Itingguma nu Allah su gaya mauli, na dinu pedtagadi, mahasutiesu Allah, andu mapulo sekanin kanu (langon) a iped- sakuto nilan.
Ipedtulunu Allah su mga malaa-ikat sa wahie sa sugowaninkanu entaini kag-kahanda nin kanu mgaulipenin, i pakatawinu kanu mga taw i dala ped-simban ya tabiya nasaki (Allah) na ikagilka konu.
Binaluy nin su mga langit andu lupa sa haqq, mapulo su Allah kanu (langon) a iped-sakuto nilan.
Binaloy nami su manusya sa nutfah (nakad-simbul a ig- nu mama-babay)na kenaka taukagen sa mapayag.
Andu binaloy nin salkanu su mgabinatang- gambalegkasu i bumbulin,andu madakeli kataganin, andu sukaped lun na pegkenu.
Aden salkanu i kapiya na palaskaped- sedsego lun (kalinyan mangingilay) lusa banad-taban nin, andu su kapaulinulun. (kanu bagigananin)
Belolanan nu kanu maugat, (amaykabagangay kanu) sa isaa dalpa sa dinu magaga (su mga lulan) ya tabiya na kapasangan kanu a benal, ka benal su kadnanu na malasam a malimu.
Su kuda, andu bigaal, andu himaar na peg-kudanu, andu kapalasanu, andu pem- balowinu Allah i madakel a dinu katawan.
Su agama nu Allah i mapiya a lalan, aden bun semibay, andu o pigkahandabu nu Allah na natutulo kanu langon.
Su Allah i napatulun ebponsa langit(sa ig) a lekanu luba i baginumenu, andu bageto su kayo a pegkenu binatango.
Pab-pagetonin sabap kanu ig sum pamulanu a zaiton andu kayo-kulma andu su inab', andu su mga unga amadakel, na langona entoba na tandanu kapeg-kagaga nu Allah kanu mga taw a pamikir sa matidalem.
Andu pakag-kapiya salkanu su magabi andu malmag, andu senang andu ulan ulan andu biton, kahanda nu allah i pedtatanggunut (kanu sugowan)nakadalem luba su tandanu Allah kan mga taw a aden akalin.
Andu inibetadin salkanu sya salupa i mimbalang- balang, saben-sabenal a luba su tanda nu Allah kanu mga taw a manga-ngalendem.
Sekanin i napam-barapantagsalkanu sa lagat- sa kanu seda a mailaw, andu bagabaten nu salagat i pagigimuan(mgamuntya andu ped pan) apemba-balegkasenu, andu kailay nengka su bagedan (sa lagat) sa gaupakin su lagat sa kabpangilainu kanu limo nu Allah, na malmo-lemo i makad-sukor kanu.
Inibetadin kanu lupa i mga palaw a makatigel salkanu, andu mga polangi (andu kanu makainum) andu mga lalan, na malmo i maka-tuntol kanu.
Andu binaloy nin a mga tandanu lalan (kanu malmag) andu mgabiton (kanumagabi) a maka- tuntol silan (a mga taw)
Di maka-pagidsan su (aden) nabaloynin (su Allah) kanu dala gabaloy nina (barahala) ngintu ka dikanumaka-tadem-di kanu ma-indao?
U bilange nu su limo nu Allah na dinu magaga milang, su Allah na bangampon a malimu.
Su Allah na katawanin suibagema nu andu su ipeb-payago.
SU ped-simba sa salakaw sa Allah a dala gabaloy nin apiya paido, andu silan i bamalowin. (bagombalen a barahala).
Namamatay-dikena bibyag (su barahala) andu dinilan gagedam(katawan) i kambuatilan.(sa qubur).
Su kadnanu na satiman bu, su dibangimbenal sa gay a mauli na ped-supak i atay nilan, andu silanna pemamasla silan.
Benal gayd a katawanu Allah su iped-sulnilan (ibagena nilan) andU ipeb-payag nilan, na di kasuwata nu Allah su pemamasla.
Andu amayka inidsa kanilan o nginiinitulunu kadnanu (maka-pantag kanimuhammad)yanilan edtalun na mga sulat bun a mga paganay.
(sabap kanu namba) na ipapa-mawa kanilan su mgakadusan nilan- dala kolangin lusa gay a mauli, andu kaped kanu kadusan na-kanu tinumading kanilan a mga jahil a sangatikawagin a mga kadusan.
Saben-sabenal a nagitong sa makagkaid (kanu mga sinugo) su nangauna kanilan, na bininasanu Allah su pegkalbenan nilan iganat sa baba' nalundosan silanu atep abpon sa pulo nilan nakauma kanilan i siksa sa dinilan gagedam.
Mauli- na su gay a mauli na palosakensilan, andu edtalunu Allah kanilan i endaw den su mga kaped ko?(mga barahala a sinimba nilan) ipem- bunuanu su mga nabi sabap kanilan, ya madtalunu mga ulamaa dala pinataganilan lun- na saben-sabenal su kalosak na saguna, andu su siksa na nanget kanu mga kafir.
Su bagimatayanu mga malaa-ikat a mga kafir, dinupangilan i ginawa nilan na sumangkop silan sa yanilan kadtaluna: dakami makang-galbek sa sakuto kena ka-su Allah na katawanin i langunu pinggalbekilan (sya sa dunya)
Paludepen silan kanu bengawanunaraka, sa dala den kanilan i kalyo, na ngin den i kawagin i gabetadanu mga mimamasla.
Idsan su magilek sa Allah o ngini initulun o kadnanu? Tigilan mapiya- (makag-kapiya) kanu mga taw sya sa dunya i mapiya, andu su dalpa a akhirat na muna pan i kapiya nin a dalpanu magilek sa Allah.
Mga surga i belodepan nilan, apelagilay sa kababan i mga polangi a kanilan sa surga i apiya ngini mag-kahanda nilan, mamba i kapem-balasu Allah kanu magilek sa Allah.
Su mga taw menem a bagimatayanu malaa-ikat a mga mapiya, na yanilan edtalun na salam salkanu, lodep kanu sa surga sabap kanu ping- galbeko. (lusa dunya a mgamapiya).
Dala kapagangapan nilan (a mga kafir) ya tabiya na malaa-ikat a pegkua kanu ngyawa nilan atawa makauma su siksa nu kadnan nengka, mamba i pinggalbeko nangauna kanilan, andu dikena silan dinupango Allah, ugayd na silan bun i mindopang
Nasugat silanu kawaganu ping-galbeknilan, andu naka-dadsang kanilan su lalao nu kab- pagongatilan.
Andu pidtalunu mga mushrik o dikena bu kahandanu Allah na ditanu makasimba sa salakaw salkanin sa apiya paido taman kanu mga lokes tanu, andu ditanu ma-haram i salakaw sa hinaramin apiya paido,mamba i pinggalbeko nangauna kanilan, na dala kanu mga sinugo ya tabiya na kaped-sampay bu a mapayag
Andu saben-sabenal a pinambuat nami sa umani lumpokan (kanu mga taw) i sinugo-sa paka-isan nilan i kadnan a simban nilan, andu itagako i salakaw sa Allah (a pedsimban) na aden bun kanilan i tinutulunu Allah, andu aden bun i nawagib salkanin i katading, nalalakao kanu sya kanu mga dalpa, kandunu mailay su ulyan a nanggulanu mga taw a napan-dalbut. (kanu sinugo nu Allah).
Apiya ngini kapanamal nengka(muhammad) sa katutulo kanilan-nasu Allah na dinin tutulun sutinadingin, andu dala den kanilan(a nangatadig) i makad-tabang kanilan.
Midsapa silan sa mabagel a kinad-sapa sa di den pambuaten nu Allah su minatay (sa gay a mauli kena ka-pasad den (o Allah) i benal (a makambuat sa ulyanakapatay) ugayd na ya madakel kanu mga taw na di nilan katawan.
(Pambuatenu Allah su minatay) kando maka- payago Allah su languna (bantang) a dinilan bamagayonan, andu katawanu mga kafir i silan bun i mga malbut.
Oh yanami bu edtalun kanuenggaga-isa i amayka peg-kahandannami na- pangadeng ka- na ma-aden.
Su mga taw a ginanatan nilan i dalpa nilan sa lalan sa Allah, sa ulyana kinadopang kanilan, na padatarayannami kanilan sya sa dunya su mapiyaa ridzqi, andu su balasilan sa akhiratna muna pan i kasla nin o mana bu ka katawanilan.
Ka silan na mid-sabar andu sinumalig silan sa kadnan nilan.
Dala sinugo nami a nauna salka (muhammad) a dikena mga mama a pe-wah-yan nami silan (kando nilan makapa-tuntay su mga taw) na idsanu kanu lukanu migkataw amayka dinu katawan.
Nadtapiku mga sinugo su mga mapayag andu kitab, andu initulun nami salka (muhammad) su qur-an, kando nengka makapayag kanu mga taw su initulunkanilan andu malmo-lemo kanilan i maka-pamikir silan.
Ngintu ka su bagitong sa mawag kanu rasul na nalpas silan sa kapageldo Allah kanilan sya sa lupa (mana su qarun), atawa makauma kanilan i siksa na dinilan katukawan.
Atawa ka binasanin silan kanunkaped-sugodilan, na di silan makalipos.
Atawa ka binasanin silan sa pakagilkanmuna silan? Su kadananu na malasam a malimu.
Ngintu dala nilan mailay su binaloy nu Allah anggaga-isa a makandulay-dulay su alungalungin sabiwang-kawanan sa iped-sujod nilan sa Allah, andu silan na bangalimbaban sa Allah.
Andu sekanin a Allah i ped-sujodanu langunu dalmo mga langit andu lupa, magidsan i mga uled andu malaa-ikat, andu silanna di pemamasla.
Ipeg-kagilkilan su kadnan nilankanu pulo nilan, andu yanilanpeng-galbeken na iped-sugo kanilan.
Pidtalunu Allah kanilan i dakanu papeg-kaduwa sa kadnanu,ka su Allah na satiman, na sakinu i ikagilk.
Lekanin (Allah) su dalmo mga langit andu lupa, andu lekanin su agama a tatap a di gaponas, na ngintu ka salakaw pan sa Allah i ikagilko.
Langona san salkanu na ebpon sa Allah, mauli na amayka naumakanu na dalo (kinad-sakit) na lukanubun mangeni sa Allah sa kauliyan.
Mauli na amayka iyaawanin su ipembuku nu na-su kaped salkanu na semakutosa kadnan nilan.
Peg-kafiran nilan su inenggaynami kanilan, na egkakalilini kanu den mun gagalu, ka dibpelis na katawanu bu.
Bagumbalan umonkanu ini-ridzqi nami kanilan su mga barahala nilan, na ibet sa Allah na kaidsan kanu a salta su siksakanu langunu ipedtebunu.
Pembaluy nilan su mga babaya kanu Allah (yanilan kadtalo na: su mga malaa- ikat na babay a wata nu Allah) andu kanilan menem indao a pegkiyogan nilan.
Amayka napanudtol kanilan i mimbata i kaloma nilan sa babay, namig-kalibedteng i biyasin, a galido i ginawa nin.
Dumalung kanu mga taw sa kawaganu napanudtol salkanin, (bagitong sekanin) sa ngintu tuldonin sa pakalosak sekanin atawa ilebengin sa lupa, ngin den a kawag i hukoman nilan.
Kanilan a di bangimbenal sa gay a mauli su upaman a mawag, kanu Allah menem su upaman a mapulo, ka sekanin a Allah i mapulo a mataw sa mapayag-masulen.
U mana bu ka binasanu Allah su mga taw sa kadopangan nilan, na dala matagak (masama) sya sa lupa a aden ngyawa nin, ugayd na ipa-sampay nu Allah kanilan su ajal nilana napasad, na tayamayka nakauma kanilansu ajal nilan na dili pmakasundol sa (apiya paido a waqto) andu dili maka-sunud.
Pembaloy nilan sa kanu Allah su dinilan kiyogan, andu pedtalunu dila nilan i kalbut sa kanilan i mapiya, na wagib su naraka kanilan, andu silan i mauna makalodep.
Ibet sa kanu kadnan nengka na sinugo nami kanu mga tawa nauna salka(muhammad) sa pinakapiya nu shaitankanilan su galbekanilan (a mawag) su shaitan i kaunutan nilan saguna, andu kanilan su siksa a masakit.
Dala kinapatulun nami salka sa kitab (qur an) ya tabiya andu nengka makapayag kanilan su dinilan bamagayonan, andu tutulo andu limo kanu mga taw a mga mu'min.
Su Allah i napatulun sa igabpon sa langit, ini- uyagin kanu lupa sa ulyana kina-patay nin, nakadalem luba su tandanu kapeg-kagaganu Allah kanu mga taw a bamakikineg a banuliman.
Benal a aden salkanu san kanu mga d binatang i indawan, ipabpaginum nami salkanu su dalmo tyanin abpon kanu pageltanu inukap andu su lugo i gatas palnan a mapiya gayda baginumen.
Andu pakabpon kanu mga unga nu kulma andu deinab, su bagombalenu a maka-langut, andu ridzqi a mapiya, luba su tandan a kapeg- kagaganu Allah kanu mga taw, kaandu silan maka-pagitong.
Inilham nami kanu batyokansa umbel ka san sa mga palawanan sa mga walay nengka, andu san sa mga kayo, andu san kanu kaped kanu mga pagalado tupo nu adam
Mauli na kang ka ebpon kanu mga unga, naya ka tuntol su lalanu kadnannengka sa embaba ka, peng-gemaw kanu tyanin i baginumen a mimbida- bida i palasin a pakagamot kanu mga taw,luba nakadalem su tanda a kapeg-kagaganu Allah kanu mga taw, kandu silan maka-pamikir.
Su Allah i minaloy salkanu, mauli na imatayan kanu nin, aden bun salkanu i makambagi sa mababa den aumor- up malandu i umorin, andu dala katawanin kanu nangatawanin, ka su Allah na mataw a pakagaga.
Su Allah na inilabi ninsu sabad kanu sabad salkanu (miskinan atawa kawasa) sa ridzqi, na dala kanu mapiya i gatamananin i makapasapali (maka-umonin) su ridzqi nilan kanu mga ulipen nilan, kandosilan makapamagidsan, na ngintu ka su limunu Allah kanilan napeg-kafiran nilan?.
Andu su Allah na binaloy nin salkanu-sa nakabpun bun salkanu i mga kalumanu andu binalowinin salkanu ebpun kanu mga kalomanu i mga wata andu mga apo, andu rinidzqyan kanu nin kanu mga mapiya, na ngintu ka yanilanpangimbenalen su baatil, andu su limunu Allah na supakennilan?.
Andu yanilan simban na salakaw sa Allah a dala gamilikanin a ridzqi abpon sa langit andu lupa sa apiya paido, andu dinilan bun magaga.
Dinu ibangibarat sa allah sa mga ibaratan (a barahala), ka saben-sabenal su Allah na katawanin i langona dinu katawan.
Pinambuato Allah i upaman sa sakataw a ulipen nandao den i kiyog lun (kagina) dala kagaganin, andu su taw a rinidzqyan nami sa mapiya a ridzqi, na pembaranggyanin su kaped (a tamokin) sa masulen andu mapayag, na ngintu maka-pagidsan silan? (di makapadidsan) puginu su Allah, ka ya madakel kanilan i di mangataw.
Minupama su Allah sa upaman a duwa kataw a mama, isa kanilan na di mataw edtalo, dala magaganin, lubu i saliga ginawanin sa kanu kaunutanin, apiya endao pasangulen na dala makag-kapiyanin, ngintu maka-pagidsan kanu pedsugo sa kabantang andu paka-tuntol sa lalan a matidto?
Andu kanu Allah su gaib kanu mga langit andu lupa, andu dala kanu gay a mauli ya tabiya na mana busapelek mata i kangagan a kaumanin atawa masupeg pan, ka saben-sabenal su Allah na kanu langunu enggaga-isa na kagaganin.
Su Allah i napalyo salkanu kanu tyanu mga ina nu sa dala katawanu apiya paido andu binaloy nin salkanu i kakineg andu kailay, andu atay, kando kanu makad-sukor.
Ngintu di nilan gailay su papanuk andao i kiyogo minaden salkanin sanan sa kawang-kawanganu langit, a dala makasigkem lun ya tabiya su Allah? nakadalem luba su mga tanda a kapeg-kagaganu Allah kanu mga taw a bangimbenal.
Su Allah i minaloy salkanu kanu walay nu a pedtelnanu andu binaloy nin salkanu su mga upisa binatang a walay a ped-sengkanu kanu gay a kab-pelalakao nu, andu gay a katananu, andu su kaped kanu bumbulo binatang- na aden anto nagabaloy nu a kasangkapanu andu kaliliniyan nu (gagalo bu) sa tamanbu kanu ajalo.
Binaluwinu kadananu salkanu su ped- silunganu a mga kayo, andu binaloinin salkanu kanu mga palaw i takob, andu binaloinin salkanu su balegkasu a paka-alao nu sa mayao, andu mga balegkas a paka-alao nu sa kambunua (kelung), mamba i kaped-sampulna kanu limo nin salkanu, ka malmo-lemo salkanu i kasangkupo salkanin.
Amayka di silan tumalima- naya bu wagib salka (muhammad) na kapa-pedsampay bu a mapayag.
Katawan nilan i limonu Allah mauli na supaken nilan, andu ya madakel kanilan na mga kafir.
Su gay a pambuaten nami sa umani lumpokan i saksi (langun a taw na saksi sunabi nin)mauli na di den kasugutan su mga kafir sa kadawa, andu dala den kanilan i makapangeni sa kasuwatan silan.
Amayka nailay nu mga kafirsu siksa na di den silan kapegkagan, andu dala den kandedel'ngi sakanilan.
Amayka nailay nu mga mushrik su mga barahala nilan, na yanilan kadtalo na kadnan nami nan su mga barahala nami a sinimba nami a salakaw salka, na padtalunu Allah su barahala sa imbalinganilan su kadtalo, sa sekanu i mga malbut. (dikena kopidtalo i simba ako nu).
Entoba a gay na semangkopsilan sa Allah, andu natadingkanilan su ipedtebu nilan. (a barahala)
Su mga kafir a peb-pelnen nilan su agama islam na zising-gomanan nami silan sa siksa sa takep, sabap kanu kapem-binasa nilan.
Su gay a papem-buaten nami kanu umani lumpokan i saksi kanilan abpon bun sa ginawa nilan, na itinggoma nami seka (muhammad) a saksi kanilan, andu initulun nami salka su kitab (qur-an) a pinayagan kanu langunu enggaga-isa andu tutulo, andu limo, andu makapiyasa ginawa nu mga muslim.
Saben-sabenal su Allah na iped-sugonin i kabantang andu kabpiya-piya andu kanggay sa kanu mga pagali, andu iped-sapalin su maledsik andu su munkar andu su kandupang, ibangindao nin ka malmo-lemo salkanu i makatadem kanu na ma-indao kanu.
Tumanu su pasado sa Allah amayka mibpasad kanu, andu dinu peng-gubala su sapa' nu sa ulyana kinapalotin, andu binaluwin su Allah a ped-saksi salkanu ka su Allah na katawanin i langona penggalbekenu.
(Di nu pembinasa su sapa' nu) sa dinu bagilingi su mga babay a pembekal'nin su inulin sa ulyana kina sedsad lun sa nakatagagay, pembaluwinu su sapa nu a ipagakal sa pamagelatanu? Kando gabaloy su sa tumpok a mga taw naya madakel kanu kapedin, andu ipembatalunu Allah salkanu intoba, andu ipayagin salkanu lusa gay a mauli su langunu dinu bamagayonan.
O pig-kahandabu nu Allah sa binaloy kanu nin den a sawalo bu a bansa, (na magaganin) ugayd na gatading supeg- kahandanin andu tutulunin i pegkiyoganin, andu kaidsang kanu sa langunu dinu pamagayonan.
Dinu pembaloya su sapa' nu sa i- bagakalbu sa pamageltanu, ka makad-tindolas i mga palunu sa ulyan a kinad-tamelin, andu mananamo su siksa sabap sa kanu kaped-sapalo sa agama nu allah andu lekanuden su siksa a masla.
Dinu ipedsambi su pasado sa allah sapaido bu a alaga, ka nya mapiya gayd a makuanu na lusa allah makabpon amayka katawanu bu.
Ka languna san salkanu na ga-dala, langona lusa Allah i gasama, andu balasan nami su mga taw a mid-sabar kanu balasin, sa nya pan mapiya kanu peng-galbeken nilan. (sya sa dunya).
Su enggalbek sa mapiya a mamaatawa babay a mu'min, na uyagen nami sekanin sa kauyag a mapiya, andu balasan nami silan sa balas a nya pan mapiya kanu peng-galbeken nilan. (sa dunya)
Na amayka batyan nengka su qur-an na lindong ka sa Allah ebponkanu mga shaitan a be-rajamen. (audhu billahi minas shaitanir rajeem)
Ka su shaitan na dala bagelin kanumga mu'min, andu (su mga mu'min) na lusilan pedsalig kanu kadnan nilan.
Saben-sabenal a yanin bu kapa- ngungondayan na su mga taw a bagunut lun, andu silan a mga taw naped-sakuto sa kadnanin.
Amayka sambiyan nami i hukomana ayat sa salakaw, andu su Allah i mataw sa iped- tulunin, na yanilan edtalun na: seka (muhammad) na ped-tetebuka, kena! Ka nya madakel kanilan na di mga mataw.
Edtaloka i nakatulun ni jibrel su qur-an abpon kanu kadnan nengka sa haqq, kando gabagel bun sumga mu'min, andu tutulo (qur-an) andu makapiya sa ginawanu mga muslim.
Saben-sabena a katawan nami (Allah) iped-talun nilan (o mga kafir) sa manusya i bamando kani (muhammad) sa basa a belamigen nilan (dikena arab)inunta na su (qur- an) na basa na arab a mapayag.
Saben-sabenal i mga taw a di bangimbenal kanu mga ayatanu allah na di mambu tutulunu allah silan, andu kanilan i siksa a masakit.
(tigu allah) yabu edtetebu sa kalbutna su di bangimbenal sa mga ayatanu allah, and silan i mga taw a mga malbut.
Su taw a mig-kafir sa Allah sa ulyana kina- pangmbelin (silan i mga taw a mga malbut) ya tabiya na pineges sekanin (sa mawag) (ugayd na) su atay nin na midtakenasa iman (kapangimbenal sa allah). Ugayd na su taw a mapayag-masulen i kinag-kafirin na nanget salkanin su lipungeto allah, andu kanilan i siksa a masla.
Kagina silan na nya nilan nalilinyan su kauyag sa dunya (kumin) kanu akhiratin andu saben- sabenal su Allah nadinin tutulun su mga kafir.
108 silan i mga taw a tinutupanu Allah su mga atay nilan andu kakinegilan andu kailay nilan, andu silan i mga taw a dala kalendemanin a mapiya.
Dibpelis na silan lusa gay a maulina silan den i mga taw a nangalapis.
Mauli na benal su kadnan nengka na kanu umga taw a ginanatan nilan i dalpa nilan sa ulyan a kina-fitnahkanilan, mauli na min-jihad silan andu mid-sabar silan, na s kadnan nengka sa ulyan anto na bangampum a malimu.
Su gay a makauma i umani-isa, saibpalawanin i ginawa nin bun,(sabap sazesenditaya) andu makua nu umani-isa su balasu galbekin, andu silan na di silan mad-talimbul.
Pinambuato Allah i upaman- sa kanu dalpa a na-aden sa tumatana (malilintad), a kauman a ridzqi a makalag, a makabpon sa embala-bala, (ulyan a kinalimo) na migkafir su taw nin kanu limunu Allah, na pina-nanamu Allah silansa mapasang a gotem, andu gilk,sabap sa kanu peb-palangain nilan.
Saben-sabenal a nakauma kanilan i sinugo a bangsa nilan bun na pinan-dalbutilan, na bininasa silan o siksa, and silan na mga kafir sa timpu na kina-binasa kanilan.
Na kang kanu kanu ridzqinu Allah salkanu a halal a mapiya (di makabinasa), andu sukorinu su limun allah amayka sekanin bun i ped- simbanu.
Ya ini-haram salkanu su minatay(dalamasumbali a binatang) andu lugu, andu sapu na gembut andu su langona dala masumbali sa ngalanu Allah, andu su pinanumbali sa supak sa Allah, nasu nakasandud a dikena pen-dupang andou dikena baminasa, s allah na bangampon a malimu.
Dinu pedtalu su peng-gedtebenumga dilanu a kalbutan sa nani na halal, andu naani na haram, ka kadtebuanu su Allah sa kalbutan, ka su mga taw a pedtebuan nilan su Allah sa kalbutan na di den silan maka-untung.
Paidu bu i gay nilan sa dunya, andu kanilan i siksa a masakit.
Hinaram nami kanu mga yahudiesu nauna a pinanudtoul nami salkasabap sa kadupangilan, andu dikenanami silan dinupang, ugayd na silan bun i mindopang sa ginawa nilan.
Maulina saben-sabenal a kanu kadnan nengka su mgataw a ming-galbek sa mawag a dinilan katawan (i mawag), mauli na midtawbat silan sa ulyanin, andu nagumbaya silan, na su kadnan nengka sa ulyan antu na bangampun a malimu.
Saben-sabenal si ebrahim na ummat sekanin a maginugot sa Allah a matidtu, dala makuyg kanu mga mushrik.
Bara-sukur ku mga limu nu kadnan nin andu pinamilinin, andu tinutulunin sa lalan a matidtu.
Inenggay nami salkanin su mapiya sya sa dunya, andu sekanin lusa akhirat na kuyog kanu mga mapiya.
Mauli na ini-wahie nami salka i unutika s agama nu ebrahim a matidto, andu dikena sekanin mushrik.
Saben-sabenal a binaloy su sapto a gay d(peg-kormaten) o mga yahudie, na mimbida-bida silan, su Allah ikemukom kanilan sa gay a mauli kanu dinilan bamagayonan. (yahudie na sapto. Sukristyan na ahad, su muslim na guyom-at) a
Enggat ka (muhammad) sa agama nu kadnan nengka sa kaungangenan atawa indawan a mapiya, andu ebpalawa ka kanilan sa ukit a mapiya, ka su kadnan nengka i labi a mataw sa entain i natading kanu agama nin, andu su pakatuntl a natutulo.
Amayka semuli kanu na suli kan sa mana bn su kina-pakaid salkanu, na amayka sabar kanu, nantoba i labi i kapiya nin na kad-sabar.
Sabar ka (muhammad) ka dalakanu sabar nengka ya tabiya na lusa Allah, andu dika belido i ginawa nengka kanilan, andu daka pembukul (b'lido sa ginawa) kanu itongan nilan a maka-binasa.
Saben-sabenal su Allah na salta kanu mga taw a magilk salkanin, andu silan na pebpiya-piya.
