مفهوم نماذج اللغة الضخمة ومبادئ عملها Language Model
نماذج اللغة الضخمة هي أنظمة حاسوبية تقدر تفهم وتكتب نصوص زي البشر.
زي ChatGPT اللي بيكتب ردود ذكية ويجاوب على الأسئلة.
مكونات نماذج اللغة الضخمة:
النماذج دي بتتكون من جزئين رئيسيين: ملف المعلمات و ملف التشغيل.
ملف المعلمات (Parameters File):
تعريف: ده ملف فيه الأوزان والتفاصيل بتاعت الشبكة العصبية.
الأوزان (Weights): دي أرقام بتحدد قوة الروابط بين أجزاء النموذج.
يعني معلومات مثلا زي عدد الطبقات (Layers) والعقد (Neurons).
الحجم: ممكن يكون كبير جدًا. زي ملف نموذج كبير حجمه 140 غيغابايت (GB).
ملف التشغيل (Executable File):
تعريف: ده البرنامج اللي بيشغل النموذج.
ايه وظيفته ؟ :
بيحول النصوص اللي بنكتبها لردود باستخدام الأوزان من ملف المعلمات.
مثال: ممكن يكون مكتوب بلغة برمجة زي C وفيه أوامر لتشغيل النموذج.
طيب النموذج اللغوي ده و بيشتغل ازاي ؟ :
التدريب (Training):
العلماء بيدربوا النموذج على كميات كبيرة من النصوص.
التدريب يعني بيعلموا النموذج إزاي يفهم ويكتب النصوص.
بيعملوا كده عن طريق تعديل الأوزان في ملف المعلمات.
التشغيل (Running):
بعد التدريب، النموذج بيستخدم ملف التشغيل لتحميل الأوزان من ملف المعلمات.
بعدين يقدر النموذج يعالج النصوص الجديدة ويرد عليها بشكل ذكي.
خلاصة:
نماذج اللغة الضخمة: أنظمة حاسوبية ذكية بتكتب النصوص.
ملف المعلمات: فيه الأرقام اللي بتحدد إزاي النموذج بيشتغل.
ملف التشغيل: برنامج لتشغيل النموذج باستخدام الأرقام دي.
مثال توضيحي:
تخيل إن نموذج اللغة زي دماغ ذكي.
ملف المعلمات هو زي ذاكرة الدماغ ده.
ملف التشغيل هو البرنامج اللي بيخلي الدماغ يشتغل ويفكر.
ببساطة، نماذج اللغة الضخمة هي تقنيات بتخلي الكمبيوتر يفهم ويكتب النصوص زي البشر.
