lundangan nilan su mga lukes nilan andu wata nilan andu suled nilan a babay andu su mga babay andu su ulipen nilan, andu ikagilek su Allah, su Allah na kadsaksyan nin i langun na anggaga-isa.

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا ﴿٥٦﴾

Saben-sabenal su Allah andu su malaa-ikat na padsalawatan nilan su rasul, na sekanu a mga bamaginugut na salawati nu su rasul andu lepas a malilintad.

إِنَّ ٱلَّذِينَ يُؤْذُونَ ٱللَّهَ وَرَسُولَهُۥ لَعَنَهُمُ ٱللَّهُ فِى ٱلدُّنْيَا وَٱلْءَاخِرَةِ وَأَعَدَّ لَهُمْ عَذَابًۭا مُّهِينًۭا ﴿٥٧﴾

Saben-sabenal su mga taw a padsangkan nilan su Allah andu su sinugu nin na namulkan silan sya sa dunya andu sa akhirat, andu pidtatalanganan silan sa siksa a dili gangganan na badan nilan.

وَٱلَّذِينَ يُؤْذُونَ ٱلْمُؤْمِنِينَ وَٱلْمُؤْمِنَٰتِ بِغَيْرِ مَا ٱكْتَسَبُوا۟ فَقَدِ ٱحْتَمَلُوا۟ بُهْتَٰنًۭا وَإِثْمًۭا مُّبِينًۭا ﴿٥٨﴾

Andu su mga taw a padtabwan nilan su bamaginugut a mama-babay sa dili gatumanan silan na pinangaku nilan su dusa nu kaped tatabu nilan,andu siksa a mapasang.

يَٰٓأَيُّهَا ٱلنَّبِىُّ قُل لِّأَزْوَٰجِكَ وَبَنَاتِكَ وَنِسَآءِ ٱلْمُؤْمِنِينَ يُدْنِينَ عَلَيْهِنَّ مِن جَلَٰبِيبِهِنَّ ۚ ذَٰلِكَ أَدْنَىٰٓ أَن يُعْرَفْنَ فَلَا يُؤْذَيْنَ ۗ وَكَانَ ٱللَّهُ غَفُورًۭا رَّحِيمًۭا ﴿٥٩﴾

Hee seka anan a nabi adtalu ka kanu mga kaluma nengka andu mga wata nengka andu su mga babay a mga bamaginugut indalung silan kanu mga tandung nilan, ka antuba i masiken a kakilala sakanilan, na dili silan matakaw malingasa, ka su Allah na bangampun a malimu.

۞ لَّئِن لَّمْ يَنتَهِ ٱلْمُنَٰفِقُونَ وَٱلَّذِينَ فِى قُلُوبِهِم مَّرَضٌۭ وَٱلْمُرْجِفُونَ فِى ٱلْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَآ إِلَّا قَلِيلًۭا ﴿٦٠﴾

Amayka dili manda su mga munafiq andu su aden dalu na pusung nin andu su bangimbanal sa dila bu lusa madinah,na pama-mamisan nilan selka, mawli na dika nilan makapagubay (sa madina) nya tabya na paydu bu.

مَّلْعُونِينَ ۖ أَيْنَمَا ثُقِفُوٓا۟ أُخِذُوا۟ وَقُتِّلُوا۟ تَقْتِيلًۭا ﴿٦١﴾

Namulkan silan apya andaw silan na kwan silan andu bunun silan sa kabunu a dili bagulaman.

سُنَّةَ ٱللَّهِ فِى ٱلَّذِينَ خَلَوْا۟ مِن قَبْلُ ۖ وَلَن تَجِدَ لِسُنَّةِ ٱللَّهِ تَبْدِيلًۭا ﴿٦٢﴾

Namba i hukuman nu Allah kanu mga taw a nangawna andu di nengka maparuli sa hukuman nu Allah i kasambyan.

يَسْـَٔلُكَ ٱلنَّاسُ عَنِ ٱلسَّاعَةِ ۖ قُلْ إِنَّمَا عِلْمُهَا عِندَ ٱللَّهِ ۚ وَمَا يُدْرِيكَ لَعَلَّ ٱلسَّاعَةَ تَكُونُ قَرِيبًا ﴿٦٣﴾

Ibagidsa nu mga taw salka u kanu i gay a mawli? Adtalu ka sakanilan i sekanin (Allah)i mataw lun, andu dili nengka gatawan na basi masupeg bun su kawma nu gay a mawli.

إِنَّ ٱللَّهَ لَعَنَ ٱلْكَٰفِرِينَ وَأَعَدَّ لَهُمْ سَعِيرًا ﴿٦٤﴾

Saben-sabenal su Allah na namulkan nin su mga kafeer andu pinagadilan silan sa apuy a pagkalaw-kalaw.

خَٰلِدِينَ فِيهَآ أَبَدًۭا ۖ لَّا يَجِدُونَ وَلِيًّۭا وَلَا نَصِيرًۭا ﴿٦٥﴾

Dla kalyu nilan sa naraka na dala pan matun nilan a tumuganul sakanilan andu tumabang sakanilan.

يَوْمَ تُقَلَّبُ وُجُوهُهُمْ فِى ٱلنَّارِ يَقُولُونَ يَٰلَيْتَنَآ أَطَعْنَا ٱللَّهَ وَأَطَعْنَا ٱلرَّسُولَا۠ ﴿٦٦﴾

Su gay tutungan su mga byas nilan sa naraka, na madtalu nilan u nya ba ka napaginugutan tanu su Allah andu su rasul.

وَقَالُوا۟ رَبَّنَآ إِنَّآ أَطَعْنَا سَادَتَنَا وَكُبَرَآءَنَا فَأَضَلُّونَا ٱلسَّبِيلَا۠ ﴿٦٧﴾

Andu madtalu nilan i, kadnan nami pinaginugutan nami su kaunutan nami andu su masla nami,na tinading kami nilan sa lalan.

رَبَّنَآ ءَاتِهِمْ ضِعْفَيْنِ مِنَ ٱلْعَذَابِ وَٱلْعَنْهُمْ لَعْنًۭا كَبِيرًۭا ﴿٦٨﴾

Kadnan nami takep ka i siksa nilan andu mulkay ka silan sa mulka a masla.

يَٰٓأَيُّهَا ٱلَّذِينَ ءَامَنُوا۟ لَا تَكُونُوا۟ كَٱلَّذِينَ ءَاذَوْا۟ مُوسَىٰ فَبَرَّأَهُ ٱللَّهُ مِمَّا قَالُوا۟ ۚ وَكَانَ عِندَ ٱللَّهِ وَجِيهًۭا ﴿٦٩﴾

Hee sekanu anan atagin a bamaginugut, dakanu bagiling kanu mga taw a padtakubuten nilan su musa, na pinakyas nu Allah kanu padtalun nilan lun,ka sekanin (Musa) na masla i alaga nin.

يَٰٓأَيُّهَا ٱلَّذِينَ ءَامَنُوا۟ ٱتَّقُوا۟ ٱللَّهَ وَقُولُوا۟ قَوْلًۭا سَدِيدًۭا ﴿٧٠﴾

Hee sekanu anan atagin a bamaginugut, ikagilek nu su Allah andu adtalu kanu sa kadtalu a bantang-matidtu.

يُصْلِحْ لَكُمْ أَعْمَٰلَكُمْ وَيَغْفِرْ لَكُمْ ذُنُوبَكُمْ ۗ وَمَن يُطِعِ ٱللَّهَ وَرَسُولَهُۥ فَقَدْ فَازَ فَوْزًا عَظِيمًا ﴿٧١﴾

Pagkapyan nin (Allah) selkanu su mga galbek nu andu ampunen i mga dusa nu, su taw a maginugut sa Allah andu su Rasul na saben-sabenal a nabadtug sa badtugan a masla.

إِنَّا عَرَضْنَا ٱلْأَمَانَةَ عَلَى ٱلسَّمَٰوَٰتِ وَٱلْأَرْضِ وَٱلْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا ٱلْإِنسَٰنُ ۖ إِنَّهُۥ كَانَ ظَلُومًۭا جَهُولًۭا ﴿٧٢﴾

Saben-sabenal na iniadu nami su salig kanu mga langit andu su lupa andu su palaw na dala silan taliman andu nagilkan silan, na nya nangaku a saligan i manusya kagina dupang andu dili mataw.

لِّيُعَذِّبَ ٱللَّهُ ٱلْمُنَٰفِقِينَ وَٱلْمُنَٰفِقَٰتِ وَٱلْمُشْرِكِينَ وَٱلْمُشْرِكَٰتِ وَيَتُوبَ ٱللَّهُ عَلَى ٱلْمُؤْمِنِينَ وَٱلْمُؤْمِنَٰتِ ۗ وَكَانَ ٱللَّهُ غَفُورًۭا رَّحِيمًۢا ﴿٧٣﴾

Siksan nu Allah su babay-mama a munafiq andu su babay-mama a mushrik andu tawbatan nin su mga bamaginugut a babay-mama, ka su Allah na banagmpun andu malimu.