سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Taha

Surah Taha - Maguindanaon Aya count 135

طه ﴿١﴾
Ta. Ha. su Allah i mataw kanu ma'ana nin.
مَآ أَنزَلْنَا عَلَيْكَ ٱلْقُرْءَانَ لِتَشْقَىٰٓ ﴿٢﴾
Dikena ya nami kinapatulon salka (Muhammad) kanu Qur-an i kaugatang ka sa subla.
إِلَّا تَذْكِرَةًۭ لِّمَن يَخْشَىٰ ﴿٣﴾
Ugayda indawan kanu magilek (Allah)
تَنزِيلًۭا مِّمَّنْ خَلَقَ ٱلْأَرْضَ وَٱلسَّمَٰوَٰتِ ٱلْعُلَى ﴿٤﴾
Nakatulon abpun (sa Allah) a minaloy sa lupa andu su pitu lapis a langit, a mapulo sekanin.
ٱلرَّحْمَٰنُ عَلَى ٱلْعَرْشِ ٱسْتَوَىٰ ﴿٥﴾
Su pinakamalimo (a Allah) na mibpapulo sekanin kano pulu no Arsh.
لَهُۥ مَا فِى ٱلسَّمَٰوَٰتِ وَمَا فِى ٱلْأَرْضِ وَمَا بَيْنَهُمَا وَمَا تَحْتَ ٱلثَّرَىٰ ﴿٦﴾
Lekanin a (Allah) su dalemu pitu lapis a langit andu lupa andu su pageltanin, andu su kababanu lupa.
وَإِن تَجْهَرْ بِٱلْقَوْلِ فَإِنَّهُۥ يَعْلَمُ ٱلسِّرَّ وَأَخْفَى ﴿٧﴾
U pakatanugen nengka (Muhammad) i kadtalo na sekanin a Allah na katawanin su masulen, andu su kapeg-kedo na atay.
ٱللَّهُ لَآ إِلَٰهَ إِلَّا هُوَ ۖ لَهُ ٱلْأَسْمَآءُ ٱلْحُسْنَىٰ ﴿٨﴾
Su Allah-dala kadnan a wagib a simban ya tabiya na sekanin, a mga mapiya i ngala nin.
وَهَلْ أَتَىٰكَ حَدِيثُ مُوسَىٰٓ ﴿٩﴾
Benal a nakauma salka (Muhammad) su tudtolan kani Musa.
إِذْ رَءَا نَارًۭا فَقَالَ لِأَهْلِهِ ٱمْكُثُوٓا۟ إِنِّىٓ ءَانَسْتُ نَارًۭا لَّعَلِّىٓ ءَاتِيكُم مِّنْهَا بِقَبَسٍ أَوْ أَجِدُ عَلَى ٱلنَّارِ هُدًۭى ﴿١٠﴾
Kanu kinailay nin sa apoy, a pidtalonin kani kaluma nin-I sya kanu dumpan, ka aden nasandeng ku a apoy, ka basi makakua aku luba sa madsulo tanu, atawa ka basi aden maparoli ku a makatutulo salaki sa lalan. (natadin silan)
فَلَمَّآ أَتَىٰهَا نُودِىَ يَٰمُوسَىٰٓ ﴿١١﴾
Guna nin mauma (su apoy) na tinawag sekanin sa O Musa!
إِنِّىٓ أَنَا۠ رَبُّكَ فَٱخْلَعْ نَعْلَيْكَ ۖ إِنَّكَ بِٱلْوَادِ ٱلْمُقَدَّسِ طُوًۭى ﴿١٢﴾
Saben-sabenal a saki su kadnan nengka, na iyaawa nengka i talompa nengka anan ka seka na nya ka sa boogan a sutie.
وَأَنَا ٱخْتَرْتُكَ فَٱسْتَمِعْ لِمَا يُوحَىٰٓ ﴿١٣﴾
Andu pinamili ku seka, na panulimang ka su ipe-wahyie salka.
إِنَّنِىٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعْبُدْنِى وَأَقِمِ ٱلصَّلَوٰةَ لِذِكْرِىٓ ﴿١٤﴾
Benal a saki su Allah, a dala wagib a ped- simban ya tabiya na saki-na samba aku, andu itindegeng ka su sambayang sa tademeng ka salaki.
إِنَّ ٱلسَّاعَةَ ءَاتِيَةٌ أَكَادُ أُخْفِيهَا لِتُجْزَىٰ كُلُّ نَفْسٍۭ بِمَا تَسْعَىٰ ﴿١٥﴾
Saben-sabenal kanu gay a mauli na makauma, kahanda ku I diku ipayag kanu taw i kaumanin, ka andu kabalasan su isa kanu penggalbekenin.
فَلَا يَصُدَّنَّكَ عَنْهَا مَن لَّا يُؤْمِنُ بِهَا وَٱتَّبَعَ هَوَىٰهُ فَتَرْدَىٰ ﴿١٦﴾
Andu daka semibay kanu pangimbenal, sabap sa kanu di bangimbenal, andu yanin ped tuntolen na kiyoga ginawa n in. (ka mabinasa ka)
وَمَا تِلْكَ بِيَمِينِكَ يَٰمُوسَىٰ ﴿١٧﴾
Nginan sa kawanan nengka Musa?\"
قَالَ هِىَ عَصَاىَ أَتَوَكَّؤُا۟ عَلَيْهَا وَأَهُشُّ بِهَا عَلَىٰ غَنَمِى وَلِىَ فِيهَا مَـَٔارِبُ أُخْرَىٰ ﴿١٨﴾
Tigu Musa nya na tungkat ku a kadtigelang ku sa kabpelakao ku andu ibanapes ku sa loona kayu a pegkenu kambing ku, andu aden ped a kahanda ku lon.
قَالَ أَلْقِهَا يَٰمُوسَىٰ ﴿١٩﴾
Tigu Allah- pitasi ka Musa.
فَأَلْقَىٰهَا فَإِذَا هِىَ حَيَّةٌۭ تَسْعَىٰ ﴿٢٠﴾
Pinitasani (Musa) na mimbaloy a nipay a belansag.
قَالَ خُذْهَا وَلَا تَخَفْ ۖ سَنُعِيدُهَا سِيرَتَهَا ٱلْأُولَىٰ ﴿٢١﴾
Tigu Allah-kua ka anan (Musa) daka pegkagilek ka pauliten nami kanu andang a palasin.
وَٱضْمُمْ يَدَكَ إِلَىٰ جَنَاحِكَ تَخْرُجْ بَيْضَآءَ مِنْ غَيْرِ سُوٓءٍ ءَايَةً أُخْرَىٰ ﴿٢٢﴾
Andu ilodepeng ka I kawanan a lima nengka sa takilidan a biwang, ka lemio sa maputi a mapiya I palasin, isa menem into a tanda sabenala ka.
لِنُرِيَكَ مِنْ ءَايَٰتِنَا ٱلْكُبْرَى ﴿٢٣﴾
Ka andu nami makapailay salka su mga tanda nami a mga masla.
ٱذْهَبْ إِلَىٰ فِرْعَوْنَ إِنَّهُۥ طَغَىٰ ﴿٢٤﴾
Angay ka kani Fir-aon, ka sinemagad I galbekin (a kadarwakan)
قَالَ رَبِّ ٱشْرَحْ لِى صَدْرِى ﴿٢٥﴾
Tigu Musa kadnang ku pagkalinawag ka salaki su laleb ku.
وَيَسِّرْ لِىٓ أَمْرِى ﴿٢٦﴾
Andu pakalmo ka salaki I galbekan ku.
وَٱحْلُلْ عُقْدَةًۭ مِّن لِّسَانِى ﴿٢٧﴾
Andu iyaawa nengka su kapontela dila ku.
يَفْقَهُوا۟ قَوْلِى ﴿٢٨﴾
Ka andu nilan kasabotan i kadtalo ku.
وَٱجْعَل لِّى وَزِيرًۭا مِّنْ أَهْلِى ﴿٢٩﴾
Andu baloy ka a maka-tabang su isa kanu pagali ku.
هَٰرُونَ أَخِى ﴿٣٠﴾
Si Haron a suled ku
ٱشْدُدْ بِهِۦٓ أَزْرِى ﴿٣١﴾
Ibageleng ka salaki.
وَأَشْرِكْهُ فِىٓ أَمْرِى ﴿٣٢﴾
Andu paamong ka kanu galbekang ku.
كَىْ نُسَبِّحَكَ كَثِيرًۭا ﴿٣٣﴾
Ka andu kami maka-tasbih salka sa madakel.
وَنَذْكُرَكَ كَثِيرًا ﴿٣٤﴾
Andu katademan nami seka sa madakel.
إِنَّكَ كُنتَ بِنَا بَصِيرًۭا ﴿٣٥﴾
Ka seka a kadnan nami i pakailay salkami.
قَالَ قَدْ أُوتِيتَ سُؤْلَكَ يَٰمُوسَىٰ ﴿٣٦﴾
Tigu Allah nakua nengka den Musa su pangenin nengka.
وَلَقَدْ مَنَنَّا عَلَيْكَ مَرَّةً أُخْرَىٰٓ ﴿٣٧﴾
Andu saben-sabenal a inenggan nami seka sa limo a nauna. (dala nengka pangenya)
إِذْ أَوْحَيْنَآ إِلَىٰٓ أُمِّكَ مَا يُوحَىٰٓ ﴿٣٨﴾
Su kutika a inilham nami kani ina nengka su inilham lon.
أَنِ ٱقْذِفِيهِ فِى ٱلتَّابُوتِ فَٱقْذِفِيهِ فِى ٱلْيَمِّ فَلْيُلْقِهِ ٱلْيَمُّ بِٱلسَّاحِلِ يَأْخُذْهُ عَدُوٌّۭ لِّى وَعَدُوٌّۭ لَّهُۥ ۚ وَأَلْقَيْتُ عَلَيْكَ مَحَبَّةًۭ مِّنِّى وَلِتُصْنَعَ عَلَىٰ عَيْنِىٓ ﴿٣٩﴾
Sa ibetad ka nin kanu KUN, andu idtog kanin sa lagat, ka isedzego lagat su kun kanu kilid sa makua nu satro ku (si Fir-aon) a satro nin su kun, andu binetadang ku seka sa makakalimo ka na makailay salka andu natuludo ka kano mata ko.
إِذْ تَمْشِىٓ أُخْتُكَ فَتَقُولُ هَلْ أَدُلُّكُمْ عَلَىٰ مَن يَكْفُلُهُۥ ۖ فَرَجَعْنَٰكَ إِلَىٰٓ أُمِّكَ كَىْ تَقَرَّ عَيْنُهَا وَلَا تَحْزَنَ ۚ وَقَتَلْتَ نَفْسًۭا فَنَجَّيْنَٰكَ مِنَ ٱلْغَمِّ وَفَتَنَّٰكَ فُتُونًۭا ۚ فَلَبِثْتَ سِنِينَ فِىٓ أَهْلِ مَدْيَنَ ثُمَّ جِئْتَ عَلَىٰ قَدَرٍۢ يَٰمُوسَىٰ ﴿٤٠﴾
Su kabpelalakao nu suldeng ka sa pidtalo nin: itutulong ku sekanu sa makatuludo sa wata anan? Na pinambalingan nami seka (Musa) kani ina nengka, ka andu makatana sekanin andu di malido I ginawa nin, andu nakapatay ka pan sa sakataw na linepas nami şeka kanu lido na ginawa nengka, andu madakel pan i ini-batalo nami salka, na natangeng ka pan sa Madyan, mauli na nakauma ka sabap kanu bagelo kadnan nengka Musa.
وَٱصْطَنَعْتُكَ لِنَفْسِى ﴿٤١﴾
Andu pinamili ku seka kanu ginawa ku.
ٱذْهَبْ أَنتَ وَأَخُوكَ بِـَٔايَٰتِى وَلَا تَنِيَا فِى ذِكْرِى ﴿٤٢﴾
Angay ka andu su suldeng ka, pananggito su tanda ku andu dinu minda i tademo salaki. (ka tasbih)
ٱذْهَبَآ إِلَىٰ فِرْعَوْنَ إِنَّهُۥ طَغَىٰ ﴿٤٣﴾
Angay kanu duwa lusa kani(Fir-aon), ka sekanina nakasagadi galbekin. (kadopangin)
فَقُولَا لَهُۥ قَوْلًۭا لَّيِّنًۭا لَّعَلَّهُۥ يَتَذَكَّرُ أَوْ يَخْشَىٰ ﴿٤٤﴾
Nad-talokanu sa kadtalo a malaanat ka basi maka-tadem atawa ma-indao atawa kagilkan.
قَالَا رَبَّنَآ إِنَّنَا نَخَافُ أَن يَفْرُطَ عَلَيْنَآ أَوْ أَن يَطْغَىٰ ﴿٤٥﴾
Tigilan kadnan nami- kagilkang kami sa pakapasangan kaminin atawa emamaslang kami nin bo.
قَالَ لَا تَخَافَآ ۖ إِنَّنِى مَعَكُمَآ أَسْمَعُ وَأَرَىٰ ﴿٤٦﴾
Tigu Allah da kanu kagilek, ka salta aku salkanu, pakakineg aku andu pakailay.
فَأْتِيَاهُ فَقُولَآ إِنَّا رَسُولَا رَبِّكَ فَأَرْسِلْ مَعَنَا بَنِىٓ إِسْرَٰٓءِيلَ وَلَا تُعَذِّبْهُمْ ۖ قَدْ جِئْنَٰكَ بِـَٔايَةٍۢ مِّن رَّبِّكَ ۖ وَٱلسَّلَٰمُ عَلَىٰ مَنِ ٱتَّبَعَ ٱلْهُدَىٰٓ ﴿٤٧﴾
Lukanu den-edtalunu duwa salkanin i duwa kanu na sinugo kanu na kadnan nengka, na paunut ka salkami su tupo nu Israel andu dika ped-siksa silan, andu saben-sabenal a aden napa-nanggitami a mga tanda abpun kanu kadnan nengka, andu su kalilintad na kanu taw a minunut sa tutulo.
إِنَّا قَدْ أُوحِىَ إِلَيْنَآ أَنَّ ٱلْعَذَابَ عَلَىٰ مَن كَذَّبَ وَتَوَلَّىٰ ﴿٤٨﴾
Ka benal a naka-wahyie salkami su siksa-na makua na taw a napan-dalbot andu dala talima (kanu Allah)
قَالَ فَمَن رَّبُّكُمَا يَٰمُوسَىٰ ﴿٤٩﴾
Tigu Fir-aon-entaini kadnanu banan o Musa?
قَالَ رَبُّنَا ٱلَّذِىٓ أَعْطَىٰ كُلَّ شَىْءٍ خَلْقَهُۥ ثُمَّ هَدَىٰ ﴿٥٠﴾
Tigu Musa-kadnan nami na su minenggay kanu langunu enggaga-isa a binaloy nin a tinutulo nin.
قَالَ فَمَا بَالُ ٱلْقُرُونِ ٱلْأُولَىٰ ﴿٥١﴾
Tigu Fir-aon- na panun den su mga law a nangauna?
قَالَ عِلْمُهَا عِندَ رَبِّى فِى كِتَٰبٍۢ ۖ لَّا يَضِلُّ رَبِّى وَلَا يَنسَى ﴿٥٢﴾
Tigu Musa- su Allah i mataw kanilan san sa kitab, ka dili malimban andu dinin lipatanan.
ٱلَّذِى جَعَلَ لَكُمُ ٱلْأَرْضَ مَهْدًۭا وَسَلَكَ لَكُمْ فِيهَا سُبُلًۭا وَأَنزَلَ مِنَ ٱلسَّمَآءِ مَآءًۭ فَأَخْرَجْنَا بِهِۦٓ أَزْوَٰجًۭا مِّن نَّبَاتٍۢ شَتَّىٰ ﴿٥٣﴾
Su Allah i minaloy salkanu kanu lupa sa nabelat, andu pinakalmuanin salkanu su lalan a bagukitanu, andu pinatulonin ebpon sa langit su ig, andu pinato nami sabap kanu ig su embalang-balangan sa madakel imbibidaayanin.
كُلُوا۟ وَٱرْعَوْا۟ أَنْعَٰمَكُمْ ۗ إِنَّ فِى ذَٰلِكَ لَءَايَٰتٍۢ لِّأُو۟لِى ٱلنُّهَىٰ ﴿٥٤﴾
Kang kanu andu tuganilo su mga binatango, nakadalem luba su mga tanda nu Allah, kanu mga taw a aden akalin.
۞ مِنْهَا خَلَقْنَٰكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ ﴿٥٥﴾
Nakabpun kanu sa lupa, makambalingan kanu bun sa lupa, andu pambuaten nami bun sekanu ebpaloman kanu kabangkit sa dunya.
وَلَقَدْ أَرَيْنَٰهُ ءَايَٰتِنَا كُلَّهَا فَكَذَّبَ وَأَبَىٰ ﴿٥٦﴾
Saben-sabenal a pinailay nami si Fir-aon sa mga tanda nami, na pinandalbotin andu dala talima.
قَالَ أَجِئْتَنَا لِتُخْرِجَنَا مِنْ أَرْضِنَا بِسِحْرِكَ يَٰمُوسَىٰ ﴿٥٧﴾
Yanin pidtalo na: yanu kiyog na matagak nami i dalpa nami sa sih'r (pakaideng ka) anan o Musa?
فَلَنَأْتِيَنَّكَ بِسِحْرٍۢ مِّثْلِهِۦ فَٱجْعَلْ بَيْنَنَا وَبَيْنَكَ مَوْعِدًۭا لَّا نُخْلِفُهُۥ نَحْنُ وَلَآ أَنتَ مَكَانًۭا سُوًۭى ﴿٥٨﴾
Na pambuatan nami seka (Musa) sa sih'r, na umbalka sa pasad anggolan tanu (o endao tanu) edtalaboka sa di tanu kapasangan tanan.
قَالَ مَوْعِدُكُمْ يَوْمُ ٱلزِّينَةِ وَأَن يُحْشَرَ ٱلنَّاسُ ضُحًۭى ﴿٥٩﴾
Tigu Musa: gay a kangabuligo, andu gay a mabolig su mga taw sa mapita-pita.
فَتَوَلَّىٰ فِرْعَوْنُ فَجَمَعَ كَيْدَهُۥ ثُمَّ أَتَىٰ ﴿٦٠﴾
Ginumanat si Fir-aon ka binuligin su mga mataw sa sih'r. (pakaid). mauli na mimbalingan. (kanu Musa)
قَالَ لَهُم مُّوسَىٰ وَيْلَكُمْ لَا تَفْتَرُوا۟ عَلَى ٱللَّهِ كَذِبًۭا فَيُسْحِتَكُم بِعَذَابٍۢ ۖ وَقَدْ خَابَ مَنِ ٱفْتَرَىٰ ﴿٦١﴾
Tigu Musa (kanu mga taw) duwan-duwanu, da kanu pedtetebo sa Allah sa kalbotan ka binasang kanu nin sa siksa,andu saben-sabenal a nalogo su pedtetebo.
فَتَنَٰزَعُوٓا۟ أَمْرَهُم بَيْنَهُمْ وَأَسَرُّوا۟ ٱلنَّجْوَىٰ ﴿٦٢﴾
Na mibpapalawa silan andu magumpong silan, andu namagedonga silan.
قَالُوٓا۟ إِنْ هَٰذَٰنِ لَسَٰحِرَٰنِ يُرِيدَانِ أَن يُخْرِجَاكُم مِّنْ أَرْضِكُم بِسِحْرِهِمَا وَيَذْهَبَا بِطَرِيقَتِكُمُ ٱلْمُثْلَىٰ ﴿٦٣﴾
Pidtalo nilan: duwa kataw anan na mategel sa sih'r, na kiyogilan na pa-awan kanu nilan kanu dalpa nu, kanu pakaidilan duwa, ka silan i magagao kanu bagayananu, andu silan i mamaday i kiyogin kanu madakel a taw.
فَأَجْمِعُوا۟ كَيْدَكُمْ ثُمَّ ٱئْتُوا۟ صَفًّۭا ۚ وَقَدْ أَفْلَحَ ٱلْيَوْمَ مَنِ ٱسْتَعْلَىٰ ﴿٦٤﴾
Na buligo den i lekitanu a mga pakaid sa zap kanu (dutundog kanu),ka saben-sabenal a badtogan saguna su tumalao ka ya mapulo.
قَالُوا۟ يَٰمُوسَىٰٓ إِمَّآ أَن تُلْقِىَ وَإِمَّآ أَن نَّكُونَ أَوَّلَ مَنْ أَلْقَىٰ ﴿٦٥﴾
Tigilan O Musa seka i muna motawan sa kategelan atawa sekami i muna motawan?
قَالَ بَلْ أَلْقُوا۟ ۖ فَإِذَا حِبَالُهُمْ وَعِصِيُّهُمْ يُخَيَّلُ إِلَيْهِ مِن سِحْرِهِمْ أَنَّهَا تَسْعَىٰ ﴿٦٦﴾
Tigu Musa butawang kanu den, su mga tali nilan andu su mga ped na ya kailay lon na mana mga nipay a belansag, ugayda dikena benal ka salimpang bo.
فَأَوْجَسَ فِى نَفْسِهِۦ خِيفَةًۭ مُّوسَىٰ ﴿٦٧﴾
Kinemedo i paido a andam kanu ginawa ni Musa.
قُلْنَا لَا تَخَفْ إِنَّكَ أَنتَ ٱلْأَعْلَىٰ ﴿٦٨﴾
(tigu Allah) pidtalo nami (kani Musa) daka pegkagilek, ka seka bun i makapulo.
وَأَلْقِ مَا فِى يَمِينِكَ تَلْقَفْ مَا صَنَعُوٓا۟ ۖ إِنَّمَا صَنَعُوا۟ كَيْدُ سَٰحِرٍۢ ۖ وَلَا يُفْلِحُ ٱلسَّاحِرُ حَيْثُ أَتَىٰ ﴿٦٩﴾
Andu pitasi ka inan sa lima nengka sa panakabenin su langunu pinambuat nilan ka ento na kapandayan (inumbal) na sih'r andu di maka-untong su bara-sih'r, sa apiya ngin pan i kataw nilan.(sa sih'r)
فَأُلْقِىَ ٱلسَّحَرَةُ سُجَّدًۭا قَالُوٓا۟ ءَامَنَّا بِرَبِّ هَٰرُونَ وَمُوسَىٰ ﴿٧٠﴾
Nakambaba su mga sih'r a nama-kasujod, pidtalo nilan nangimbenal kami kanu kadnanu Haron andu su Musa.
قَالَ ءَامَنتُمْ لَهُۥ قَبْلَ أَنْ ءَاذَنَ لَكُمْ ۖ إِنَّهُۥ لَكَبِيرُكُمُ ٱلَّذِى عَلَّمَكُمُ ٱلسِّحْرَ ۖ فَلَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَٰفٍۢ وَلَأُصَلِّبَنَّكُمْ فِى جُذُوعِ ٱلنَّخْلِ وَلَتَعْلَمُنَّ أَيُّنَآ أَشَدُّ عَذَابًۭا وَأَبْقَىٰ ﴿٧١﴾
Tigu Fir-aon: babaya kanu den nangimbenal (kani Musa) sa daku pan isugo salkanu (i mangimbenal kanu), namando banan salkanu sa sih'r (a si Musa) i dopang, panebpedang ku sekanusa lima andu ay a zatiman, andu bitineng ku sekanu san sa mga kayu-kulma andu nu katawan o entaini mapasang i siksa nin, andu masama, (saki atawa su kadnani Musa?)
قَالُوا۟ لَن نُّؤْثِرَكَ عَلَىٰ مَا جَآءَنَا مِنَ ٱلْبَيِّنَٰتِ وَٱلَّذِى فَطَرَنَا ۖ فَٱقْضِ مَآ أَنتَ قَاضٍ ۖ إِنَّمَا تَقْضِى هَٰذِهِ ٱلْحَيَوٰةَ ٱلدُّنْيَآ ﴿٧٢﴾
Tigilan (kani Fir-aon) dinami i labi seka kanu nakauma salkami a mga tanda a mapayag a kanu Allah a minaloy salkami, naggula ka den i kiyogeng ka a penggulan nengka sya sa dunya. (aden bun siksa nengka sa gay a mauli)
إِنَّآ ءَامَنَّا بِرَبِّنَا لِيَغْفِرَ لَنَا خَطَٰيَٰنَا وَمَآ أَكْرَهْتَنَا عَلَيْهِ مِنَ ٱلسِّحْرِ ۗ وَٱللَّهُ خَيْرٌۭ وَأَبْقَىٰٓ ﴿٧٣﴾
Benal a nangimbenal kami sa kadnan nami ka andu nin ma-ampon salkami su mga kadusan nami andu (ipa-ampon) nami su inipegeseng ka salkami a sih'r, andu su Allah i mapiya andu nya bo gasama.
إِنَّهُۥ مَن يَأْتِ رَبَّهُۥ مُجْرِمًۭا فَإِنَّ لَهُۥ جَهَنَّمَ لَا يَمُوتُ فِيهَا وَلَا يَحْيَىٰ ﴿٧٤﴾
Benal sa su taw a kaumanin sa kadnanin na baradusa sekanin na lekanin su Jahannam sa di matay na di bun madtalo a bibyag.
وَمَن يَأْتِهِۦ مُؤْمِنًۭا قَدْ عَمِلَ ٱلصَّٰلِحَٰتِ فَأُو۟لَٰٓئِكَ لَهُمُ ٱلدَّرَجَٰتُ ٱلْعُلَىٰ ﴿٧٥﴾
Andu su makauma salkanin (a Allah) a Mu'min a minggalbek sa mapiya- na silan i aden bangkatanin a mapulo sa surga.
جَنَّٰتُ عَدْنٍۢ تَجْرِى مِن تَحْتِهَا ٱلْأَنْهَٰرُ خَٰلِدِينَ فِيهَا ۚ وَذَٰلِكَ جَزَآءُ مَن تَزَكَّىٰ ﴿٧٦﴾
Surga a Jannato Ad'n a belagilay sa kababanin i mga polangi sa dayon silan kanu surga, entoba na kanu entaini mid-sutie sa kadusan.
وَلَقَدْ أَوْحَيْنَآ إِلَىٰ مُوسَىٰٓ أَنْ أَسْرِ بِعِبَادِى فَٱضْرِبْ لَهُمْ طَرِيقًۭا فِى ٱلْبَحْرِ يَبَسًۭا لَّا تَخَٰفُ دَرَكًۭا وَلَا تَخْشَىٰ ﴿٧٧﴾
Andu saben-sabenal a ini-wahyie nami kanu Musa i ilalakao nengka su mga ulipeng ku sa magabi, na betay ka (sa tungkat) su lagat a kaukitanilan sa egkamala, dika kagilkan sa maguskanu (ni Fir-aon) andu dika maled.
فَأَتْبَعَهُمْ فِرْعَوْنُ بِجُنُودِهِۦ فَغَشِيَهُم مِّنَ ٱلْيَمِّ مَا غَشِيَهُمْ ﴿٧٨﴾
Sinaled silani Fir-aon kanu mga tantara nin (sundalo) na naled silan kanu lagat namakageled silan.
وَأَضَلَّ فِرْعَوْنُ قَوْمَهُۥ وَمَا هَدَىٰ ﴿٧٩﴾
Andu natadinganu Fir-aon su mga tantara nin, andu dala maka-tuntol.
يَٰبَنِىٓ إِسْرَٰٓءِيلَ قَدْ أَنجَيْنَٰكُم مِّنْ عَدُوِّكُمْ وَوَٰعَدْنَٰكُمْ جَانِبَ ٱلطُّورِ ٱلْأَيْمَنَ وَنَزَّلْنَا عَلَيْكُمُ ٱلْمَنَّ وَٱلسَّلْوَىٰ ﴿٨٠﴾
Sekanu a mga tupo na Israel-na saben-sabenal a linepas nami sekanu kanu satrunu, andu pibpasadan nami sekanu siya kanu pipinu palaw sa kawanan, andu initulon nami su pegkenu a Man andu Salwah, (pegken a mga mapiya, sa dalma 40 lagon sa dinilan kalugatan)
كُلُوا۟ مِن طَيِّبَٰتِ مَا رَزَقْنَٰكُمْ وَلَا تَطْغَوْا۟ فِيهِ فَيَحِلَّ عَلَيْكُمْ غَضَبِى ۖ وَمَن يَحْلِلْ عَلَيْهِ غَضَبِى فَقَدْ هَوَىٰ ﴿٨١﴾
Kang kanu, kanu mapiya a ini-ridzqi nami salkanu, andu dakanu endarwaka ka makauma salkanu su lipunget ku, su taw a naumanu lipunget ku nantoba i taw a nakalondang.
وَإِنِّى لَغَفَّارٌۭ لِّمَن تَابَ وَءَامَنَ وَعَمِلَ صَٰلِحًۭا ثُمَّ ٱهْتَدَىٰ ﴿٨٢﴾
Andu saki na mangampon aku kanu mid- tawbat a nangimbenal andu ming-galbek sa mapiya, mauli na mid-tidto.
۞ وَمَآ أَعْجَلَكَ عَن قَوْمِكَ يَٰمُوسَىٰ ﴿٨٣﴾
(tigu Allah) nginan ka bamagayas ka sa gaunanan nengka pan su mga taw nengka o Musa?
قَالَ هُمْ أُو۟لَآءِ عَلَىٰٓ أَثَرِى وَعَجِلْتُ إِلَيْكَ رَبِّ لِتَرْضَىٰ ﴿٨٤﴾
Tigu Musa tundogen aku nilan bo, andu namagayas aku salka a kadnang ku ka andu aku nengka gasuwatan.
قَالَ فَإِنَّا قَدْ فَتَنَّا قَوْمَكَ مِنۢ بَعْدِكَ وَأَضَلَّهُمُ ٱلسَّامِرِىُّ ﴿٨٥﴾
Tigu Allah benal i binatalo nami su taw nengka sa ulyana kina-ganat nengka, ka tinading silan ni Samiri. (Samiri isa a mama a namando sa sakuto)
فَرَجَعَ مُوسَىٰٓ إِلَىٰ قَوْمِهِۦ غَضْبَٰنَ أَسِفًۭا ۚ قَالَ يَٰقَوْمِ أَلَمْ يَعِدْكُمْ رَبُّكُمْ وَعْدًا حَسَنًا ۚ أَفَطَالَ عَلَيْكُمُ ٱلْعَهْدُ أَمْ أَرَدتُّمْ أَن يَحِلَّ عَلَيْكُمْ غَضَبٌۭ مِّن رَّبِّكُمْ فَأَخْلَفْتُم مَّوْعِدِى ﴿٨٦﴾
Minuli si Musa kanu taw nin sa galipunget a galido i ginawa nin, tigin kanu taw nin: O mga taw ku dikena ba pibpasadan kanu nu kadnanu sa pasad a mapiya? Nginto nauget su pasad? atawa ka yanu kiyogan na makauma salkanu su lipunget abpun sa kadnanu ka dala nu tumana su pasado salaki?
قَالُوا۟ مَآ أَخْلَفْنَا مَوْعِدَكَ بِمَلْكِنَا وَلَٰكِنَّا حُمِّلْنَآ أَوْزَارًۭا مِّن زِينَةِ ٱلْقَوْمِ فَقَذَفْنَٰهَا فَكَذَٰلِكَ أَلْقَى ٱلسَّامِرِىُّ ﴿٨٧﴾
Tigilan: dikena bun sa da nami tumana su pasad sa kiyogami, ugayda pinait kami sa tamok a palahayasanu mga taw (ni Fir-aon) inibetadami sa apoy na tinaguwan sa lupa ni Samiri.
فَأَخْرَجَ لَهُمْ عِجْلًۭا جَسَدًۭا لَّهُۥ خُوَارٌۭ فَقَالُوا۟ هَٰذَآ إِلَٰهُكُمْ وَإِلَٰهُ مُوسَىٰ فَنَسِىَ ﴿٨٨﴾
Andu pinagemao ni (Samiri) i sapi a aden uni- nin, na yanin pidtalo na nya ba i kadnanu andu kadnanu Musa a natagakin.
أَفَلَا يَرَوْنَ أَلَّا يَرْجِعُ إِلَيْهِمْ قَوْلًۭا وَلَا يَمْلِكُ لَهُمْ ضَرًّۭا وَلَا نَفْعًۭا ﴿٨٩﴾
Di nilan gailay i di makasumpat sa kadtalo (amyaka imbityalay nilan) andu di makagkaid kanilan, andu di makam-barapantag.
وَلَقَدْ قَالَ لَهُمْ هَٰرُونُ مِن قَبْلُ يَٰقَوْمِ إِنَّمَا فُتِنتُم بِهِۦ ۖ وَإِنَّ رَبَّكُمُ ٱلرَّحْمَٰنُ فَٱتَّبِعُونِى وَأَطِيعُوٓا۟ أَمْرِى ﴿٩٠﴾
Andu saben-sabenal a pidtalo buni Haron kanilan sa dapan makauma (si Musa) sekanu a mga taw na nafitnah kanu, ka yanu man kadnan su Rahman, unuti aku nu andu paginugoti aku nu.
قَالُوا۟ لَن نَّبْرَحَ عَلَيْهِ عَٰكِفِينَ حَتَّىٰ يَرْجِعَ إِلَيْنَا مُوسَىٰ ﴿٩١﴾
Ya nilan pidtalo na di nami telan semimba (su sapi) sa taman a dipan makauli si Musa.
قَالَ يَٰهَٰرُونُ مَا مَنَعَكَ إِذْ رَأَيْتَهُمْ ضَلُّوٓا۟ ﴿٩٢﴾
Tigu Musa kani Haron: ngini nakasapal salka sa kina-ilainengka sa kanilan sa natading a dala nengka silan sapali?
أَلَّا تَتَّبِعَنِ ۖ أَفَعَصَيْتَ أَمْرِى ﴿٩٣﴾
Di aku nengka baginugotan? Andu pedsangkan nengka i suguwang ku?
قَالَ يَبْنَؤُمَّ لَا تَأْخُذْ بِلِحْيَتِى وَلَا بِرَأْسِىٓ ۖ إِنِّى خَشِيتُ أَن تَقُولَ فَرَّقْتَ بَيْنَ بَنِىٓ إِسْرَٰٓءِيلَ وَلَمْ تَرْقُبْ قَوْلِى ﴿٩٤﴾
Tigu Haron: Hee wata ni ina dika peg-kakangi su sumpaku andu su bok ku, ka benal a saki na nagilkan aku sa madtalo nengka i pinab-pipitas ku su tupo nu Israel, na di nengka ipamamantag su kadtalo ku sa nailay ku.
قَالَ فَمَا خَطْبُكَ يَٰسَٰمِرِىُّ ﴿٩٥﴾
Tigu Musa: ngini gatago sa ginawa nengka O Samiri?
قَالَ بَصُرْتُ بِمَا لَمْ يَبْصُرُوا۟ بِهِۦ فَقَبَضْتُ قَبْضَةًۭ مِّنْ أَثَرِ ٱلرَّسُولِ فَنَبَذْتُهَا وَكَذَٰلِكَ سَوَّلَتْ لِى نَفْسِى ﴿٩٦﴾
Tigin: aden natawang ku a da nilan katawi, kinumua aku sa kanu lupa a nadampuwanu kuda ni (Jibriel) initaguku kanu sapi, nantoba i suguwanu ginawa ku salaki.
قَالَ فَٱذْهَبْ فَإِنَّ لَكَ فِى ٱلْحَيَوٰةِ أَن تَقُولَ لَا مِسَاسَ ۖ وَإِنَّ لَكَ مَوْعِدًۭا لَّن تُخْلَفَهُۥ ۖ وَٱنظُرْ إِلَىٰٓ إِلَٰهِكَ ٱلَّذِى ظَلْتَ عَلَيْهِ عَاكِفًۭا ۖ لَّنُحَرِّقَنَّهُۥ ثُمَّ لَنَنسِفَنَّهُۥ فِى ٱلْيَمِّ نَسْفًا ﴿٩٧﴾
Tigu Musa: aawa ka sya, andu tamana dika matay na edtaloka I di aku nu ped-supegi, andu aden pon pasad a kasiksa salka a di nengka malipos, andu ilaika su kadnan nengka saguna a sinimba nengka ka tutongen nami, mauli na idtogami sa maka-bayoga sambel sa lagat.
إِنَّمَآ إِلَٰهُكُمُ ٱللَّهُ ٱلَّذِى لَآ إِلَٰهَ إِلَّا هُوَ ۚ وَسِعَ كُلَّ شَىْءٍ عِلْمًۭا ﴿٩٨﴾
Ka-yanu bun man kadnan su Allah a dala wagib a ped-simban ya tabiya na sekanin a langkap su kataw nin kanu enggaga-isa.
كَذَٰلِكَ نَقُصُّ عَلَيْكَ مِنْ أَنۢبَآءِ مَا قَدْ سَبَقَ ۚ وَقَدْ ءَاتَيْنَٰكَ مِن لَّدُنَّا ذِكْرًۭا ﴿٩٩﴾
Mamba i kapanudtolan nami salka (Muhammad) kanu tudtulanu nangauna andu inenggay nami abpun salkami su Qur-an.
مَّنْ أَعْرَضَ عَنْهُ فَإِنَّهُۥ يَحْمِلُ يَوْمَ ٱلْقِيَٰمَةِ وِزْرًا ﴿١٠٠﴾
Su di tumalima kanu (Qur-an) na kaugatan sa gay a mauli kanu kadusanin a kasiksanin.
خَٰلِدِينَ فِيهِ ۖ وَسَآءَ لَهُمْ يَوْمَ ٱلْقِيَٰمَةِ حِمْلًۭا ﴿١٠١﴾
Sa di den silan makalio sa naraka andu sangati kaawagin sa gay a mauli i gapananggit nilan.
يَوْمَ يُنفَخُ فِى ٱلصُّورِ ۚ وَنَحْشُرُ ٱلْمُجْرِمِينَ يَوْمَئِذٍۢ زُرْقًۭا ﴿١٠٢﴾
Su gay a kayup kanu sanggakala andu boligen nami su mga baradusa sa migkabilo su mata nilan.
يَتَخَٰفَتُونَ بَيْنَهُمْ إِن لَّبِثْتُمْ إِلَّا عَشْرًۭا ﴿١٠٣﴾
Na di silan makdtalo sa matanug (sabap kanu kapasangangó ganggola) (ya nilan ipagedonga) na paido gayd i gay tanu (lusa dunya) ka naka-sapulo gay bo. 16
نَّحْنُ أَعْلَمُ بِمَا يَقُولُونَ إِذْ يَقُولُ أَمْثَلُهُمْ طَرِيقَةً إِن لَّبِثْتُمْ إِلَّا يَوْمًۭا ﴿١٠٤﴾
104 .Tigu Allah: katawan nami i kadtalo nilan, na madtalunu maungangen kanilan su bantang sa naka sagay kanu bo sa dunya.
وَيَسْـَٔلُونَكَ عَنِ ٱلْجِبَالِ فَقُلْ يَنسِفُهَا رَبِّى نَسْفًۭا ﴿١٠٥﴾
Andu ibagidsa nilan o panun su mga palaw, nadtalao ka kanilan i pabayogenu Allah sa ulyana kalopetin.
فَيَذَرُهَا قَاعًۭا صَفْصَفًۭا ﴿١٠٦﴾
Itagaku Allah sa nadatal a mamagidsan.
لَّا تَرَىٰ فِيهَا عِوَجًۭا وَلَآ أَمْتًۭا ﴿١٠٧﴾
Dala mailay nengka a mababa andu mapulo.
يَوْمَئِذٍۢ يَتَّبِعُونَ ٱلدَّاعِىَ لَا عِوَجَ لَهُۥ ۖ وَخَشَعَتِ ٱلْأَصْوَاتُ لِلرَّحْمَٰنِ فَلَا تَسْمَعُ إِلَّا هَمْسًۭا ﴿١٠٨﴾
Antu ba a gay na yanilan talukunan (unutan) su bananawag sa dinilan magaga i dinilan kaunutan, andu dala den suara ka lubo tanan sa Allah, na dala makineg nengka ya tabiya na unina sangkad.
يَوْمَئِذٍۢ لَّا تَنفَعُ ٱلشَّفَٰعَةُ إِلَّا مَنْ أَذِنَ لَهُ ٱلرَّحْمَٰنُ وَرَضِىَ لَهُۥ قَوْلًۭا ﴿١٠٩﴾
Namba a gay na dala makad-tabang ya tabiya na su sinugutanu Allah, andu nasuwatani kadtalo nin.
يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِهِۦ عِلْمًۭا ﴿١١٠﴾
Katawanu Allah i kasangolan nilan (sa gay a mauli) andu su nataligkudan nilan (sya sa dunya), andu da nilan kalangkapi na kataw.
۞ وَعَنَتِ ٱلْوُجُوهُ لِلْحَىِّ ٱلْقَيُّومِ ۖ وَقَدْ خَابَ مَنْ حَمَلَ ظُلْمًۭا ﴿١١١﴾
Andu nakambaba su mga biyas lusa Allah andu nalogi den su nananggit sa sakuto sa Allah.
وَمَن يَعْمَلْ مِنَ ٱلصَّٰلِحَٰتِ وَهُوَ مُؤْمِنٌۭ فَلَا يَخَافُ ظُلْمًۭا وَلَا هَضْمًۭا ﴿١١٢﴾
Andu su minggalbek sa mapiya a Mu'min, na sekanin na di magilk sa kaumaanin a kawagan atawa (di mangandam) sa kakulangani kapiyanin.
وَكَذَٰلِكَ أَنزَلْنَٰهُ قُرْءَانًا عَرَبِيًّۭا وَصَرَّفْنَا فِيهِ مِنَ ٱلْوَعِيدِ لَعَلَّهُمْ يَتَّقُونَ أَوْ يُحْدِثُ لَهُمْ ذِكْرًۭا ﴿١١٣﴾
Andu pinatulon nami salka (Muhammad) su Qur-an sa basa na arab, andu pidtinatad nami su maka-gilek, ka malmo kanilan i kagilkan silan atawa ka maka-pagombaya silan.
فَتَعَٰلَى ٱللَّهُ ٱلْمَلِكُ ٱلْحَقُّ ۗ وَلَا تَعْجَلْ بِٱلْقُرْءَانِ مِن قَبْلِ أَن يُقْضَىٰٓ إِلَيْكَ وَحْيُهُۥ ۖ وَقُل رَّبِّ زِدْنِى عِلْمًۭا ﴿١١٤﴾
Mahasutie su Allah a dato a tidto, andu dika bamagayasi su Qur-an sa di pan gapasad i kape- wahie lon salka, andu yaka edtalo na kadnang ku umani aku sa kataw.
وَلَقَدْ عَهِدْنَآ إِلَىٰٓ ءَادَمَ مِن قَبْلُ فَنَسِىَ وَلَمْ نَجِدْ لَهُۥ عَزْمًۭا ﴿١١٥﴾
Andu saben-sabenal a mibpasada kami sa kani Adam kanu nauna, na lipatananin andu dala nami maparoli salkanin i katigkel.
وَإِذْ قُلْنَا لِلْمَلَٰٓئِكَةِ ٱسْجُدُوا۟ لِءَادَمَ فَسَجَدُوٓا۟ إِلَّآ إِبْلِيسَ أَبَىٰ ﴿١١٦﴾
Andu pidtalo nami kanu mga Malaa-ikat I sujudinu si Adam, na sinumujod silan-ya tabiya na su Iblis ka minenda.
فَقُلْنَا يَٰٓـَٔادَمُ إِنَّ هَٰذَا عَدُوٌّۭ لَّكَ وَلِزَوْجِكَ فَلَا يُخْرِجَنَّكُمَا مِنَ ٱلْجَنَّةِ فَتَشْقَىٰٓ ﴿١١٧﴾
Na pidtalo nami kani Adam I namab na satro nengka andu si kaluma nengka, na dakanu enggola sa makapalio kanu nin sa surga ka malogat ka sa kapagoyag.
إِنَّ لَكَ أَلَّا تَجُوعَ فِيهَا وَلَا تَعْرَىٰ ﴿١١٨﴾
Ka dika magotem sya sa surga andu dika mabusukul.
وَأَنَّكَ لَا تَظْمَؤُا۟ فِيهَا وَلَا تَضْحَىٰ ﴿١١٩﴾
Andu dika gemedam sa kawao, andu dika kasenangan.
فَوَسْوَسَ إِلَيْهِ ٱلشَّيْطَٰنُ قَالَ يَٰٓـَٔادَمُ هَلْ أَدُلُّكَ عَلَىٰ شَجَرَةِ ٱلْخُلْدِ وَمُلْكٍۢ لَّا يَبْلَىٰ ﴿١٢٠﴾
Na sinasata shaitan, ka yanin pidtalo na O Adam tutulong ku sekanu sa kayu a makan sa dika makalio sa surga andu ka-dato a da kadtamanin?
فَأَكَلَا مِنْهَا فَبَدَتْ لَهُمَا سَوْءَٰتُهُمَا وَطَفِقَا يَخْصِفَانِ عَلَيْهِمَا مِن وَرَقِ ٱلْجَنَّةِ ۚ وَعَصَىٰٓ ءَادَمُ رَبَّهُۥ فَغَوَىٰ ﴿١٢١﴾
Kinuman silan kanu (unga) na kayu, na naswan su aurato umani-isa kanilan, andu umani-isa na nakakua sa loon a kayu a pakasapengin sa auratin, andu nasupaku Adam su kadnanin sa nakasulak.
ثُمَّ ٱجْتَبَٰهُ رَبُّهُۥ فَتَابَ عَلَيْهِ وَهَدَىٰ ﴿١٢٢﴾
Mauli na pinamilinu kadnanin, andu tinaubatin andu tinutulo nin.
قَالَ ٱهْبِطَا مِنْهَا جَمِيعًۢا ۖ بَعْضُكُمْ لِبَعْضٍ عَدُوٌّۭ ۖ فَإِمَّا يَأْتِيَنَّكُم مِّنِّى هُدًۭى فَمَنِ ٱتَّبَعَ هُدَاىَ فَلَا يَضِلُّ وَلَا يَشْقَىٰ ﴿١٢٣﴾
Tigu Allah: embaba kanu langon (lusa lupa) sa yanu enggolan su di kapamagayon, na makauma bun su tutulo ku (salkanu), su taw a tumuntol kanu tutulo na di matading andu di makaduwan-duwan sa gay a mauli.
وَمَنْ أَعْرَضَ عَن ذِكْرِى فَإِنَّ لَهُۥ مَعِيشَةًۭ ضَنكًۭا وَنَحْشُرُهُۥ يَوْمَ ٱلْقِيَٰمَةِ أَعْمَىٰ ﴿١٢٤﴾
Andu su di tumalima kanu Qur-an ku, na aden kauyaganin a masimpit, (atawa siksa sa Qubor) andu boligen nami sekanilan sa gay a mauli a napisek.
قَالَ رَبِّ لِمَ حَشَرْتَنِىٓ أَعْمَىٰ وَقَدْ كُنتُ بَصِيرًۭا ﴿١٢٥﴾
yanin madtalo: kadnang ku nginya ka piseka ku, na saben-sabenal a dikena aku pisek?
قَالَ كَذَٰلِكَ أَتَتْكَ ءَايَٰتُنَا فَنَسِيتَهَا ۖ وَكَذَٰلِكَ ٱلْيَوْمَ تُنسَىٰ ﴿١٢٦﴾
126 Tigu Allah-kaginan nakauma salka su mga tanda nami (Qur-an) na tinagakeng ka na tagakeng ka mambo san sa naraka.
وَكَذَٰلِكَ نَجْزِى مَنْ أَسْرَفَ وَلَمْ يُؤْمِنۢ بِـَٔايَٰتِ رَبِّهِۦ ۚ وَلَعَذَابُ ٱلْءَاخِرَةِ أَشَدُّ وَأَبْقَىٰٓ ﴿١٢٧﴾
Andu mamba i kabalasami kanu Mushrik andu dala pangimbenal kanu ayatanu kadnanin, andu su siksa sa gay a mauli i mapasang a di gapinda.
أَفَلَمْ يَهْدِ لَهُمْ كَمْ أَهْلَكْنَا قَبْلَهُم مِّنَ ٱلْقُرُونِ يَمْشُونَ فِى مَسَٰكِنِهِمْ ۗ إِنَّ فِى ذَٰلِكَ لَءَايَٰتٍۢ لِّأُو۟لِى ٱلنُّهَىٰ ﴿١٢٨﴾
Ngintu ka di pan makatutulo kanilan su bininasa nami a madakel a mga taw a nangauna pan kanilan, na belalakao bun silan kanu mga dalpa a nangabinasa, nantoba na mga tandanu Allah kanu mga taw a aden akalin.
وَلَوْلَا كَلِمَةٌۭ سَبَقَتْ مِن رَّبِّكَ لَكَانَ لِزَامًۭا وَأَجَلٌۭ مُّسَمًّۭى ﴿١٢٩﴾
U dikana bo nauna den su kadtalo abpun kanu kadnan nengka na wagib den i binasan silan andu siksan silan.
فَٱصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ ٱلشَّمْسِ وَقَبْلَ غُرُوبِهَا ۖ وَمِنْ ءَانَآئِ ٱلَّيْلِ فَسَبِّحْ وَأَطْرَافَ ٱلنَّهَارِ لَعَلَّكَ تَرْضَىٰ ﴿١٣٠﴾
Na tigkel ka (Muhammad) kanu kadtalo nilan, andu tasbih ka sa pugi nengka kanu kadnan nengka sa di pan makasebang su senang andu di pan ped-sedep, andu ped kanu magabi, na tasbih ka kanu malmag, ka kasuwatang ka. (nu kadnan)
وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِۦٓ أَزْوَٰجًۭا مِّنْهُمْ زَهْرَةَ ٱلْحَيَوٰةِ ٱلدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌۭ وَأَبْقَىٰ ﴿١٣١﴾
Andu dika pedtuliki (pedsekeli) su nakakua sa embalangana mapiya sya sa dunya, ka ipembatalo nami kanilan, su ridzqi (su pahala) kanu kadnan negka na ya labi i kapiya nin andu ya gasama.
وَأْمُرْ أَهْلَكَ بِٱلصَّلَوٰةِ وَٱصْطَبِرْ عَلَيْهَا ۖ لَا نَسْـَٔلُكَ رِزْقًۭا ۖ نَّحْنُ نَرْزُقُكَ ۗ وَٱلْعَٰقِبَةُ لِلتَّقْوَىٰ ﴿١٣٢﴾
Andu sugo ka su kaluma nengka sa kad- sambayang andu zabarika, ka dikena kami pegkua sa ridzqi nengka, ka sekami i peridzqi salka, andu su surga na sya sa gilek sa Allah.
وَقَالُوا۟ لَوْلَا يَأْتِينَا بِـَٔايَةٍۢ مِّن رَّبِّهِۦٓ ۚ أَوَلَمْ تَأْتِهِم بَيِّنَةُ مَا فِى ٱلصُّحُفِ ٱلْأُولَىٰ ﴿١٣٣﴾
Andu pidtalo nilan o nya ba ka enggan tanu nin sa ayat abpun sa kadnanin, na nakauma bun kanilan su mapayag lukanu mga kitab a nauna. (mana su Taurat-Injil)
وَلَوْ أَنَّآ أَهْلَكْنَٰهُم بِعَذَابٍۢ مِّن قَبْلِهِۦ لَقَالُوا۟ رَبَّنَا لَوْلَآ أَرْسَلْتَ إِلَيْنَا رَسُولًۭا فَنَتَّبِعَ ءَايَٰتِكَ مِن قَبْلِ أَن نَّذِلَّ وَنَخْزَىٰ ﴿١٣٤﴾
Andu o siniksa nami menem silan sa siksa sa dapan makauma (su Qur-an) na ya nilan menem edtalon na: kadnan nami o nya ba ka aden sinugo nengka salkami a sinugo, ka unutan nami su ayatan nengka sa di kami pan makalosak (sa gay a mauli), andu di kami pan paka-naraka.
قُلْ كُلٌّۭ مُّتَرَبِّصٌۭ فَتَرَبَّصُوا۟ ۖ فَسَتَعْلَمُونَ مَنْ أَصْحَٰبُ ٱلصِّرَٰطِ ٱلسَّوِىِّ وَمَنِ ٱهْتَدَىٰ ﴿١٣٥﴾
Edtaloka (Muhammad) umani-isa salkitanu na magangap, na pagangap kanu den mon, ka di sumala na katawanu bun untaini nakabantang sa lalan a matidto andu nakatuntol.
Share