1. Nabii Fooca ribbi heeh derre cabe.
2. Inti mali kaal yemeeteemih.
3. Nabiyow maca koo tiysixxigeeh usuk kok bartah yaniimit dambik saytunnoowa way?
4. Hinnay kassitaah, woo kassit kaa yanfiqe way?
5. Yallal yaamineemik Gaddalita numuh tugactek.
6. Tokkel Atu kaat tafkuneeh, kaat agxitta.
7. Koi tanim matan usuk aaminewaah saytunnoowe waamah.
8. Sissikuk koi yemeete numuh tugactek.
9. Usuk Yallak meesitak. (woh inti mali kinnuk).
10. Tokkel Atu kaak kalih marat agxitta.
11. Nabiyow atu kah abtenna hinna, diggah is kassiisi.
12. Tokkel faxa num kaa kasah. (Qhuraan kinnuk).
13. Yalli yeynebe kitoobah addal yan. (woh Qhuraanay lowcal macfuuzul yani kinni).
14. Is fayya lc arac leeh saytunnowteh.
15. Is Taktube malaykah gabat tan.
16. Massakaxxa le meqe malayka.
17. Seehadayti abbarsimuk maxxu koroosinnu leeh!
18. Yalli macak kaa ginee naharsi adda?
19. Tiffoytak (daacoytak) kaa gineeh ranko rankoh kaa caddoddoyseh.
20. Tohuk lakal gita kaah xabbacoyseh. (woh inâ bagih mawqa kinnik).
21. Tohuk lakal kaa qidaah edde kaa yaaguqen magaq kaah abé.(woh kabri).
22. Tohuk lakal Yalli isih faxa waqdi kaa ugsa qhiyaamah ayró.
23. Tónna hinnay nummah (guddunuh) Yalli kaak abá iyyeemiy kaa kah amrise maabinna.
24. Tokkel Seehadayti isi maaqô fanah cubbi luk wagitay.
25. Diggah nanu lee cayxih caxne qamburrek.
26. Tohuk lakal baaxó qanxisiyyah qanxisne.
27. Edde ambó teetit nuysubuke.
28. Kaadu qinabaay, anxeexa.(saqi qayso).
29. Kaadu zaytuunuuy, tamiira (nakila kinnuk).
30. Kaadu masnoonay (bustaanway) kiboh tani.
31. Kaadu caxâ mixuu kee caxuwa. (qayso).
32. Sin kee sin lacah tuxxiq takkê gideh.
33. Tokkel Qaddik tan xongoloy ayti waysissa tamaate waqdi. (qhiyaamâ xongolo kinnuk).
34. Too ayró num isi toobokoytak küda.
35. Kaadu isi inaa kee isi abbak küda.
36. Kaadu isi barra kee isi xaylok küda.
37. Woo saaku ummaan num keenik ise duddu haa caagidiy edde agxita le.
38. Too ayró meqe marih foocitte iftah.
40. Kaadu woo saaku urna marih foocittel obol yan,
41. Ditii kee dité tet buulta.
42. Woo mari usun gibdi korosuuy, gibdi umeyniiti.
