Andu su mga taw a nangimbenal andu ming- galbek sa mga mapya na punasen nami su kawagan nilan andu balasan nami silan sa nya pan mapya kanu galbekan nilan. (a mapya sya sa dunya)
Inib-palyugat nami kanu manusya i kabpya-pya sa duwa a lukes, andu o pagesen sakanilan sa ka-sakutu salaki a dala salka su ilmu lun, na dika munuti, ka sya kanu bun makawli salaki (Allah) na balasan ku sekanu kanu mga galbekan nu.
Andu kaped kanu mga taw nadtalu nilan i nangimbenal aku sa Allah, na amayka paka- pasangan silan (nu mga kafeer) sa kanu inugut nilan sa Allah, na baluwin nilan su fitna nu mga taw (a kafeer) sa mana siksa nu Allah, (apya ngin i suguwan na maginugut, sabap kanu katalaw) na amayka nakawma i tabang nu Allah-na tig nilan: sekitanu bun, su Allah na katawan nin su dalem nu pamusunugan nu taw na dunya.
Andu pidtalu nu mga kafeer kanu mga Mu'min: unuti nu i lekami a lalan ka pangakun nami i kadusan nu, na dala sakanilan (mga kafeer) i mapangaku nilan i kadusan nu mga bamaginugut apya paydu, kagina silan na midtadtab i kalbut nilan.
Andu mang-gumaked nilan i kadusan nilan andu su kadusan nilan sa kapen-dalbut nilan andu makaydsa sakanilan sa gay a mawli su iped-tabu nilan. (salta su siksa)
Andu saben-sabenal a sinugu nami si Nuh lu kanu mga taw nin sa nakadtangen kanilan so (Noh) san aka-siyao gatos endo lima pulo lagon, na tinioba nami so taw nin sa kadalem, kagina silan a mga kafeer.
Ya nu padsimban na salakaw sa Allah a mga barahala andu bangumbal kanu sa kalbutan, padsimban nu ba nan a salakaw sa Allah na dala kamilikan nin (magaga nin) salkanu a ridzki, lu kanu pangeni sa Allah sa ridzki andu simban nu anduadsukuri nu, ka lu kanu bun makam-balingan salkanin.
Adtalu ka sakanilan (Muhammad) I lakaw kanu sa lupa ka sulimanay nu i kab-pagabpun nu Allah kanu binaluy nin, su Allah bun i pab-pagiseg andu papem-batun sa ulyan na kapatay, ka kagaga nin i langun na anggaga-isa.
Andu su pig-kafiran nin su mga ayatan nu Allah andu su kabaratamu salkanin (Allah), na antu ba na natebped I nanam nin sa limu ku (Allah) andu sakanilan i siksa a sangat i kasakit nin.
Na dala inisumpat nu mga taw ni (Ibrahim) ya tabya na: bunu nu atawka tutung nu, na linepas nu Allah abpun kanu apuy, na nakadalem lu ba su tanda a kapeg-kagaga nu Allah kanu mga taw a nangimbenal.
Andu pidtalu ni (Ibrahim) i minumbal kanu sa salakaw sa Allah a barahala- a kapeg-kalimu nu i kaped-simaba nu lun sa kabpaguyag sa dunya, mawli na lu sa gay a mawli na abpapalawa kanu andu ipinta nu isa su ped nin, na ya bun tanan kadtakenan na apuy andu dala makad-tabang salkanu.
Andu pina- muli a-taw nami sa kanu Ishaq andu si Ya'cob, andu binaluy nami kanu muli a-taw nin i ka-nabi andu su kitab (tawrat-Injil) andu inenggay nami salkanin i balas nin sa dunya andu sekanin lu sa gay a mawli na kuyug kanu mga Saliheen.
Ngin nan ka nya pegkaluman nu mama na mama bun andu bagayan kanu sa padsagad a peg- kaluman nu andu aden pan kadupangan nu lu kanu gabuligan nu, na ya bu pidtalu taw nin na: pasya ka salkami i siksa nu kadnan nengka a pedtalun nengka amayka benal ka.
Guna makawma kani Ibrahim su mga sinugu (Malaa-ikat) sa makapya sa ginawa, na tig nilan pambinasan nami i mga taw na nya ba a dalpa, kagina su taw nin na mga dupang.
Tig nu (Ibrahim) si Lut! Tig nu sinugu (Malaa-ikat) katawan nami i taw na dalpa, lapasen nami sekanin andu su tagapeda nin ya tabya na: su kaluma nin ka makamung mabinasa.
Guna makawma su sinugu (Malaa-ikat) kani Lut a palas na mga mama a mga mapya, nalidu i ginawa nin (Lut) na dala mundula sukat nin, pidtalu nu mga sinugu (Malaa-ikat) daka kagilek andu dika pakalidu i ginawa nengka, ka lepasen nami seka andu su tagapeda nengka ya tabya na si kaluma nengka, ka makamung mabinasa.
Andu nakawma kanu Madiyan su suled nilan na si Shu'aib, sa yanin pidtalu na: samba nu su Allah andu pagingarap nu su gay a mawli andu da kanu panggula sya sa lupa sa baminasa kanu.
Andu (bininasa nami) si A'ad andu si Thamud andu napayag bun salkanu a mga taw su dalpa nilan (su nabpalas nin) andu sinasat na shaytan kanu mga galbek nilan, sinapalan nin silan kanu Agama andu lalan a benal andu silan a mga taw na mawngangen. (ugayd na ya migkasla nakamamasla).
Andu su Qarun andu su Fir-awn andu su Haman andu saben-sabenal a nakawma sakanilan su Musa sa mga mapayag a tanda, na pimamaslan nilan sya kanu dalpa, na dala silan malepas kanu siksa nu Allah.
Uman isa na tinyuba nami sa kanu kadusan nin, aden sakanilan i pinasugwan nami sa ulan a watu, aden bun sakanilan i tinyuba sa kilat andu aden bun kanilan i tinampulan nami sa lupa andu aden bun kanilan i pinageldami, dikena su Allah i talimbuten, su ginawa nu bun i talimbuten.
Ini-upama su silan a bamaluy sa salakaw sa Allah a padsaligan sa mana upama na lawa-lawa a bagumbal sa walay nin, na saben-sabenal su walay na lawa-lawa na namba i malubay a benal o mana bu ka gatawan nilan.
Batya ka (Muhammad) su ini-wahi nami salka a kitab (Qur-an) andu sambayang ka, su sambayang i makasapal sa maledsik a galbek andu su mga supak andu ya masla i tadem nu Allah andu katawan nin i galbekan nu.
Di nu abpalawa su aden kitab nin (yahudi- kristian) ya tabya na ukit a mapya, ya tabya na su pedsangka andu adtalu nu i pina-ngimbenal nami su nakatulun salkami andu su initulun salkanu, andu kadnan nami na kadnan nu bun apya isatiman bu, andu lu kami sinemangkup salkanin na Allah.
Andu mamba i kinapatulun kanu nawna (kitab) sa kinapatulun nami salka sa kitab (Qur-an) su inenggan nami sa kitab na bangimbenalen nilan andu su kaped kanu mga arab i bangimbenal andu dala samangka sa mga ayatan nami a salakaw kanu mga kafeer.
Andu da gabatya nengka (Muhammad) a kitab sa da pan makatulun salka su Qur-an, andu dala pakasulat a lima nengka a kawanan, ka labi den i kandwa-duwan nu mga taw a di ped-talima sa Qur-an.
Andu pidatalu nilan o namba ka nakatulun salkanin (Muhammad) i mga tanda a benal, adtalu ka sakanilan i mga tanda na lu sa Allah, saki na pedsampay bu a mapayag.
Ngintu di pan kasaligan a tanda i initulun nami salka su Qur-an a pembatyan sakanilan? nakadalem samba su limu andu indawan, atawka tadem kanu mga taw a bamaginugut.
Adtalu ka (Muhammad) su Allah bu i saksi tanu, katawan nin i dalem nu pitu lapis a langit andu lupa andu su mga taw a ya nilan pinangimbenl na batil andu pig-kafeeran nilan su Allah na silan i mga taw a nangalugi.
Andu padtagadan nilan i siksa nilan, na o di kena bu aden ukul nin a napasad na makawma den sakanilan andu di abpalis man i kawma nin sakanilan sa makatekaw sa di nilan magedam.
Su gay a mad-sagup nilan su siksa abpun sa pulu nilan andu abpun kanu kababan nu ay nilan andu adtalun nu pambantay sa nanami nu su lalaw nu pang-galbeken nu (lu sa dunya).
Su mga bamaginugut a ming-galbek sa mga mapya na pandaludayan nami silan sa mga bilik sa surga, a pelagilay sa kababan na mga ig, dala sakanilan i kalyu sa surga, ngin den a kapya na balas kanu ming-galbek sa mapya sya sa dunya.
Amayka idsan nengka silan antayn i minaluy sa langit andu lupa andu pagkyug-kyug kanu senang andu ulan-ulan?, na ya nilan madtalu na su Allah, na ngintu ka di nilan pakaisan su Allah?.
Amayka idsan nengka silan antayn napatulun sa ig abpun sa langit a nakawyag kanu lupa a minatay? Ya nilan adtalun na su Allah, pugi ka su Allah, ka ya madakel sakanilan i di mawngangen.
Ngintu da nilan maylay i banaluwi nami su haram (masjidil haram) a tumatana sa pem- bibinasaya su mga taw kanu ambala-bala sakanilan, na yanilan bangimbenalen su batil andu su limu nu Allah i peg-kafiran nilan.
Andu dala muna i kadupang nin su taw a pan- dalbutan nin su Allah atawka pan-dalbutan nin su Haqq (Islam) a nakawma salkanin, ngintu dikena su Jahannam i kad-takanan nu mga kafeer?.
Andu su mga taw a min-jihad sa lalan salkami na di abpalis na tutulun nami silan sa kanu lalan a makasampay salkami andu su Allah na salta kanu mga taw a mga mapya.
