1. Ta baaxól xiibita. (makka kinnuk).
2. Nabiyow atu ta baaxol dabqih yan num kinnito.
3. Kaadu xaltanii kee xalecnimil xiibita.
4. Nummah seehadaytu taqabih ginne addunyal rabba iyyam fan.
5. Usuk (korosta kinnuk) num ise duude waam yakkalee?
6. Hiddootak: maggo maalu Mucammad qadaawatah bayse iyya.
7. Usuk num isi ablewaam yakkalee? yalli kaa yablehik.
8. Namma inti kaah mahanninoo edde yabaluh?
9. Kaadu arrabaa kee namma sokto (arrobta kinnuk) kaah mahanninoo?
10.Kaadu namma gita kaah mabaxxaqisinninoo? (umaanee kee maqaanê gita kinnuk).
11.Toysa Isi maalu meqe gital yaceemit dook (woh akeerâ gibdaabina kinnuk) macah tatre wee?
12. doô tatur kinnim maca koo tiysixxigeeh?
13. Woh naqoosannuk moomintoh tan naqso currusaanama.
14. Hinnay qulul edde gibdih yan ayróh addat maaqo yaskameenimi.
15. Xayi qayxixxuy ramad le yaskameenimi.
16. Hinnay tumaliy tussinnah burtat kafe yaskameenimi.
17. Wohuk lakal yeemeneeh, sabril titta farriimeeh, xuwaawal titta farriime marih num yakkeemi.
18. Woh migdi maray moominiinih yani kinni.
19. Kaadu ni aayootal (Qhuraan kinnuk) koroositc mari, usun guri mara .
20. Usun keenil alfimte girah addat yanin.
