Surah Al-Mu'minoon ( The Believers )

1. Bandimi basila kolonga.

2. Baye bamikitisaka tango bazali kosambela.

3. Mpe baye bazali kokima (makambo) maye mazanga ntina.

4. Mpe baye bazali kobimisa zakat.

5. Mpe baye bazali kobatela mitakala mia bango na ekobo,

6. Longola sé epai na basi na bango, to mpe bawumbu basi baye bazali na maboko na bango (bakoki kofanda na bango mwasi na mobali) mpo ete wana bakopamelama te.

7. Na yango, moto oyo akoluka kolekisa ndelo wana, bango nde babuki mibeko,

8. Mpe baye bazali kobatela mabombisi (amanati) oyo bapesi bango mpe bazali kotosa mpe kokokisa bilaka bia bango.

9. Mpe baye bazali kobatela balosambo na bango.

10. Bango nde bakitani.

11. Bakokitanelaka bisika ya likolo, na lola bakozalaka libela o kati na yango.

12. Mpe tosilaki kokela moto na mabele ya potopoto,

13. Sima tozalisaki ye litanga lia (mayi) ya ndembo kati ya ebombelo ya makasi.

14. Sima tokomisaki mayi liboke ya makila sima makila ekomi mosuni, sima mosuni ekomi mokuwa, sima tolatisi mokuwa mosuni, sima tosali ye ekelamu mosusu. Mapamboli manso mazali ya Allah mokeli ya malamu,

15. Sima na yango bokokufaka ya soló,

16. Sima bokosekwisamaka ya soló o mokolo mwa suka,

17. Мре tosilaki kokela o likolo na bino mapata sambo, mpe tozangaki bokebi te o tango ya bokeli.

18. Mpe tozali kokitisa mayi kowuta o likolo na bokoki (mayi wana eleka ebele te), sima tovandisi yango na mabele, mpe tozali na bokoki ya kobungisa yango.

19. Mpe kowuta na yango nde tozali kobimisela bino bilanga ya naghil na a’nâb, yango wana bozali na bambuma ebele, mpe bozali kolia bisusu o kati na yango.

20. Na nzete esusu ebimi na ngomba ya sinaî, ezali kobimisa mafuta тропа bopakoli тре тропа baleyi.

21. Mpe ya soló, bibwele bizali liteya тропа bino, tozali komelisa bino maye mazali kobima na mabumu na yango (miliki) тре bizali kosalisa bino mingi, тре bozali kólia bisusu kati na yango.

22. Mpe na yango na bamasuwa bozali kokumbama.

23. Mpe tosilaki kotinda Nûh epai na bato naye alobi: Oh bato ba ngai! Bobondela Allah, bozali na nzambe mosusu te ya kobondela na bosôló na botiki ye. Boye bozali kobanga te?

24. Mpe bankumu bapengwi okati na bato naye balobi: Nini oyo, azali moto lokola bino. Alingi amatela bino, soki Allah alingaka, (kotinda ntoma) mbele akitisaki ba anzelu. Makambo oyo totikala koyoka yango epai ya bankoko na biso ya kala te.

25. Oyo sé moto ya ligboma, bótala ye sima ya tango токе.

26. Alobi: Nkolo wa ngai, sunga ngai mpo bazwi ngai moto ya lokuta.

27. Tomonisaki naye ete; salamasuwa na miso na biso mpe na mitindo mia biso mpe tango mokano na biso ekoya mpe mayi ekobima na makasi na litumbu,(1) kotisa na kati ya masuwa balolenge ya banyama moko na moko mwasi na mobali elongo na libota nayo, longola sé baye kati na bango liloba lisengeli likokisama likolo na bango. Kasi kotuna ngai te mpo na babubi, mpo ete bakozinda mbalakaka na mayi (bakokufa).

28. Mpe soki omati na masuwa yo na ba oyo ozali na bango, loba: Lokumu ya Allah oyo alongisi biso likolo ya bato mabe.

29. Mpe loba: Nkolo kitisa ngai na esika ya mapamboli, mpe yo nde mokitisi ya malamu.

30. Ya soló, wana nde bilembo. Mpe tozali ya sólo baye topesaka komekama.

31. Sima na bango tokelaki bato basusu.

32. Mpe totindelaki bango motindami kowuta kati na bango moko mpo ayebisa bango ete: Bobondela Allah, bozali na nzambe mosusu te ya kobondela na bosôló na botiki ye, boye bozali kobanga te?

33. Mpe bankumu kati na bato naye na baye baboya kondimela elaka ya suka mpe topesi bango bolamu awa na nsé, balobi: Ye azali moto lokola bino, aliaka biloko oyo boliaka, mpe amelaka oyo bomelaka.

34. Kasi soki botosi moto oyo azali lokola bino, wana bosili kozanga.

35. Boye azali kolaka bino ete: Soki bokufi mpe bokomi putulu mpe mikuwa, ete bokobima (na malita)?

36. Mosika mosika тропа oyo bazali kolaka bino.

37. Wana ezali sé bomoyi ya biso oyo ya nsé, tozali kofanda mpe tozali kokufa kasi tokosekwa te.

38. Wana azali moto oyo azali kobukela Allah lokuta, mpe tokondimelaka ye te.

39. Alobi: Nkolo, sunga ngai mpo ete bazwi ngai moto wa lokuta.

40. (Allah) alobi: Iyo; kala mingi te bakokoma na mawa.

41. Mpe ligangi esimbaki bango na bosôló, mpe tokomisaki bango lokola makasa ya kokawuka (mpe bakumbami na mayi makasi), mpe libebi тропа babubi.

42. Sima na bango tokelaki bato basusu.

43. Mokano ya umma(1) nyoso mokoki koleka eleko na yango te, mpe ekokutuama te.

44. Sima totindaki batindami na biso ya kolandisa, tango nyoso motindami akoyaka na umma moko bazui ye moto ya lokuta, mpe tolandisaki bango na bango, mpe tobetelaki bango másese (ya kokamwisa mpe kobangisa bango) mpe libebi тропа baye bandimaka te.

45. Sima totindaki Mûssa na ndeko waye Hânına na bilembo bia biso mpe bokonzi ya polele,

46. Epai ya falo na bankumu naye, (bato naye), basali lolendo, mpe bazalaki bato ya lolendo koleka.

47. Balobi: Tondimela bato mibale oyo bazali lokola biso, mpe bato na bango bazali bawumbu na biso?

48. Bazui bango nyoso mibale ete bazali bato ya lokuta, mpe bazuamaki(2) kati ya baye babebisamaki. buku mpo tango mosusu bakokambama.

49. Mpe tosilaki kopesa Mûssa buku mpo tango mosusu bakokambama.

50. Mpe totiyaki mwana ya Maryam na mama waye mpo (bazala) elembo, mpe totombolaki bango nyoso mibale na esika ya likolo na ngomba, eye ezali na kimia mpe na mayi ebele.

51. Eh bino batindami! Boliya bilei ya malamu mpe bosala malamu. Ya soló, ngai nayebi maye bozali kosala.

52. Mpe umma(1) na bino oyo ezali sé umma(2) moko, mpe ngai nde Nkolo na bino bobanga ngai.

53. Mpe bakabwani(1) na makambo ya lingomba lia bango biteni biteni moto na moto azali kosepela na o ya ye.

54. Tika bango na libungi kino mwa ngonga moke.

55. Bazali kokanisa te, misolo na bana oyo tondimeli bango?

56. Tozali kopesa bango bolamu na lombango. Kasi bazali koyeba te.

57. Ya soló, baye na ntina ya bobangi Nkolo wa bango, batondisami na mawa.

58. Mpe baye bazali kondima na mikapo mia Nkolo wa bango.

59. Mpe baye basangisaka Nkolo wa bango na eloko te.

60. Mpe baye bazali kobimisa maye bapesi bango wana mitema mia bango mitondisami na bobangi (Nkolo wa bango), po bakozongaka epai ya Nkolo wa bango.

61. Baye wana bazali kowelisa тропа kosala bolamu, mpe bazali bato ya yambo тропа kosala (yango).

62. Mpe topesaka moto mokumba te sé oyo ekoki naye, mpe buku oyo ezali koloba bosembo ezali nde epai na biso mpe bakobubama te.

63. Kasi mitema mia bango mitondi na libungi тропа (kurani) oyo, mpe bazali na misala misusu bazali kosala (bazali kosalela yango na lolenge esengeli te oyo Allah atindi),

64. Kino tokomekisaka bato ya bozwi etumbu 0 kati na bango. Mpe okomona bango bakomi koganga тропа kosenga lisalisi.

65. Boganga lelo te. Ya soló, bokozua lisungi na biso ata шоке te.

66. Bozalaki koboya mikapo mia ngai miye bazalaki kotangela bino liboso,

67. (Bozalaki) kosalela yango lolendo mpe kotiola yango na tango miso na bino ezalaki polele.

68. Boye bazali komanyola liloba na oyo te (kurani) to eyeli bango oyo eyelaki bankoko na bango te?

69. To bayebaki motindami na bango te, mpo ete baboya ye?

70. To, bazali koloba ete azali ligboma? Kasi ayelaki bango na bosôló, mpe ebele na bango bazali kondima te.

71. Soki bosôló eyaki тропа kolanda bamposa na bango mbele mapata mpe mabele na maye mazali okati na yango malingaki kobeba, nzoka nde toyelaki bango bokundoli(1) na bango mpe bango тропа bokundoli na bango bazali kopesa mokongo.

72. To ozali kotuna bango lifuta? Kasi lifuta ya Nkolo nayo nde ezali malamu, ye mopesi bomengo ya malamu.

73. Mpe ya soló, ozali kobenga bango na nzela ya semba,

74. Mpe baye bandimaka te o mokolo mwa suka, bazali mosika na nzela yango.

75. Mpe soki topesaki bango ngolu na biso, mpe tolongola bango mpasi oyo bazalaki na yango, balingaki kotikala sé na masumu na bango mpe bakozinda mpenza kati na botomboki na bango.

76. Mpe tosilaki kopesa bango etumbu, kasi batosaki Nkolo wa bango te, mpe bamilelaki epai naye te (epai na Allah), тропа kosenga,

77. Kino tokofungolela bango ezibeli ya etumbu ya makasi, mpe bakozanga elikia (тропа bolamu ya Allah).

78. Mpe ye nde akela тропа bino, bomoni na boyoki na mitema, kasi bozali kotondo ye sé токе.

79. Ye nde akela bino mpe ati bino o mabele, bokosangisama epai naye.

80. Ye nde mopesi bomoyi mpe mopesi liwa, mpe ye nde mokesenisi butu na mokolo, boye bozali kokanisa te?

81. Kasi balobaki se maye bato wa yambo balobaka.

82. Balobi: Tango tokokufaka, tokokomaka putulu mpe mikuwa. Ya soló, boye tokosekwisamaka lisusu?

83. Basila kolaka biso na batata na biso liboso тропа oyo, yango ezali sé masapo ya kala.

84. Loba: Mabele na oyo ezali okati na yango ezali ya nani? Soki soló bozali koyeba.

85. Bakolobaka: Ezali ya Allah. Loba: Boye bozali kokanisa te?

86. Loba: Mapata sambo ezali ya nani, тре nani Nkolo ngwende ya monene?

87. Bakolobaka: Ezali ya Allah. Loba: Boye bokobanga te?

88. Loba: Bokonzi bonso bosimbami na maboko ya nani? Azali kobatela, kasi babatelaka ye te, soki ya soló bozali koyeba?

89. Bakolobaka: Ezali ya Allah. Loba: Kasi тропа nini bozali lokola balokami? (тропа kozanga na bango kondima na bomoko ya nzambe).

90. Tomemelaki bango bosóló, kasi bango nde bato ya lokuta.

91. Allah azali na mwana te, mpe ezali na nzambe mosusu te elongo naye, noki te, nzambe na nzambe alingaki kokende na bikelamu naye mpe basusu balingaki kozala likolo ya baninga. Nkembo mpe lokumu na Allah likolo ya maye bazali kolobela.

92. Ayebi mabombami mpe makambo ya polele, azali likolo ya maye bazali kosangisa ye na yango.

93. Loba: Nkolo; soki olakisaki ngai maye balakami.

94. (Na yango) Nkolo, kotika ngai o kati ya babubi te.

95. Ya soló, tozali na bokoki ya kolakisa yo maye tolaki bango.

96. Bengana mabe (kobongola) na kosala bolamu. Soló, toyebi malamu maye bazali kolobela.

97. Mpe loba Nkolo nazali kosenga nayo libateli тропа botombokisi ya basatana.

98. Mpe nazali kosenga nayo libateli Nkolo, ete bazala pene na ngai te.

99. Kino soki liwa ekomeli moko kati na bango akolobaka: Nkolo wa ngai, zongisa ngai.

100. Mpo nasala bolamu na maye natikaki na mokili, te, kasi ezali sé liloba oyo alobi, osima na bango ezali na ndelo, kino omokolo ya bosekwisami.

101. Мре tango bakobetaka to kofula kelelo, mokolo wana kibondeko ekozalaka te, mpe bakotunanaka mituna te.

102. Baye emekelo na bango ekoleka kilo mingi, (тропа bolamu), bango nde balongi.

103. Mpe baye emekelo na bango ekozalaka fafala, bango moko nde bamibungisaki, mpe bakokotaka lifelo, mpe bakozalaka libela o kati na yango.

104. Moto mokozikisa bilongi bia bango, mpe bakozala o kati na yango na mbebo yakozikisama.

105. Mitangelama bino mikapo mia ngai te, kasi bozalaki kondimela yango te?

106. Bakolobaka: Nkolo wa biso, bamabe na biso elongi biso mpe tozalaki babungi nzela.

107. Nkolo wa biso, bimisa biso okati na yango, mpe soki tozongeli, tokozala babubi.

108. Alobi: Botikala na kati na kozanga lokumu, mpe bolobisa ngai te.

109. Ya soló, Ezalaki na lisanga moko ya bawumbu na ngai bakolobaka: Nkolo wa biso, tondimi, limbisa biso mpe yokela biso mawa. Ya soló, yo ozali wa ngolu otanda bolamu.

110. Kasi botiolaki bango, kino ebosanisi bino kokumisa ngai, mpe bozalaki koseka bango

111. Ya sólo, lelo nazali kofuta bango тропа oyo bazalaki na bozeli na yango. Ya sólo, bango nde balongi.

112. Bakotunaka bango, mibu boni bolekisaki o kati ya mokili?

113. Bakolobaka: Tovandaki mokolo moko to ndambu ya mokolo, tuna batangi ya motango na yango. (baye bayebi kotanga mikolo miye havandaki)

114. Akolobaka: Bovandaki sé tango ya mokie, ya sólo soki bozali koyeba.

115. Boye bozali kokanisa ete tokelaki bino natina te, mpe bokozongisama epai na biso te?

116. Lokumu na Allah wa likolo mokonzi ya sólo. Nzambe mosusu ya kobondela na bosoló azali te sé ye (mei) Nkolo ngwende ya lokumu.

117. Mpe oyo akobondela elongo na Allah nzambe mosusu, azali na elembetele na yango ya polele te, ya soló lifuta naye mokozalaka sé epai ya Nkolo waye. Ya soló, bapengwi bakolonga te.

118. Mpe loba: Nkolo limbisa mpe tiya ngolu, yo nde oleki na ngolu.