1. Yalli koros roocitte gibdi siibiyyah siibta malaykal xiibite.
2. Kaadu moominiin roocitte caalih tayyaaqe malaykal xiibite.
3. Kaadu yalli giiruh giirissa malaykay Yallih amrih wacyi oobissaah tayyaaqel xiibite.
4. Kaadu yalli qalaylih qalalta malaykay Yallih amri tagdabuh qalaltal xiibite.
5. Kaadu Yalli isi amri bicissaah tagdube malaykal xiibite.
6. Tangayyi (Baaxo kinnuk) tangayyeh tan ayróy gino inkih edde rabta (toh naharsi baantá fuxsunta ayró kinnuk).
7. Nammey haytô baantá teetil katayta (toh ummaanim edde tanuwweeh edde ugutta baantá).
8. Woo ayró koros sorkocobbaxitte meesittah.
9. Ken intiita xixxibittaah taqunxeeh.
10. diggah nee innaa gacsimelem Rabneek lakal nuwwuk addunyâ manoh iyyan?
11.Rumutte lafoofi tikki inneek lakalaa addunyah gacsinnam?
12. Is toysa baxaysitteeh, kasaaritte madaara iyyen.
13. Cagalah is ugut baanatah inki xongoló kinni.
14. Tokkel usun inkih saahira deqsitta baaxol nuwwuk gaabowan (woh Qhiyaamah ayro kinnuk).
15.Nabiyow Nabii Muusâ xaagi koi yemeetee?
16.Kay Rabbi saytunnoowe daqaaray Tuwa deqsital kaah seece waqdi.
17.Firqawnâ fanah gex, diggah usuk caddok tatrehik kaak axcuk.
18.Kaadu kaak ixxic: dambik saytunnowtaamih sangel maay litoo?
19. Kaadu ku Rabbih inkittinaanee kee kay taaqat eddc yanim koh ascassoo kaak meesita num takkemkeh?
20. Edde luk Nabii Muusa kaxxa astá kaa yuybulle.
21. Edde luk firqawni kaa dirabboyseeh cineh.
22. Tohuk lakal iimaanat derre cabeeh sissikuk gexe.
23. tokkel sinam kobxiseeh seeceh.
24. Anu sin Rabbiy inkih daga Raaqa kinniyo iyye.
25. Edde luk Yalli kaa digaaleh ellecaboh iyye maxcoo kee naharsi maxcol.
26. Diggah, firqawnaa kee digaalak kaa geyteemil Yallak meesita marah elle kaskassoowaanam edde tan.
27. Sinaamey ginoh gibduk raqtam siini innaa? hinnak qaranaay?xisoh kaa xisek.
28. Kay amo fayya heeh kaa massoyseh.
29. Kaadu kay bar dattoyseeh, kay laqó ayrô diifut yeyyeeqe.
30. Kaadu baaxó tohih lakal tet fidseh.
31. Teetik lee kee num kee lac akummu haytam teetik yeyyeeqe.
32. Kaadu qaleelá xiikooluh baaxot daabiseh.
33. Sin kee sin lacih tuxxiqih.
34. Tokkel qhiyaamaa kee Kaxxa gibda tamaate waqdi. (woh nammay haytó baanta kinnuk.)
35. Toh Num abba heem edde kassita ayró.
36. Kaadu jaciim deqsitta girá yaybulleen saaku yable marah.
37. Tokkel yallih amrih cinat caddok tatre numuh tugactek.
38. Kaadu akeerak addunyâ mano muxxuse num.
39. Toysa diggah Jaciim deqsitta girá is kay orbeyná.
40. Kaadu I si Rabbih foocih soolok meesiteeh, isi nafsi umaanê fayxik waase numuh tugactek.
41. Toysa diggah jannat usuk kay orbeyná.
42.Nabiyow Koros qhiyaamak soltima ma waqdiiy axcuk koo esserta?
43. Atu tet ixxigak litom mantu tet keenih warissuh.
44. Tet ixxigá cagalah ku Rabbit taade.
45. Cagalah atu teetik meesita mara meesiise (kade) kinnito.
46. Diggah usun tet yablen ayró, addunya manol carraa kee hinnay saakuk sa tu suge wee marih innah gacca iyyan.
