Alif. Lam. Ra. Su Allah i mataw kanu ma'ana nin, nya ba su mga ayatan o qur-an a mapayag.
Saben-sabenal a intulun nami su qur-an sa basa na arab ka andu kanu, kandu kanu maka-pagungangen.
Sekami na panudtlen nami salka (o muhammad) s mga mapiya a mga tudtul, sabap kanu ini-wahie nami salka a namba a qur-an, andu saben-sabenal sa unan a dapan makatulun salka na dala sabut nengka ln.
Pidtalunu yusuf kani ama nin,hee ama ku saki na nailay ku i sapulu endu isa a bitun, andu senang andu ulan ulan a sinujdan ak nilan.
Tignu ama nin hee wata ko dikamamanudtol i taginepen nengka kanu mga suldengka, ka tipung kanilan, ka benal su shaitan na satro na manusya a mapyag.
Mamba i kabpamili nu kadnan nengka, andu pakatawanin salka i ta' weel sa mga kadtalo, andu sampulnan nin salka i limu nin salka andu su mga kadakelu ya'cob sa mana su kina-sampulna nin kanu mga lukes nengka a si ebrahim andu si ishaq, ka su kadnan nengka i mataw sa mapayag masulen.
Saben-sabenal kanu yusuf andu su mga suldin na mga tanda kanu bagidsa. (indawan-ibaratan).
Pidtalu nu mga suldin, si yusuf andu si (binyameen) naya bu i kalimu nu ama tanu salkitanu, nasekitanu i mga kaka, saben- sabenal a gatading su ama tanu sa mapayag.
Bununu su yusuf atawa ilebengu sa lupa, ka sekan i sangulan a biya su ama nu, (sekanu i makakalimo)na mabaloy kanu sa ulyan antu (kabunu kani yusuf) sa mga taw a mga mapiya.
Ya pidtalu nu masla kanilan, dinu pembunu su yusuf, ugayd na ulugo sa kalut, ka makua bun o kaped kanu bamelakaw amayka enggulanu.
Pidtalu nilan kani ama nilan, ama-nginan ka di nengka makasalig salkami si yusuf? Nasaben- sabenal a sekami na bagungayan nami.
Paunut ka salkami namag, endadalmet san sa mga katampokan, ka tuganulen nami bu.
Tign ama nilan: malidu iu ginawa ku sa kapa- unut nu lun,andu kagilkan aku sa makan a alimaw, na sekanu na makad-talipenda nu.
Tigilan: amayka makan a alimaw, nasekami a mga kaka nin na sekami den i mga taw a nangalugi.
Guna bagangay silan, andu na umpung silan sa ulugen s (yusuf) sa kalut, na ini-wahie nami kanu (yusuf) i dika pelidu i ginawanengka, ka katawan nengka bun pina-kaidan nilan salka sa dinilan magedam.
Nakawma silan kani ama nilan sa a bamangulyang.
Pidtalu nilan hee ama nami- saben-sabenal a minangay kami ka pendadalmet kami, na natagak nami si yusuf lu kanu kasangkapan nami (pembantay kanu mga gamit nami) na kinan a alimao, andu dikami nengka bangimbenalen apiyabenal i pedtalun nami?
Andu initilan su balegkas si (yusuf)a aden lugo nin a kalbutan, tigu ama nilan, kena! Ka sinugo kanu na ginawa nu sa kapagakal, na sabar ako sa matilak, andu su Allah i bangeniyan sa tabang sa langun a pedtalunu anan.
Nakauma kanu kalut i pamelakaw, sinugu nilan i sakataw a tinumabu kanu kalut, naya nin pidtalu na mapiya gayd i nya a wata, andu inipagena nilan,ka endagangen nilan, na su Allah na katawanin i languna peng- galbeken nilan.
Pibpasa nilan sa alaga a paidosa pila bu a dirham, ka dala nilankatawi i mapulo i alaga nin.(ka nabie)
Andu pidtalunu namasa lun kanu kaluma nin sa inged sa mash'r ipulu nengka i kabetadan nin (ebpiya-piya nika) ka basi aden kataganin salkita, atawa ka embabatanta, andu mamba i kina padtakena name kanu yusuf sa lupa (sa mash'r) andu pamandon nami sa ka-ta'weel sa mga kadtal, andu su Allah bun i makagaga kanu kahanda nin,ugayda madakel sa taw i di mataw.
Guna makasampay sa matulanged (pegka-kanakan) na inenggan nami sa kaungangen andu kataw, and mamba i kabalas nami kanu mga mapiya.
Inenggatu (zalikha) sa mawag su (yusuf), andu pinintuwanin i bengawan andu pidtal nin (zalikha)i sya ka den, tigu (yusuf) lumindun aku sa Allah a kadnang ku a pinag- kapiya ako nin, saben-sabenal a di egkapiya su mga dupang.
Saben-sabenal a nag-kahanda nin (su yusuf) o dikena bu nailay (ni yusuf) su tanda n qudratu Allah na mag- kahanda nin (si zalikha), ka ibagawa - nami kan (yusuf) su marat andu maledsik, ka sekanin na kuyog kanu mga ulipen a mga mapiya.
Nalalaguy kanu bengawan sa embida i kahanda sa nakisi i balegkas (nu yusuf) sa taligkudan, nauma nilan (s amu nin a kalma nu zalikha) kanu bengawan, tigu (zalikha) nigini pakaidan sa taw a kiyuganin sa marat su kaluma nengka? Ya tabiya nabilanggun atawa siksan sa masakit.
Tignu (yusuf): sekanin bun i bamagayuk salaki, andu mid-saksi i sakatawa wata kanu walay (peb-puyoten pon) tigin: amayka nabisay sa sangulan subalegkasu (yusuf) na benal (si zalikha) malbut si (yusuf.)
Amayka nabisay sya tampal sa taligkodan- malbut (si zalikha), benal (si yusuf).
Guna mailay (kalumanu zalikha) i sya sa taligkodan i bisay, tigin: saben-sabenal abpun kanu sasatu, ka masla gayd i sasatu a mga babay.
Yusuf -sugatan inan (a bityala), seka zalikha pa- ampun ka sa kadnan nengka, ka nakuyug kala kanu mga taw a nalimban.
Andu pidtalunu mga babay kanu dalpa, i kalumanu abdul-aziz na pegkiyuga nin sa marat i wata nin, saben-sabenal a napenu na kiyugin,andu basi nan a babay na gatading sa mapayag.
Guna nin makineg i libakan salkanin na pina- angayanin tanan (su pelibak),andu pid- tatalanganan nin silan sa bagayanan, aden pegken andu gelat- entpan a pidtalu (ni zalikha kanu yusuf) i gemawi kapan silan, ala nilan i mga lima nilan sa di nilan gagedam andu nadtalu nilan- i benal ka bun ap (zalikha) dikena besen manusya inan, ugayd na finida malaa-ikat a mapulu, (ka mapiya gaydi palasin).
Tignu zalikha: namba su ipedtilanu salaki, i libaku, andu bamityalan ko sekanin na dala atu, andu amayka dinin palityalan i sugowan ko salkaninna ipa-bilanggo, andu makuyog kan mga taw a endaw i kiyug ku lun.
Tignu yusuf kadnan ku yaku tum i bilangguwan sa enggatan nilan salaki, andu amayka di nengka iyawa salaki su sasat nilan na diku kamilikan i ginawa ku, na makuyog aku kanu mga jahil.
Tinalima nu kadnanin, na inawa nin kanu (yusuf) su mga pakaidu mga babay,ka su alla i pakakineg a mataw.
Mauli na kinailay nilan sa mga tanda benal (su yusuf) na ini-pabilanggu nilan bun sa mangagan bu i kataw nilan.
Nakaldep i duwa kataw awata sa bilangguwan, (banunugon), pidtalunu sakataw, i midtaginep aku sa pegkemes aku sa baginumen, andu tigu sakataw menem na bangutu aku sa pan sya kanu ul ko au pegkanen a papanuk su pan,edtalka salkami i maa'na nin ka mapiya ka a taw.
Tigu (yusuf): dikanu pan makakan sa saguna a gay na panudtolen ko salkanu i ta'welanin sa di pan makauma su pegkenu, kantuba i pina- katawanu kadnan ku salaki,ka saki na tinagak ku su agama nu mga taw a di bangimbenal sa Allah andu silan na peg-kafiran nilan i gay a mauli.
Niya ko tinuntol na agama nu lukes ko a si ebrahim andu si ishaq andu si ya'cob, na dala salkitanu i sakuton tanu su Allah sa apiya paydu, kantuba i limunu Allah salkitanu andu su mga manusya, uged na ya madakel sa mga taw na di ma-sukur.
Hee sekanu duwa a bilanggu, ngintu nya mapiya i madakel i kadnan atawa ka ya mapiya na sawalo bua pakagaga?.
Dala kanu ped-simabanu a salakaw sa Allah ya tabiya na mga ngala a ini-pamedtu nu andu su mga lukesu, a dala initulunu Allah a tindeg, na dala hukoman ya tabiya na kanu Allah, ini-sugu nin i dakanu ped-simba sa salakaw salkanin, kantoba i agama a matidtu, ugayd na ya madakel kanu mga taw i di nilan katawan.
Sekanu duwa- isa salkanu namakam-balingan sa galbekin a kapa-inum sa datu, su isa menem na palpan (makalepa) sya sa kayo a tudtogen a papanuk su ulo nin, diden ka-umbayan i namba a tudtulanu taginepenu.
Pidtalu nin kanu isa sa pakalyu i labit ako nengka bu kanu datu nengka, na pina- limpanganu shaytan i kalabitin (kanukadnan nin, antu ba i makad-tabang),na natangen pan sa bilangguwan sa mga lagonan pan.
Andu pidtalunu datu- nailay ko i pitu a mga sapi a mga sebud, apegken na pitu menem a magasa, andu pitu menem i tiyug kayan a gadung (mailaw gayd), andu pito menem i nagangu, sekanu a kanga-saligan edtalunu salaki i namba a taginepeng ku amayka mataw kanu sa maa'na na taginepen.
Tigilan dala bun inan ka mid-sisimbula taginepen, andu dikami matawsa tudtolan a taginepen.
Pidtalu(nu mama a nakalyu sa bilangguwan) sa ulyan a nauget pan a timpu (sa nampan a nalugodin)saki tigin i manudtul sa maa'na nin,sugu aku nu(lusa kanu yusuf)
Yusuf a benal i kadtalu nin, edtaloka i maa'na na pito a mga sapi a masebud, a pegken a pito a magasa, andu pitu ka tyogkay i gadong,andu pitu menem i nagangu, ka o makaulya ku na madtaluku andu katawan nu mga taw.
Tignu (yusuf) pamula kanu sa pitu lagun, na langn a masabpetu na luden mon kanu tyogkayanin, ya tabiya na su makan bu sa sagugunay.
Mauli na makauma i pito lagun amapasang (kang-gutem) sa kan'ninmenem su initagu nu, ya tabiya na paydu bu kanu tinakesu. (tinagu nu) (pitu lagun na mapiya su uyag-uyag, pitolagon menem i kang-gutem)
Mauli na mauma menem i lagun na ulanan den su mga taw andu umani-isa na eng-galbekenin i galbekin sa mapiya.
Tignu datu pasyanu salaki su (yusuf)guna makauma salkanin su sinugu,na tigin embalingan ka lukanudato nengka, ka idsa nengka salkanin o ngini betadu mga babay a nanga-tebped i mga lima nilan, ka su kadnan ku na katawanin i pakaidilansalaki.
Tignu (datu), sekanu a mga babay ngini kahanda nu kani (ysuuf)? Yanilan nadtalo na:dala natawan nami kanu yusuf a marat apiya paydu, midtalu (si zalikha) sa- saguna na mib-payag su bantang, saki bun i bamagayuk (kanu yusuf)sa marat, andu sekanin na isa kanu langon obenal i kadtalo nin.
(Si Yusuf na midtalu) ka andu katawanu (Abdul aziz) i dala ku tigin endupangi s kalma nin sagaib, andu su Allah na dinin tutuln su mga taw a makag-kaid sa kapedin.
Dik bun ibpalaw i ginawa ku, kagina su ginawa na ped-sugu sa marat, ya tabiya na su ini-kalimunu kadnang ku, kasaben-sabenal kanu kadnan ku na bangampun a malimu.
Pidtalu nu datu i pasiyanu salaki, (su yusuf) ka baluyen koua isa kanu kanga-saligan ku, guna nin makam-bityala na tigu datu salkanin, seka (yusuf) na saguna na sya ka salkami na aden bangkatan nengka a kasaligan.
Tignu (yusuf) baloy aku a tumuldu sa kapaguyag nu mga taw, ka saki na katawang ko i katuganul sa kauyaganu mga taw.
Mamba i kina-padtakena nami (kina-pagkalben nami) kanu yusuf siya sa lupa a pendaya-daya sekanin sa apiya endaw pegkiyog, ipasugat nami kanu limu nami su kag-kahanda nami,andu di nami dadagen su balasu mga taw a mga mapiya.
Aandu su balas lusa akhirat na nya pan labi i kapiya nin, kanu silan a nangimbenal, andu (su mga taw) a kagilkan sa gay a mauli.
Nakawma s mga suled nu yusuf, na linemudep silan, nakilala nu yusuf silan, na dala nilan makilala. (su yusuf).
Guna nin palulani (inenggan sapegken) su langunu pigkodan nilan sa pegken, tignu yusuf- pasiya nu i suled nu antu kani ama nu (su binyameen), ka kailainui saki na dala kulangin i kab-pagasad ko salkanu, andu saki na mapiya aku ped-tumpan.
Na amayka dinu maka-pasiya salaki na dala den asaden salkanu sya salaki,(dala den makwa nu)andu dakanu den semya salaki.
Tigilan ipamagayok nami sekanin kani ama nin, andu dibpelis na eng-galbeken nami (lukani ama i makaunut)
Pidtalunu (yusuf) kanu mga panunugonin i- idikenu bu i mga dagangan nilan san sa pegkudan nilan anan, (imbalinganu idaganagan nilan) ka basi makilala nilan bun amayka nakauma den silan sa walay nilan,ka basi embalingan pamun silan endagang, ka tabiya bun ka dala kaped a dagangan nilan a salakaw sa namba.
Guna makauli silan lukani ama nilan na pidtalu nilan hee ama nami sinapalang kami sa ka- itami sadagangan (o dimakaunut si binyameen) paunut ka salkami kandu makan-dagang (kami pon), andu sekami na tuldun nami sekanin. (tyakapan nami si binyameen)
Tignu (Ya'cob) - dala pakaydanu salkanin ya tabiya na mana bun kina pakaydu kanu kaka nin a nauna (mana si yusuf)na su Allah i labi a mapiya a tumuldu, andu sekanin i labi a malimu kanu langun o mga malimu.
Na guna nilan bungkala su lulan nilanna lubun su mga dagangan nilansa nakam-balingan kanilan, tigilan hee ama nami ngin pan i kiyugan tanu sa niya bun su mga dagangan nami sa nakambalingan salkami? Andu kaumanan kami sa maita satiman a unta (amayka makaunut), namba na paydu pan intu sa ginawa na datu antu.
Tignu (ya'cob)- diko paunuten salkanu (su binyameen) taman a di ako nu enggan sa pasad abpun sa Allah sa imbalingan nu salaki (si binyameen) ya tabiya na su dinu magaga, gunaenggay silan sa pasad nilan, tignu (ya'cob) su Allah i mataw kanu bityala tanu a tumuldu.
Pidtalu nin i sekanu a mga wata ku dakanu lemodep sa bengawan a satiman bu, nebpalak kanu sa kaludep n kanu umga bengawan,andu di aku makam-baraguna salkanu sa kahanda nu Allah sa apiya paido, ka dala egkuwan sa hukoman- ya tabiya na su Allah a sinaligan ku, andu sekanin a kadnan i wagib a saligan o bamed-salig.
Guna silan maka-ludep sa mana suu suguwan nu ama nilan, na dala makambarapantag kanilan- kanu kahandan nu Allah, ya tabiya na su lusa kanu ginawa ya'cob a disilan masasat sa kalodep, andu su ya'cob na aden ilmo nin kanu pina-katawan nami salkanin, ugayd na ya madakel kanu mgataw na di mga mataw.
Guna makaludep silan kanu yusuf na inidsenggay nin su suldin, tigu (yusuf) saben-sabenal a saki su suled nengka a si (yusuf), na dikapeliduwa i ginawa nengka sa pinakaidannilan salaki, andu daka pedtalu- talu.
Guna nin belulani suu pegkudan nilan (sa mga pegken) na itagunu san-su asadan a bulawan san sa pegkudanusuldin (binyameen) mauli na inayanan silan o banawag sa hee! Sekanu a migkukuda- sekanu na nanegkaw kanu.
Nakabpelen silan sa nakasangul, yanilan pidtalu na ngini nadala salkanu ka pangilay nu.
Tigilan nadadag su asadan nu datu (a bulawan), andu bungkalen nami i languna mga lulan nu,ka saki i mataw lun apiya endaw matun.
Tigilan ibet sa Allah, natawan nu i dikena yanami kinasya i baminasa kami sa kanu dalpa, andu dikena kami mga tegkaw.
(Isa kanu taw nu yusuf na midtalu) ngini balasin (pakaidan lun)amayka pendalbut kanu?
Tigilan yanin balas (pakaydan lun) na su katunan sya kanu pegkudanin nasekanin i balasin (makatabun) ka mamba i balas kanu mga dupang.
Inuna nilan mungkal su kanu mgakapedin kanu suldin, mauli na lunilan natun kanu suled nin (binyameen), mamba i kina-pagitung o yusuf a mapiya, dala nin kuaya su ali nin sa tekaw atawa hukuman nu dalpa (kitabanu datu) ya tabiya na kahanda nu Allah, tigu Allah ipulu nami sa bangkatan su mag-kahanda nami, andu umani-isaa mataw na aden menem saka- mataw pan salkanin.
Yanilan pidtalu na amayka nanegkaw, na mana bun si kaka nin a (yusuf) sa nauna a nanegkaw, na dala den edtalu su yusuf, andu dala nin ipayag kanilan sa yanin pidtalu sa ginawa nin (nanggi-ginawa nin) sekanu i mga taw a mawag, katawanu Allah i pedtalunu banan.
Yanilan pidtalu-hee mapulu aden ama nin a matuwa, na sya ka kuwasa isa salkami a gantinin, (gantiyan nilan si binyamen) ka seka a taw na gailay nami i kapiyanengka salkami.
Tignu (yusuf) lumindung aku sa Allah i kuan nami idikena natunan sa kasangkapan nami ka sekami i dupang sa pandosan nami i dala dusa nin.
Guna su dinilan magaga (bamityala)na sinumibay silan a bamagedonga, ya pid-talunu kaka na ngintu natawanu si ama tanu na kinumua sa pasadsalkitanu sa midsapa tanu sa Allah andu nawna pan a pina-kaydan nu kanu yusuf? Tigin: di ako gumanat sya ba a lupa, taman a diyako sugotani ama ko, atawa sugotan ako nu allah, ka sekanin i mapiya i hukomanin.
Uli kanu, edtalunu kani ama nu, hee ama nami, su wata nengka a mama (su binyameen) na negkaw, na dikena kami ped-saksi, ya tabiya na sunatawan nami, andu dala salkami i matuldu nami i gaib.(katawan nami i manggula i nya)
Idsay ka su taw na dalpa anto a napantagan nami (inangayan nami) andu su migkuda a nasangulan nami, ka benal kami. (dikena kami bagakal)
Tignu ya'cob- atulanu ginawa nu bun inan, mana bun su nauna (pinakaidanu kani yusuf) ed- sabar ako sa matilak, ka basi imbalinganin bun silan tanan salaki, ka su Allah i mataw sa mapayag-masulen.
Tinangka nin silan(tinumaligkod), andu pidtalu nin su lidu na ginawa nin kanu yusuf, sa migakputi su mata nin (nabulag) sa lidu na ginawaamalugkog.
Tig nilan ibet sa Allah, di nengkabun gapitas (galipatanan) i tadem kani yususf, taman sa egkalubay ka atawaka mabinasa ka den. (na tadem nengka kani yusuf)
Tignu(ya'cob) lu ku bu man idsaku (ilingasa/ imbuko)sa Allah i lidu na ginawa ku, andu katawang ko abpun sa Allah su dinu katawan.
Hee mga wata ko lukanu, ka panalentengo su yusuf andu su suldin, andu dakanu ped-tebpekan kanu limu nu Allah kadala taw a tinebpekan kanu limu nu Allah ya tabiya na su (taw) mga kafir.
Guna makaludep silan kanu yusuf, tigilan: hee mapulu nauma kami na gutem kanu dalpa nami, aden napananggit nami a dagangan na bayadi ka pan sa pegken andu sadaqay kami pan, ka balasan nu Allah su ped-sadaqah.
Tignu yusuf: ngintu natawanu su pinakaydan nu kani yusuf andu su suldin sa sekanu na jahil kanu pan?
Nadtalu nilan: nanduken seka besen su yusuf? Tigin saki ba su yusuf, andu nan su suled ko, ini-kalimu kami nu Allah ka natimu kami, kagina su taw a magilek a tumigkel,na su Allah na dinin dadagen su balas nu mga mapiya a taw.
Tigilan: ibet sa Allah -na saben-sabenal a inilabikanu nu Allah salkami, andu sekami i nalimban kami a benal.
Tigu yusuf: dala dusa nu salaki saguna, ampunen kanu nu Allah andu sekanin i malimu kanu langunu malimu.
Pananggit nu i balegkas ko anan, ibetad nu lusa biyasi ama, makambalingan su kailay nin, o andu pasyanu kanu dalepa ku i kadakel nu langun. (langun a mga kaluma andu mga wata nu)
Su kinaganat nu migkuda- nadtalunu ya'cobi gabaw ku su baw nu yusuf, o dikena bu su edtalunu i saki na pembungaw aku. (na madtalu ku i bibyag si yusuf)
Pidtalu nilan: ibet sa Allah na dika bun gapinda sa kina-limban nengka sa nauget den.
Guna makauma su makapiya sa ginawana inibetadin kan biyasin (balegkas nu yusuf) na nakailay (su ya'cob) yanin pidtalo na: pidtaluku ba salkanu i saki na aden katawang ku abpn sa Allah a dinu katawan.
Pidtalu nilan hee ama nami ipa-ngeni kami nengka sa ampun sa kanu mga dusa nami, ka sekami na nalimbankami a benal.
Tignu (ya'cob): dibpelis i kapangeni ku salkanu sa ampun kanu kadnan ko, ka sekanin i bangampun a malimu.
Guna makaludep silan kanu yusuf, kinuwa nin su duwa a lukesin, andu pidtalu nin ilodep kanu sa mash'r, sa kahanda n Allah sa tumatana kanu.
Pina-ayanin su duwa a lukesin kanu bagayananin, andu nakambaba sa naka-sujud i mga suled nin,andu pidtalunu yusuf hee ama, nya den ba su maa'na nu taginepeng ku a naunaa saben-sabenal a tinumanu kadnan ku ka benal, andu pinag-kapiya aku nu kadnang ko kanu kina-palyo nin salaki sa bilanggowan, andu pina-sya kanu ninsalaki abpon sa dalem, sa ulyan kina sasatu shaitan salaki andu su mga suled ku, ka su kadnan ku na sangat a malimu kan mag-kahanda nin,ka sekanin namataw sa kapan-dadaita-kapambetad.
Kadnang ku inenggan ako nengka sa ka-datu, andu pinagkataw ako nengka sa kapasangol sa ilmaa'na na kadtalo(taginepen) a (seka bu) i minumbal kanu mga langit andu lupa, seka i tumuldu salaki sya sa dunya andu akhirat, na imatay akosa muslim ako, andu ikuyog aku nengka kan mga mapiya a mga taw.
Ent a mga tudtulan a gaib,(dala mataw lun) na ini-wahie nami salka (muhammad) andu dala kan matabu sa kina-pagumpong nilan sa kapakaidilan kani yusuf, kando nilan makua su limu nu (ya'cob)
Andu dala kanu mga taw, apiya nginden i kapamikal nengka- i mangimbenalsilan.
Dikena ka pegkua kanilan sa sukay nengka,uged na ipapedtadem(su qur-an) thay andu ibangindaw.
Madakel i mga tanda a qudratu Allah sya sa langit andu sya sa lupa, a pedsagadan nilan, andu silan na dala pataganilan lun.
Andu dala pangimbenal su kadakelan kanilan sa Allah ya tabiya na silan (na midsisingguman) sa kaped-sakutu.
Ngintu tinangkedilan i di mauma silan nu makatekaw abpun a siksa nu Allah, atawa makauma kanilan su gay a mauli (kapatay) sa maka-tekaw andu dinilan madsagipa?.
Edtaluka (muhammad) i nya ba i lalan ku na kanggat ku sa mga taw lusa Allah sa aden tindeg ku andu su minunut salaki, andu mahasutie su Allah, andu daku makuyog kanu mgamushrik.
Dala sinugu nami a nauna salka a dikena mama, ipe-wahie nami kanilan-abpun kanu mga tawsa dalpa, ngintu ka di silan lumalakaw kanu dalpa-kandu nilan mailay o ngini nauli kanilan a nanggola nilan?andu su dalpa sa akhirat naya labi i kapiya nin kanu magilek sa Allah na ngintu ka dikanu magungangen.
Taman sa tinebpekan su mga sinugo, andu na antap nilan sa mabagel i pinan-dalbut silan, na nakauma kanilan su tabang nami, na lepasen nami su mag-kahanda nami, andu di malen (dalamakasapal) kanu siksa nami kanu mga taw a mga kafir.
Saben-sabenal a natagu kanu tudtulan kanilan i mga ibaratan kanu mga taw a aden pamikiranin, dikena pagelin bityala a ipedtebu rie (su qur-an), ugayd na ipembagel kanu mga nauna a mga kitab, andu peb-payagan kanu langunu enggaga-isa (a hukuman) andu tutulu, andu limu kanu mgataw a mu'min.
