سكربت القرآن الكريم للجميع الإصدار الخامس
دليل نواحي الإصدار السادس Nwahy Directory V6

Surah Abasa ( He frowned )

Surah Abasa ( He frowned ) - Akan Aya count 42

عَبَسَ وَتَوَلَّىٰٓ ﴿١﴾
(Nkͻmhyεni) anim sesaae, na ͻdanee ne ho.
أَن جَآءَهُ ٱلْأَعْمَىٰ ﴿٢﴾
Efirisε onifirani no baa ne hͻ,
وَمَا يُدْرِيكَ لَعَلَّهُۥ يَزَّكَّىٰٓ ﴿٣﴾
Na εdeεn na εbεkyerε wo sε ebia (saa onifirani no) bεyε kronkron,
أَوْ يَذَّكَّرُ فَتَنفَعَهُ ٱلذِّكْرَىٰٓ ﴿٤﴾
Anaasε ͻde afutuo no bεto n’adwene mu ama afutuo no ho aba no mfasoͻ?
أَمَّا مَنِ ٱسْتَغْنَىٰ ﴿٥﴾
Obi a ͻhwε ne ho sε ͻsom bo no,
فَأَنتَ لَهُۥ تَصَدَّىٰ ﴿٦﴾
Ɔno mmom na wotie no.
وَمَا عَلَيْكَ أَلَّا يَزَّكَّىٰ ﴿٧﴾
Sε wannyε kronkron a, εho asεm nna wo so.
وَأَمَّا مَن جَآءَكَ يَسْعَىٰ ﴿٨﴾
Obi a wabͻ mmͻden aba wo hͻ,
وَهُوَ يَخْشَىٰ ﴿٩﴾
Na osuro (Nyankopͻn no)
فَأَنتَ عَنْهُ تَلَهَّىٰ ﴿١٠﴾
Ɔno mmom na wayi w’adwen afiri ne soͻ.
كَلَّآ إِنَّهَا تَذْكِرَةٌۭ ﴿١١﴾
Daabi, εyε Afutusεm,
فَمَن شَآءَ ذَكَرَهُۥ ﴿١٢﴾
Enti obi a ͻpε no, ͻmfa ntu (ne ho) fo.
فِى صُحُفٍۢ مُّكَرَّمَةٍۢ ﴿١٣﴾
Ɛwͻ Animuonyam Nwoma (a εwͻ Nyankopͻn hͻ) no mu.
مَّرْفُوعَةٍۢ مُّطَهَّرَةٍۭ ﴿١٤﴾
(Nwoma a) εkorͻn wͻ Animuonyam ne kronkron yε mu,
بِأَيْدِى سَفَرَةٍۢ ﴿١٥﴾
Wͻ (Soro abͻfoͻ) Atwerεfoͻ nsam,
كِرَامٍۭ بَرَرَةٍۢ ﴿١٦﴾
(Atwerεfoͻ) Animuonyamfoͻ apapafoͻ no.
قُتِلَ ٱلْإِنسَٰنُ مَآ أَكْفَرَهُۥ ﴿١٧﴾
Due nka onipa. Sεdeε ne boniayε si teε
مِنْ أَىِّ شَىْءٍ خَلَقَهُۥ ﴿١٨﴾
Ͻbͻͻ no fri adeε bεn mu?
مِن نُّطْفَةٍ خَلَقَهُۥ فَقَدَّرَهُۥ ﴿١٩﴾
Ɔbͻͻ no fri ahobae mu, εna Osiesiee no,
ثُمَّ ٱلسَّبِيلَ يَسَّرَهُۥ ﴿٢٠﴾
Afei Ɔyɛε ne kwan so dwoodwoo maa no.
ثُمَّ أَمَاتَهُۥ فَأَقْبَرَهُۥ ﴿٢١﴾
Afei na Wasan ama no awu na Wasie no wͻ adakamena mu.
ثُمَّ إِذَا شَآءَ أَنشَرَهُۥ ﴿٢٢﴾
Na sε Ɔpε nso a na Wanyane no (afri owuo mu).
كَلَّا لَمَّا يَقْضِ مَآ أَمَرَهُۥ ﴿٢٣﴾
Daabi, nanso (onipa) nyε deε (Nyankopͻn) ahyε ( no sε ͻnyε).
فَلْيَنظُرِ ٱلْإِنسَٰنُ إِلَىٰ طَعَامِهِۦٓ ﴿٢٤﴾
Enti onipa nhwε n’aduane (ahyε ase),
أَنَّا صَبَبْنَا ٱلْمَآءَ صَبًّۭا ﴿٢٥﴾
Yɛhwie nsuo no ma ebuso paa,
ثُمَّ شَقَقْنَا ٱلْأَرْضَ شَقًّۭا ﴿٢٦﴾
Afei na Yɛama asaase no apaepae paa,
فَأَنۢبَتْنَا فِيهَا حَبًّۭا ﴿٢٧﴾
Na Yɛama nnuaba afifi wͻ so,
وَعِنَبًۭا وَقَضْبًۭا ﴿٢٨﴾
Ne bobe ne wira ne mfudeε ahodoͻ,
وَزَيْتُونًۭا وَنَخْلًۭا ﴿٢٩﴾
Ne nku dua ne akyiresua dua;
وَحَدَآئِقَ غُلْبًۭا ﴿٣٠﴾
Ne Turo a yɛagye ho a nnua ateten ahyε mma,
وَفَٰكِهَةًۭ وَأَبًّۭا ﴿٣١﴾
Ne nnuaba ne wira a mmoa weε.
مَّتَٰعًۭا لَّكُمْ وَلِأَنْعَٰمِكُمْ ﴿٣٢﴾
Ԑyԑ akᴐnhoma ma mo ne moayεmmoa.
فَإِذَا جَآءَتِ ٱلصَّآخَّةُ ﴿٣٣﴾
Na sε nteamu denden no ba a,
يَوْمَ يَفِرُّ ٱلْمَرْءُ مِنْ أَخِيهِ ﴿٣٤﴾
Saa Da no onipa bɛdwane ne nua,
وَأُمِّهِۦ وَأَبِيهِ ﴿٣٥﴾
Ne ͻmaame ne ne papa,
وَصَٰحِبَتِهِۦ وَبَنِيهِ ﴿٣٦﴾
Ne ne yere ne ne mma.
لِكُلِّ ٱمْرِئٍۢ مِّنْهُمْ يَوْمَئِذٍۢ شَأْنٌۭ يُغْنِيهِ ﴿٣٧﴾
Saa Da no, wͻn mu nipa biara ani bεbere wͻ asεm a εfa ͻno ara ne ho a, obi deε mmfa ne ho.
وُجُوهٌۭ يَوْمَئِذٍۢ مُّسْفِرَةٌۭ ﴿٣٨﴾
Saa Da no, ebinom anim bεhyerεn,
ضَاحِكَةٌۭ مُّسْتَبْشِرَةٌۭ ﴿٣٩﴾
Asere wͻ anigyeε mu,
وَوُجُوهٌۭ يَوْمَئِذٍ عَلَيْهَا غَبَرَةٌۭ ﴿٤٠﴾
Saa Da no, ebinom nso anim bεyε mfuturo,
تَرْهَقُهَا قَتَرَةٌ ﴿٤١﴾
Esum bεkata wͻn so, na animguaseε bεka wͻn,
أُو۟لَٰٓئِكَ هُمُ ٱلْكَفَرَةُ ٱلْفَجَرَةُ ﴿٤٢﴾
Saa nkorͻfoͻ no ne (Kaafirfoͻ) boniayεfoͻ nnipa bͻnefoͻ no.
Share