1. Kitab elle oobe marak yahuud kee nasaarak koroosite maraa kee Yallat agleyta haa mari, baxxaqqa geyyi haanam fanah edde sugen koroosannuk kata mara makkinnon.
2. Woh Yallih farmoyta Mucammaday saytun kitooba (Qhuraan kinnuk) yakriye.
3. Woo kitoobah addal nummâ xaagittee kee qadaalatal tan amrittey massal tani tan.
4. Mabaxsiminna kitab akah yontocowwime mari (yahuud kee nasaarak), baxxaqqa (Nabii kee Qhuraan kinnuk) keenih temeeteek wadir akke waytek.
5. Kaadu usun kalah kah amrisimeenim malón yallah qibaada caglisak, kaa yaqbudeeniih baatil diinittek inkih islaam diinî fanah keltaanaah salat soolisaanaah zaka yaceenim akke waytek, woh massa le diini kinni.
6. Diggah kitab elle oobe marak koroosittem kee Yallat agleyta haa mari, jahannam girah addal у an, teetil waarak, woo mari usun ginok umaaneh gacta ginó kinnon.
7. Diggah yeemeneeh meqe taamoomi abe marí, woo mari usun ginok tayse ginó kinnon.
8. Ken galto ken Rabbih xaqul Qhiyaamah ayro qadni deqsitta jannootay guba weeqaytitte как gexxa, umman kay addal waarak. Yalli meqe taamoomi keenik raabiteh, kaadu usun kaak raabiteenih keenih abe konnaba, woh isi Rabbik meesite marih galto.
