Nditsuba khu shilo olwashifunikhanga!
Nende khushiteere olwa shiteeranga!
Nende khuwaloonga eshisatsa nende eshikhasi!
Toto bwene okhukhalabana khwenyu khwaukhane.
Kho, ulia urusia mana naaria Nyasaye,
Mana naasubila muno kalia akali amalayi,
Khwitsa okhumuwanguyisilia kabe amangu.
Ne ulia ukhola obwimani, mana niyelola mbu yeyerere.
Mana nakatsula amalayi po,
Khwitsa okhumuwanguyisilia kabe amasiro!
Ne omwandu kukwe kulimukhonya shina olwa aliba nasikhanga?
Toto bwene kali khwifwe okhwechesia obulunjifu.
Ne toto bwene kali khwifwe ka mutsuli (akhera) nende kokhuranjilila.
Kho ebekanyisilie omulilo kwakhanga obutinyu!
Shalikwinjilamwo tawe halali Omubii muno!
Ulia wakatsula mana nafutara omukongo.
Ne ulia waria Nyasaye alireebwa ehale ninakwo.
Ulia urusinjia omwandu kukwe khulwa okhwitswenula.
Ne shikali mbu aliho yesiyesi wamukholela amalayi lano khamurunje tawe.
Halali nokhukhaaba obweni bwa Nyasaye wuwe Omulesi, Oweekulu muno.
