Alif-lam-ra. Su Allah i mataw kanu ma'ana nin,nya ba i ayatan nu kitab a na-atul sa mapiya.
Ngintu ka magaip su mga taw sa ini-wahie nami kanu mama abpun bun kanilan (muhammad) sa panging-gil'ka su mga taw sa naraka, andu pakalilinika su mga mu'min sa aden kanilan i balas a mapiya lusa kadnan nilan, pidtalu nu mga kafir dala san i benal kani (muhammad) ugayd na sih'r a mapayag.
Saben-sabenal a kadnan nu su Allah a sekanin i minaluy kanu mga langit andu lupa sa naka-nem gay bu, mawli na mibpapulo sekanin kano arash nin , sekanin i pedtuldu kanu paka-rajan, dala maka-safaat ya tabiya na- ulyana kasugutin, entuba su Allah a kadnan nu, na simbanu ngintu ka dikanu ma-indaw.
Lusa lekanin (Allah) i kauli-yanu tanan, pasadu ku Allah na benal, ka sekanin i mimatay haqqaan 'in kanu binaluy nin, mawli na paulitenin, kandu yu`īduhul nin kabalasan su mga mu'min a ming-galbek sa mga mapiya sa bantang, andu su mga kafir na kanilan i baginumen a sangati kayaw nin andu siksa a sangati kasakitin, sabap kanu kinag-kafir nilan.
Su (Allah) i minaloy kanu maliwanag u senang, andu su sigay nu ulan ulan, andu inukolin i al-qamara bagukitan, kandu nu katawan su mga lagun lita lamu andu su gay, dala kinabaluy kanu e'ntuba, ya tabiya na haqq, pedtinadtad nu Allah su mga ayatanin kanu mga taw, kandu nilan katawan.(sabap kanuusenang i katawan igay, su ulan ulan i katanud kanu lagun)
Su kaped-sukelya nu magabi andu malamag, andu su binaluy nu Allah kanu mga langit andu su lupa na mga tanda a qudratu (kapeg- kagaga) nu Allah kanu mga taw, kandu silan kagilekan.
Su mga taw a dala sa ginawa nilan i mabaratamu kami nin (Allah)andu nasuwat sa kauyag sa dunya, andu midtakena i ginawa nilan sadunya, andu silan na diniyang- diyang nilan su ayatan nami.
Entuba a mga taw na yanilan kadtakenan na su apuy, sabap kanu mga peng-galbeken nilan siya sa dunya. (a ka-kafir)
Saben-sabenal su mga mu'min andu su ming- galbek sa mga mapiya- tutulunu kadnan nilan silan sabap kanu iman kanu atay nilan, (aden surga nilan) a belagilay sa kababan nilan i mga pulangi lusa surga a naiem.
Ya nilan edtalun u aden kiyugan nilan na subhaanaka Allahumma, andu ped- sasalamay silan, andu ya mawli a kadtalu nilan na alhamdu lillahi rabbil alameen.
U mana bu ka idtagad (pamagayasan) nu Allah kanu manusya su mawag sa mana su kad- tagad nilan sa mapiya na- mauma nilan i ajal nilan, na pasagadan tanu su mga taw a dala kanilan i ka-adap nilan salaki, (sabap) kanu pakasagada galbek nilan na anteng-anteng silan.
Amayka nauma na makag-kayd su manusya na nangeni salkami saped-takilid atawa bagayan atawa ped-tindeg, na guna iyawa salkanin su mawag (peng-gedamen) na mana bun dala pangeni salkami kanu nagedamin a mapasang (sinemupak bun) mamba i kinab- palas kanu mga darwaka, kanu peng-galbeken nilan.
Andu saben-sabenal a bininasa nami su mga taw a nangawna salkanu, gunasilan peg-kafir, andu nakauma kanilan su mga sinugu sa mga mapayag, andu dala kanilan i mangimbenal silan, mamba i kabalas nami kanu mga taw a mga baradusa.
Mauli na binaloy nami sekanu a namaka-sukli kanu siya sa lupa sa ulyan nilan, ka endu nami kailay u panun i mga galbeku.
Andu amayka batyan kanilan su mga ayatan nami a mga mapayag, naya pidtalunu mga taw a di gatagu sa ginawa nilan i gay a mauli, na enggay ka sa qur-an sa namba atawaka sambieka, edtalu ka (muhammad) i dala salaki i kasambi ku lun sa kiyugku, ka dala bagunutan ko ya tabiya-na ipe-wahie salaki, kagilkan aku amayka supaken ku su kadnan ku sa siksa kanu gay a masla.
Adtaluka (muhammad) u kena bu kahanda nu Allah na diku mabatya salkanu andu diku katawan, ka nawget aku salkanu sa da pan makatulun salaki, na ngintu ka dinu gapamikir?
Dala nakasagad i kadupangin kanu adtetebu sa Allah sa kalbut, atawa pinan-dalbut nin su mga ayatanin, na di abenal maka-untong su baradusa.
Andu ped-simban nilan i salakaw sa Allah a di makam-barapantag kanilan a di bun makag- kayd, andu pedtalun nilan intuba i suma-faat kanilan(makad-tabang) lusa Allah, adtaluka (muhammad) i ngintu ka panudtulen nu sa Allah i dala dinin katawan kanu dalem mga langit andu lupa, mahasutie sekanin a Allah kanu langunuuiped-sakutu nilan.
Dala kanu mga taw (a nanga-una) ya tabiya na isa bu i agama nilan(islam) na mimbida-bida silan (sya kanu ulyana gay) na o dikena bu napasadu (Allah) i hukumanin (sa di pan silan binasan) na napasad den silan sa mabinasa kanu di nilan bamagayunan.
Andu pedtalun nilan u namba ka nakatulun i ayat (sa mailay nami) abpun sa kadnanin, na edtaluka (muhammad) i kanu Allah su gayb, na angap kanu den mun, ka saki- na kuyog kanu bagangap. (kanu kakukum nu Allah) .
Andu amika pina-nanam su manusya sa limu sa ulyan a mapasang a natala nilan na aden menem ipamakaid nilan kanu mga ayatan nami, edtaluka (muhammad) su Allah mangagan i kapakaydin, na su mga sinugu nami (a mala- ikat) iped-sulat kanu kapagakal nu manusya.
Sekanin i pabpagiseg salkanu siya sa kapuluwan andu lagat, taman sa amayka siya kanu sa bagedan sa lagat, na ini-palalaguy kanu nin sa sambel a mapiya, andu nalilini silan, (amayka) nasugat menem silan a sambel a mapasang andu bagel a naka-balibet kanilan, andu na antap nilan i langkap den su bagel, na mangeni silan sa Allah sa ikhlas, sa amayka linepas kami nengka sya ba kadnan nami na sukur kami a benal.
Guna nin pel pasa silan, kena ka min- dupang silan siya sa lupa sa da kawagibin, sekanu a mga taw a pen-dupang na su kadupang nu na baguli sa ginawa nu, na kabpaguyag na paydu siya sa dunya, mawli na siya kanu bun tanan makam- balingan salkami, na inggay nami salkanu su lalaw nu galbeku.
Ya upaman a kauyag sa dunya na mana bun su ulan, initulun nami abpun sa langit a midsimbul kanu bamangetu siya sa lupa, abpun kanu pegken nu mga manusya andu binatang, taman samid-zubing kanu liwawaw nu lupa su embalangan (a mga mapiya) andu migkapiya i palasin, andu natagu sa ginawa nu namula i maganden bagaganin, ngimpan ka binaluy name a nakuku-nalupet sa magabi atawa malmag, sa mana bun su dala bun makam-buat kagay, mamba i kaped-tinatad nami kanu mga tanda nami kanu mga taw, kandu silan maka-pamikir.
Su Allah ibagenggat lusa dalpa a sutie (surga) ped-tutulunin su kahanda nin sa lalan a matidtu.
Aden kanu mga taw a mapiya i surga andu umanan pamun silan sa (mapiya) andu dala kanu biyas nilan i kag-kaitem, andu kalusak, silan i mga taw sa surga a dala den kalyu nilan.
Su mga taw menem a ming-galbek samawag naya balas a mawag a satiman na satiman bun, andu maitem i beneng nilan a naka-lusak, andu dala kanilan i parihala a makabpun sa Allah su mga beneng nilan na sangati kaitemin kalibutengin, silan i mga taw sa naraka a dala kalyu nilan sa apuy a siksa.
Andu su gay a buligen nami silan tanan na entupan ka edtalun nami kanu mga mushrik i sangkanu demun pamba, andu su mga barahala nu, na pabpayagannami su barahala andu su sinumimba lun, edtalunu mga barahala i dikena sekamii ped-simbanu!
Su Allah i saksi tanu sa pageltan nami andu pageltanu, ka dalasabut nami sa kina- simbanu salkami.
Luba a gay na batalun su umani-isa kanu nauna den a galbekin,andu lu den silan sa Allah a tumuganul kanilan a haqq, andu natadinganilan su iped-tebu nilan a mga barahala.
idsan nengka untain i pe-ridzqi salkanu abpun sa langit andu lupa-atawa entain i paka- milik sa kakineg andu kailay, andu entain i pab-pelyu sa bibiyag abpun sa minatay, andu pab-pelyu sa minatay abpun sa bibyag, andu entain i ped-tanding sa kanu mang-gula? Na yanilan madtalu na su Allah , na edtaluka kanilan i ngintu ka dinu ipeg-kagilek?
Entuba su Allah a kadnan u haqq na (dala) mauli sa haqq a dikena katadingan, na ngintu ka salakaw pan i ped-simbanu?
Mamba i sabapin i nawagib su siksa kanu mga taw a linumyu kanu agama, silan a di bangimbenal.
Idsan nengka u ngintu aden kanu barahala nu i madala nin su binaluy mauli na embalingan nin? Edtaluka i su Allah i pendala kanu binaluy mauli na pauliten nin, na ngintu kad- tetebu kanu?
Edtaluka (muhammad) i ngintu aden kanu barahala nu i makatutulu sa haqq? Edtaluka i su Allah iped-tutulu kanu haqq, na ngintu su ped-tutulu sa haqq i wagib a unutan atawa ka su di pakatutulu ya tabiya na tutulun pan, ngin i bedtuwan salkanu? (panun antu) i kapangukumu?
Andu dala bagunutan u kadakelan kanilan a (mga mushrik) ya tabiya na antapan, na su antapan na di makangguna sa haqq(bantang) sa apiya paidu, ka su Allah na katawanin i languna peng-galbeken nilan.
Andu dala sa nan a qur-an a mapulu idtetebu sa salakaw abpun sa Allah, ugayd na inibagel andu inipayagin su nanggulanu mga kitab a nauna, andu ipeb-payaginsu nan a kitab na dala kandua-dua nin abpun sa kadnan nu dunya.
Andu pedtalun nilan inidtebu (muhammad su qur-an)? Edtaluka kanilan pambuwaten nilan i satiman a surah a pagidsanin,andu tawagu magaganu a salakaw sa Allah a mga barahala nu amayka benal i pedtalu anan.
Kena, ka papen-dalbuten nilan su langunu dinilan katawan, andu dala makawma i tutulu kanilan, na mamba i kina-pandalbut nu mga taw a nangauna kanilan, ilayka (muhammad) u panun i ulyan a manggula nu mga zaalimeen(nangatading).
Andu kaped kanilan i mangimbenal,andu su kaped menem kanilan i di mangimbenal,andu su kadnan nengka bu i labi a mataw kanu pamaka-binasa.
Andu amayka pinan-dalbut kanilan (muhammad) na edtaluka i laki i galbek ku, na lekanu den i galbeku, sekanu na lepas kanu sa kanu peng-galbeken ku, na saki na lepas aku bun kanu peng-gulanu.
Andu aden bun kanilan i makakineg salka, na ngintu maka-papakikineg nengka i bisu? Di nengka matutulu silan, ka silan na dala ungangenin.
Su kaped kanilan idtulik salka sa ungat bu, na dala bun salka i matutulu nengka i pisek, kagina silan na di makailay silan sa masulen.
Saben-sabenal su Allah na dinin dupangen su mga taw sa apiya paydu, ugayda su mga taw bun i pen-dupang sa ginawa nilan.
Andu su gay a limuden silan u Allah (lusa gay a mauli) na mana bun saka waqtu sa malmag (saka oras bu ikina-gedam nilan) i kina-tangen nilan sa qubur, sa makag-kikilalaya silan, el din saben-sabenal a nalugi su napan-dalbut sa ka-b adap sa Allah (dala palityala sa aden gay a mauli) andu dala den silan matutulo.
Aden antu na ipailay nami salka (muhammad) isu kaped a siksa a iped-tatalanga kanilan, atawa imatayan nami bu seka, na siya bun salkami i kam-balinganan nilan, mauli na su A llah i saksi kanu langunu peng-galbeken nilan.
Umani-isa a ummat na aden rasulin, na amayka nakauma su sinugo kanilan kukumen sa bantang andu di silan mad-talimbut.
Andu pedtalun nilan kanu i namba (gay a mawli anan) amayka benal i pedtalunu banan?
Edtaluka i diku kamilikan i ginawa ku sa makag- ked andu makag-kapiya,ya tabiya na kahanda nu Allah,umani-isa na aden ajalin, amayka nauma silan u ajal nilan, na di maka- sundul andu di makateng.
Edtaluka kanilan u mauma kanu na siksa nu Allah sa magabi atawa malmag, na ngimpan iped- tagadanu (pamagayasanu) mga taw a baradusa?
Na ngintu upama ka naka-betad su siksa na mangimbenal kanu saguna? Inunta na ped- tagadanu gayd.
Mauli na edtalun kanu mga kafir i nanaminu su siksa a dayun, ka dala i balas salkanu, ya tabiya na lalaw nu peng-galbekenu.
Andu bagidsan kanilan a benal u makam-buwat su taw (lusa gay a mauli endu siksa) edtaluka i benal, idsapa ku kanu kadnan ku na benal a makam-buat sa ulyan a kapatay, andu dikanu makalipus.
U mana bu ka su kafir ka lekanin bu su lupa sa ipangunin sa ginawa nin, andu ini-sulen nilan su kinad-sendit, guna nilan mailay su siksa a mapasang andu kinukm silan sa bantang, andu silan na di silan mad-talimbut.
Saben-sabenal a kanu Allah su pitu lapis a langit andu su lupa, saben- sabenal kanu pasadu Allah na haqq, ugayd na ya madakel kanilan i dinilan katawan.
Sekanin i banguyag-bangimatay, andu sekanin i ga-uliyan.
Sekanu a mga taw nakawma salkanu su indawan abpun sa kanu kadnan nu, andu gamot kanu dalem nu mga laleb,andu tutulu andu limu kanu mga mu'min.
Edtaluka i sabap kanu kalbihan nu Allah andu su limu nin na eg-kakalilini silan (sya sa islam andu kanu qur-an) ka nya mapiya kanu belimuden nilan (kakawasan) sya sa dunya.
Edtaluka (muhammad) su initulun u Allah salkanu a ridzqi a binaluy nu su kaped a haram su kaped na halal, edtaluka i ngintu inisugutu kadnan nu, atawa ka pedtetebuan nu sa namba a hukumanu?.
Dala kanu antapanu a ipedtebu sa Allah a kalbut (dibpelis na masiksa silan) sa gay a mauli ka su Allahi kigkuwan sa kalbihan kanu mga taw, ugayd naya madakel kanilan na di ma-sukor.
Andu dala ula ula a manot-matiwalu andu dala pembatyan nengka sa qur-an andu dala peng- galbekenu a galbek, a dikena nami ped-saksiyan sekanu, kanu kapeg-kuwanu lun andu dala maka-pagena abpun kanu kadnan nengka a unga a manot den sa saka-manot siya sa lupa andu langit, andu dala manot pan sa entuba atawa masla pan, ya tabiya na lusa kitab a mapayag. (lawhul mahfuz)
Saben-sabenal kanu mga taw amasupeg sa Allah na dala gilekilan, andu di malidu i ginawa nilan. (sa batalu a pamakauma kanilan)
Silan su nangimbenal a nagilekan sa Allah a mapulu.
kanilan su lilini siya sa kabpaguyag sa dunya andu lusa gay a mawli, di kasambiyan su kadtalunu Allah entuba i badtugan a masla.
Andu dika lumidu i ginawa nengka sa kadtalu nilan, ka su kapulu na kanu Allah langun, sekanin i pakakineg a mataw.
Saben-sabenal a kanu Allah su dalem nu mga langit andu su lupa, andu dala bagunutan u (mga taw)a pedsimba sa salakaw sa Allah mga barahala, ya nilan bagunutan na antap, andu dala kanilan ya tabiya kabagumbal sakalbut.
Sekanin a (Allah) binaloy nin salkanu su magabi a ipangin-telen kanu andu su malmag a ibpagilay nu, luba su mga tanda a qudratu Allah kanu mga taw a pakakineg.
Pidtalu nilan (yahudie-kristyan) i namaluy su Allah sa wata (aden kun wata nu Allah a mama) maha-sutie sekanin, sekanin i kawasa, lekanin i dalemu mga langit andu lupa, dala tindegu sa namba a kadtalunu, pedtalunu sa Allah i dinu katawan.
Edtaluka su(muhammad) mga taw a pedtetebuan nilan su Allah sa kalbutan na di silan maka- untung.
Kalang kapan bu (kag-kakalilini nilan bu) siya sa dunya, mawli na siya salkami bun silan makam-balingan, mawli na pananaman nami kanilan i siksa a mapasang sabap kanu kapeg-kafir nilan.
Andu gugud ka(u muhammad)su bandingan kani nuh a pidtalu nin ku mga qawm nin i:oh qawm ku! u nabaluy a masala salkanu i gelal ku anya endu su kapamelabit ku kanu mga gugudan nu Allah, na ku Allah bu e pedsalakanan ko, na pamalimud limud nu den e penggulan nu endu suy mga katumpuk(su mga pamedsakutu) uliyanin na di mabaluy su penggulan nu sa lapengin,entupan ka pamedsangul laku nu sa dili aku nu pagenggay sa lugal.
Amayka dikanu tumalima (sa islam) na dikena aku pegkua salkanu sasukay, ka dala sukay ku, ya tabiya na lusa Allah, andu sinugo aku sa makuyug aku kanu mga muslim. (sinumangkup sa Allah)
Pinan-dalbut nilan (nuh) na linepas nami sekanin andu su mga kapedinkanu bagedan, (awang) andu binaluy nami i silan i mamaka-sambi,andu pinageled nami su napan-dalbt kanu mga ayatan nami, na zulimang kaw panun i natamanan u mga kafir andu su mga mu'min.
Mawli kani (nuh) na pinam-buat nami sa ulyan nilan i mga sinugu lu kanu mga taw nilan, nakauma silan sa mga mapayag a tanda, na dala bun kanilan i mangimbenal ka mana bun su kina-pandalbut u nangawna, mamba i katutup nami kanu mga atay nu mga taw a di mangim- benal.
Mawli na pinam-buat nami sa ulyan nilan si musa andu si haaroon lukani fir-aun andu su kanga-saliganin (nu fir-aun), sa (aden) mga ayatan nami, na mimamasla silan, nabaluy silan a mga qawm abaladusa.
Guna silan mauma nu haqq abpun salkami (Allah), ya nilan pidtalu: nan suu(musa) na sih'r a mapayag.(mga pakaid)
Tigu musa enduken ka pedtalun kanu haqq sa kinauma nin salkanu i sih'r inan? Andu di a benal maka-untong su mga mategel sa sih'r.
Tigilan, kinauma nengka salkami i pab-pagendan nengka su naparuli nami sa mga kalukesan nami kandu nu makua su kamamasla sya sa lupa? Andu dala salkami i pangim-benalen nami sekanu.
Tigu fir-aun pasyanu salaki i languna mategel sa sih'r.
Guna makauma su mga mategel sa sih'r, na pidtalunu musa kanilan i butawaninu i pem-butawana nu.
Guna nilan pem-butawani, tigu musa na langun a napananggitu banan amga sih'r na su Allah nabatalenin (binasanin) ka su Allah na dinin tabangan i galbeku paka-binasa.
Andu tabang nu Allah su haqq kanu mga kadtalu nin, apiya di den kasuwatan u mga baradusa.
Na dala nangimbenal kanumusa ya tabiya na mga mulya-taw nu qawmin,sa gilek nilan kani fir-aon andu sukanga-saligan nin, ka ma-fitnah silan, (paka-pasangansilan) saben-sabenal kani fir-aun na mib-papulo sya kanu dalpa, andu sekanin i kiyug kanu naminasa.
Pidtalu nu musa-hee sekanu a mga taw ku amayka nangimbenal kanu sa Allah na salig kanu salkanin amayka muslim kanu.
Uilan i sinumalig kami sa Allah , huu kadnan nami dikami maluya a fitnah kanu mga dupang.
Andu lepas kami sabap kanu limu nengka-kanu mga taw a mga kafir.
Andu ini-wahie nami kani musa andu su suldin sa umbalinu su uga qawmo(mga sakup nu) lusa mas'r sa walay, a walay a sambayangan andu itindegu su sambayang, andu panudtul ka kanu mga mu'min su maka-piya sa ginawa nilan.
Tigu musa kadnan nami inenggan nengka si fir-aun andu su kanga-saliganin sa mga kapalasan andu mga tamuk sya sa dunya, kadnannami iped-tading nilan sa kanu mgataw kanu agama nangka, huu kadnan nami punas ka i mga tamuk nilan, andu tutupika su mga atay nilan na di silan mangimbenal taman adi nilan mailay i siksa a sangat a mapasang.
Tigu Allah na saben-sabenal tinalima den i pangeninu duwa, naedtidtu kanu andu dakanu munut sa lalan nu mga taw a di mga mataw.
Pina-bedtas nami su tupu nu israel kanu lagat, na sinaled silan nu fir-aun andu su kadakelin sa kadupangan andu kaped-tibaba, taman sa nagus na kina-geled, pidtalunin(fir- aun) i nangimbenal aku sa dala kadnan ya tabiya na su kadnan a pinangimbenal u tupo nu israel andu saki na kuyog aku den kanu mga muslim.
Tigu Allah saguna na nangimbenal ka, na sinumangka ka paganay andu kuyog ka kanu mga taw a baminasa.
Na saguna na lepasen nami i badan nengka sa kagampung, kandu kama-aden kanu mauli salka a tanda ibaratan,andu madakel kanu mga taw kanu mga ayatan nami i di manuliman.
Andu saben-sabenal a pinad-takenanami su tupu nu israel sa pedtakenana benal (sham) andu rinidz kiyan nami silan sa mga mapiya, na dala menem ka embida-bida silan taman sa nakauma kanilan i ilmu (kataw) su kadnan nengka na kukumenin silan sa gay a mawli kanu langunu dinilan bamagayunan.
Bamayka penduwa-duwa ka (muhammad) kanu initulun nami a salka na idsay ka su pembatya sa kanu kitab(taurat-injil) a nawna pan salka,saben-sabenal a nakauma salka su haqq abpun sa kadnan nengka, na daka mamung kanu bagalang-alang.
Daka pegkuyug kanu mga tawa napan- dalbut kanu mga ayatan u Allah ka makuyug ka kanu mga taw a nanga-lapis.
Su mga taw a na-wagib kanilan su siksa nu kadnan nengka na di silan mangim-benal.
Saben-sabenal a nakawma kanilan i langunu mga ayat, taman sa mailay nilan i siksa a masakit a malipedes.
Dala dalpa a darwaka i taw nin, amangimbenal (guna nin mailay i siksa) (na dili) makam- barapantag salkanin su pangimbenalin, ya tabiya na su taw nu yunus, guna silan pangimbenal na inawa nu Allah kanilan su siksa a kayayan siya sa kabpaguyagsa dunya, andu ini- kalimu nami silan taman sa ajal nilan.
U mana bu ka pig-kahanda nu kadnan nengka, na nangimbenal su taw nu lupa sa langun nilan, na ngintu sekapan (muhammad) i meges kanu mga taw kandu mabaluy silan a mu'mintanan?
Dala isa a taw a mangimbenal ya tabiyana kahanda nu Allah, nandu baloyen nin (Allah) i maled-sik kanu mga taw a di magungangen.
Edtaluka, ilaynu u ngin i dalem nu mga langit andu su lupa, andu di bun pakangguna su mga ayat andu su paka-gilek kanu mga taw a di bangimbenal.
Na dala kapagangapan nilan, ya tabiyana mana su mga gay a naypus kanu mga taw a nawna kanilan (a mga tyuba)edtaluka magangap silan, ka saki nasalta aku salkanu a mga taw a bagangap.
Mawli na lepasen nami su mga sinugo nami andu sumga mu'min, mamba i bantang (wagib) salkami i kalepasnami kanu mga mu'min.
Edtaluka (muhammad) i sekanu a mga taw amayka pendua-dua kanu sa kanu agama ku na diku simban su ped-simban nu a salakaw sa Allah, ugayd na nya ku simban na su Allah a sekanin i mimatay salkanu, andu ini-sugo salaki i makuyug aku kanu mga mu'min.
Andu patidtu ka i benengeng kasa agama a matidtu, andu daka kemuyug kanu mga mushrik.
Andu daka sumimba sa salakaw sa Allah a di makam-barapantag salka, andu dya makag-ked saleka, na amayka enggulan nengka na seka den i kuyog kanu mga kafir.
Amayka aden ipagedam nu Allah salka a dalu, na dala makawa lun ya tabiya na sekanin Sllah, andu amayka yanin kahanda salka i mapiya na dala maka-sumag kanu limu nin, inggay nin kanu mag-kahanda nin kanu mga ulipenin, andu sekanin i bangampun a malimu.
Edtaluka i sekanu a mga taw nakauma salkanu su haqq abpun kanu kadnan nu, na su temuntul sa haqq naya nin bun tinutulu i ginawa nin, andu sumid-tadingan naya nin bun gatadingi ginawa nin,andu dala salaki i katuldu ko salkanu.
Yaka- unuti su ini-wahie salka andu sabar ka, taman sa kemukum bun su Allah andu sekanin i mapiya sa langun a bangukum.
