Soma khulira lia Nyasaye wuwo Omulesi owaloonga.
Yaloonga Omundu okhurulana nende lilika.
Soma! Ne Nyasaye wuwo Omulesi ni Omuhani Okhushila boosi.
Ulia wechesia nende ikalamu.
Yechesia Omundu kalia akayalali namanyile tawe.
Shikali kario tawe! Toto Omundu abetsanga omufuru.
Niyelola mbu yeyera omwene.
Toto khu Nyasaye wuwo Omulesi niho wamakalushilo.
Olutsikhwo ulia ukaninjia?
Omulutsikhwo ye naba nali khubulunjifu?
Nohomba nalomesia okhuria Nyasaye?
Omulutsi kakhabanga ayingana mana akalukhe inyuma?
Shamanyilekho ta mbu toto Nyasaye alolanga?
Tawe! Nalalekha tawe, khulamukhwesulula khwiswi lia imberi woomurue.
Liswi lia imberi woomurue libeyi, lietsimbi!
Ne mana alange abayekhalanga ninabo!
Nafu khulalanga Zabania (abasikari bomulilo)!
Tawe! Olamuwulila tawe! Ra obweni hasi (nosujudila Nyasaye), ne mwisitiekhwo!
