Surah Al-Hijr ( The Rocky Tract )

Alif. Lam. Ra. Alif-lam-ra. Su Allah i mataw kanu ma'ana nin, su mga ayatanu kitab, andu su qur-ana mapayag.

Dibpelis na makapa-nganganay su mga kafir (lusa naraka) sa o nya ba ka muslim tanubu (na ditanu matangen sa naraka)

Pasagadi ka (muhammad) i keman bu andu egkakalini bu silan, andu malimpang silan kanu banganganain nilan, ka dipelis na katawan nilan bu.

Dala bininasa nami a dalpa-ya tabiya na aden pan kanilan i kitab a gatawan nilan bun.

Di mauna su ummat kanu ajalin o nauma andu di bun maka-sundol.

Pidtalu nilan (oh muhammad)seka a tinulunan sa dhikr (qur-an)na saben-sabenal na seka na buneg ka.

O namba ka nya nengka pambuaten salkami na malaa-ikat amayka naluyog ka kanu mga taw a benal i kadtalo nin.

(Tigu Allah) di nami patulunensu malaa-ikat ya tabiya na siksa i maka- tinggomanin, andu dala den masama kanilan

(Tigu Allah) saben-sabena a sekami na initulun nami su qur-an, andu sekami bun i peb-parihala lun. (sa di kaumanan-dikakulangan)

Saben-sabenal a sinugo nami bun i nauna salka (muhammad) lukanu lumpukanu nangauna.(mga taw)

Dala pakauma kanilan a sinugo ya tabiya na bagongaten nilan bu su sinugo.

Mamba i kina-palodepami kanu mgaatay nu mga baradusa. (na kapagungat kanumga sinugo)

Di silan mangimbenal sa sinugo, nanaipus su pina-kaidanu Allah kanu bininasa nin (na di pon ma-indao) na mamba i pakaidanin kanu maitoba i pakaidanin sa sinugo.

U mana bu ka inukan nami kanu mga (malaa-ikat) i bengawan sa langit-na zusuklya silan mamanik.

Edtalun nilan i pina-makaidananni (muhammad) su mata tanu, na sekaitanu su mga taw a nasugatasih'r. (pantak)

Saben-sabenal a bilnaloy nami nan sa langit i mga masla a biton(tampato senang) andu pib- palasannami kanu (mata nu) pamakailay.

Pinarihala nami (inamba)kanu mga shaitan a perajamen. (kando di silanmakasiken)

Ya tabiya na su banegkao, bakikineg (a shaitan) na pem-balanteen kanumatinang a mapayag. (tay na biton, tigu mga lukes)

Andu su lupa na binelat name, andu binetadan nami sa mga palaw, andu pina-towan nami sa embalang-balang i palasin a na-ukoli umani-isa.

Binaluy nami salkanu san salupa i kauyaganu, andu su mga taw na dikena sekanu i peridzqi lun.

Dala kanu enggaga-isa a dikena sya salkami i gunsinin, andu dinami patulunen o dikena naukola natawan.

Sinugo nami i sambel a ped-sedseg sa dadtem na pinatulun nami ebpon sa langit su ig, na pina-inum nami sekanu, andu dikena sekanu i ped-tuganul sa gunsinin.

Saben-sabenal a sekami i bangoyag andu bangimatay, andu sekami (Allah) i maka-warith sa dunya andu su dalmin.

24Saben-sabbenal a natawan nami (Allah) su nangauna salkanu, andu natawan nami su gangauli pan salkanu.

Andu su kadnan nengka na buligeninsilan, ka su Allah na katawanin i mapayag-masulen.

Binaly nami su manusya abponsa libubu ka lupa a mategas a matilak. (mana kebing)

Andu binaloy nami su jin sa unani adam sa apoy na sambel.

Labit ka i pidtalunu Allah kanu mga malaa-ikat i bamaloy ako sa manusya a yanin asal na libubuka lupa a mategas a matilak.

Na amayka pinab-palas ko den andu nabetadang ko sa ngyawa (su adam)na-embetad kanu sa sujod kanu (kani adam)

Sinumujod su mga malaa-ikat sa langon nilan.

Ya tabiya (a dala sujod) na iblis, kaminenda sa makuyog kanu named-sujod.

Tigu Allah seka iblis ngininaka-bangen salka ka daka makuyogkanu mga malaa-ikat a sinumujod?

Tignu iblis- dako sujod sa manusya abinaloy nengka sayanin asal na libubukalupa a mategas a matilak.

Tigu Allah lyo ka sa surga, perajameng ka. Ka seka na

Nanget salka su mulka kotaman sa gay a mauli.

Tignu iblis kadnang ko pakalandu ka i umor ko taman sa kambuat sa qubur.

Tigu Allah kuyog ka den kanumga landu umorin.

Taman bu kanu gay a waqto a natawan. (kabangkit sa dunya)

Tignu iblis kadnang ko kagina ka namulkan ako na ebpiya-piyanang ko kanilan sya sa lupa su kadupangan, andu tadingeng ko silan tanan a manusya.

Ya tabiya na su mga ulipen nengka amga ikhlas.

Tigu Allah nan su lalan salakya matidto.

Su mga ulipeng ko na dala bagel nengka kanilan sa katading nilan, ya tabiya nasu minunut salka a sinumibay kanulalan ko.

Benal su naraka (jahannam) i pasad kanilan langon.

A pito i bengawanin, umai-isa a bengawan na pimbad-bad-sa umanidaita galbeko taw a kadarwakan.

Saben-sabenal su mga taw a magilek sa Allah na lusilan kanu mga surga a mga buwal.

(idtalo kanilan) i lodepinu sa sajahatra kanu, tumataana kanu.

Inaawa nami kanu lalebilan su kande-dengkya, sa zusulde silan, sabagaayan silan kanu mga kantil aped-sasangula.

Dala magedam nilan a logat sasurga, andu dala kanilan i makalyosilan sa surga.

Panudtol ka (muhammad) kanu mga ulipeng ko i saki na bangampon a malimu.

Su siksa ko nantoba i siksa a masakit a mapasang.

51Panudtul ka kanilan su aana (bisita) nu ebrahim.

Su timpo a kina-lodepilan na yanilan pidtalo na salaam, (tigu ebrahim)sekami na bangandam kami salkanu.

Tigilan daka bangandam ka pedtalun nami salka i kalilinyan nengka, makambata kanu sa wata a mama a madakel i katawanin.

Tignu ebrahim- panudtolan akunu sa mapiya, na saki na nagos ako nakatuwa makagaip. (su ebrahim na 120 lagonin, su sarah na 90lagon)

Tignu mga malaa-ikat, tudtolan nami a nya na benal, na daka penggula sa makuyog ka kanu mga taw a nanga-tebpedana inam.

Tigilan: dala taw a tinebpedin i inamin kanu limo nu Allah-ya tabiya na su mga taw a nangatading.

Tignu ebrahim- ngini galbeko sekanu a mga sinugo?

Yanilan pidtalo na sinugo kami sansa mga taw anan a mga darwaka.

Ya tabiya na su madadseg (naginugot) kanu lot, ka lepasen nami silan tanan.

Ya tabiya na si kaloma nin, ka na-ukol den i makamong kanu gangabinasa.

Guna makauma kanu lot andu su kadakelin su mga sinugo (malaa-ikat)

Tignu lot. Saben-sabenal a sekanu a mga taw na di nami katawan sekanu.

Tigilan: nakauma kami salka sa siksa kanu taw nengka, sabap kanu kadupang nilan. Mga

Initingguma nami salka subenal, ka sekami na benal kami.

Paganat ka i kadakel nengka sa dipanmapita, andu luka (tampal) sa ulyanilan, andu di =lumengi (umani) isa salkanu, andu lukanu ebpawang kanu ped-sugowan salkanu. (lusa sham)

Ini-wahie nami kanu lot intoba a suguwan, na benal into a mga taw (mgadarwaka) na dibpelis sa maganmapita i kaumanin (su siksa)

Salta na nakauma (lukani lot) su taw nu dalpa a mga darwaka a gangalilini. (galinyan nilan su aana nu lot a mgamamaa manga-nguda a manisan

Tignu lot nya na mga aana ko (bisita ko), na di akonu mapagkaya.

Andu ikagilko su Allah, andu di ako nu pab-pelosak. (papegkaya)

Tigilan- kenaba sinapalan nami seka sa endaw i kiyogami na daka mamong?

Tignu(lot) nan su mga wata ko a mgababay amayka aden kahandanu.

Inidsapa nu Allah su nabi ninsu kina- tadingilan na ipen-dadalmetnilan bu.

Nasugat silan a kilat sa kaped-sebangosenang.

Na binaloy nami su dalpa nilansa nakelid, andu pina-ulanannami silan sa wato a lupa bun a midtegas a apoy.

Saben-sabenal a luba su mga tanda nu Allah sakapeg-kagaganin-kanu aden pikiranin.

Benal into a (a dalpa) na lalan na mapayag. (lalan abpon sa makkah, pawangsa syrya)

Luba natago su mga tanda nu Allah kanu mga mu'min.

Su kigkuwan (pegka-kalben) sa mga kayo na mga kafir. (mga taw sa madyan, a qaumo shu'aib)

Sinupan (sinuliyan) nami silan (su mga tawni lot andu su mgataw nu shu aib) andu duwa anana dalpa na masupeg i pageltanin, andu aden lalanin a mapayag.

Napan-dalbut sa sinugo su taw nu hijr. (dalpa nu thamud)

Inenggay nami kanilan i mga ayatan nami, na yanilanpinggola na pim-balawagan nilan.

Yanilan galbek na bamesuwan nilan i mga palaw, ka bagumbal silansa mga walay (yanilan talima) natumatana silan. (di silanmasugat a tyoba)

Nasugat bun silan na kilat sa mapita.

Na dala makanggona kanilan su nganin a pantiyaliyan nilan a tamokatawa bagel.

AndU dala kanu kinabaloy nami kanu mga langit andu lupa andu su pageltani, ya tabiya na haqq, andu su gay a mauli na dibpelis na makauma, na tigkel ka sa katigkel a matilak.

Benal su kadnan nengka i bamaloy a mataw.

Saben-sabenal a inenggaynami salka (su fatihah) andU suqur-an a masla.

Dika edtungangeni su inenggay name kanilan (a mga kafir) ambalangan a limo, andu dika lumido i ginawa nengka kanilan (sa di silan bangimbenal) andu embaba ka kanu mga mu'min.

Andu edtaluka kanilan i saki napaped-sampay ako bu a mapayag.

Ka mana bun inan su kina-patulunami (sa siksa) kanu mga taw a pinagebad nilan. (su qur-an)

Silan na yanilan pinakaidan (sa qur-an) na madakel imbalanganin. (palityalan su sabad, supaken i sabad)

Ibet kanu kadnan nengka (muhammad)idsan nami silan tanan.

Kanu mga galbekilan.

Patalos ka bun (muhammad) su iped-sugo salka, andu embalawagi ka su mga mushrik.

Benal a pinarihala nami seka, kanu bagongat salka.

A silan na bagom-balanilan sa tagapeda su Allah, na dibpelis na katawan Nilan bu (madsemakilan) i siksa nilan.

Saben-sabenal a katawan nami i lido naginawa nengka kanu kadtalo nilan salka. (sa buneg ka, malbut ka, andu ped pan)

Na tasbih ka sa pugi nengka sa kadnan nengka, andu pangadeng ka sa(isa ka) kanu mga ped- sujod sa Allah.

Simba ka su kadnan nengka (sa embalangan a simba salkanin) tamana makauma den salka sukapatay.