1. Nabiyow Qhiyaamah ayroy Ghaashiya deqsittah xaagi koo gufeh innaa?
2. Woo ayro Koros foocitte taqunxeeh digaalat.
3. Is addunyal umaaneenâ taamittaah, akeeral girah addal digaalâ taqabta.
4. Niqnah solak tan girá culta.
5. Niqnâ gibdah facta darah leek tet yafqen.
6. Usun maaqó malón uma caxay dariiq deqsitta akke waytek.
7. Is magablussaay, qululuk xiqtam mali.
8. Moominiin foocitte woo ayro saytuniih wir itta.
9. Addunyal abitte isi meqe taama takcineeh ruffu itta akeeral.
10. Fayya iyya jannatih addal.
11. Uma yab kay addal ma taabba.
12. Kay addal gexxa dara tan.
13. Fayya iyya qaraakiy kay addal yan.
14. Kaadu kobboyaayiy maaqabah massoysimteeh daroorï qaxal heeni kay addal tan edde yaaquboonuh.
15.Kaadu Rooruh tan barkumaami (makaddid) kay addal tan.
16.Kaadu fidut tan fidooda kay addal tan.
17. Та koros gaali elle ginniime inna ma wagittaay ma cubbussaa?
18.Kaadu qaran fayya elle heen inna?
19.Kaadu qaleela elle dabsimteeh, karersimte inna?
20. Kaadu baaxó elle fidsimte inna ?
21. Toysa kassis! Nabiyow atu cagalah kassiisé kinnitok.
22. Atu iimaanah ken dirkisa num hinnito.
23. Kinnih immay iimaanat derre cabeeh, koroosite num,
24. Toysa Yalli kaxxa digaalah kaa digaale Ie.
25. Diggah ken madaara nee fan akkele rabeeniik lakal.
26. Tohuk lakal diggah ken cisab (fokkaaqo) kee galtó nel tan.
